ببغائي سويد يطييييير ؟؟؟؟؟؟؟؟!!

[7mamah]

السلام عليكم ورحمة الله وبركاته



فرخ الدره سويد عمره يوم اشتريته قال لي البايع ان عمره شهر وصار له عندي اسبوعين يعني عمره الحين شهر واسبوعين تقريبا

مسبب لي ازعاج طول الليل صاحي وفالنهار نايم

كنت مخلتنه في كرتوون وطول الليل يرفرف بجناحاته ويخرخش فالكرتونه وما يخليني اناام

قلت قبل في احد مواضيعي انه يحاول الطيران وقالوا لي انه بعده صغير على الطيران

ولكن اليوم حطيته في القفص وخليت الباب مفتوح وسرت عنه ويوم رجعت لقيته على الارض :confused:

قلت يمكن قفز رجعته وسكرت الباب وطلعت ورجعت لقيته متسلق القفص ويباا يطلع من سطح القفص المكشوف

سكرت القفص كامل والحين رجعت له طلعته من القفص عطيته ياكل لانه من العصر مب راضي ياكل كل شوي وبعدين رفض الاكل ما ادري ليش ما يريد ياكل كانه طعم الاكل مب عاجبنه مع انه هالاكل انا اعطيه اياه من اول ما جبته :confused:

وحاولت اكثر من مره اني اعطيه بيض وبقسمات وبطاطا مهروسه بس ما يرضى ياكل << خبروني طريقة تحضيره هل اضيف عليه الماي واخليه مثل السيريلاك والا كيف ؟؟ :confused:

الحين أكل شوي وطااار وتعلق بالستاااره :confused::confused::confused:


بصراحه بديت اشك ان عمره اكثر من شهرين :confused:


صورته لكم بس ما رضت الصور تنتقل :D

بحاول اصوره بكره واحط لكم صوره


اباا اعرف ليش ما يبي ياكل وشو اسوي فيه الحين يوم صار يطير ؟؟ :confused:

[mur1415]

عازف الكيبورد:
عندما يكبر الطائر ويبدا بترييش سوف يمتنع عن الطعام قليلاً لنه يريد تخفيف وزنه لكى يتمكن

من الطيران فلا تقلق

هذه أمور فطريه بل أعطه الطعام متى ما أراد وأذا أمتنع لا تجبره عاود ا لكره في وقت لاحق



اتمنى ينفعك

وهذا الموضوع الكامل
http://www.2zoo.com/vb/showthread.php?t=60037

[7mamah]

تسلم على ردك السريع

وفعلا افدتني

جزاك الله كل خييير :)

[mur1415]

الله يسلمك

[كاسـ jeddah ـكـو]

سبحان الله ..

نفس اللي يصير لك صآير لي ..!!

امور طبيعيه اختي

انا مخلي الدره بالكرتون ينام ساعه ساعتين ثلاث ويصحى ويخربش وسط الكرتون يبي يطلع لانه تعود يكون حر طليـق :D

وانا يوم اخذته كنت احطه على يدي يوقف عليها احسب انه فرخ بعد مايطير

وقعد على ايدي اول يوم وصرت امشي فيه واروح واجي وعادي ثابت مكانه

بس اليوم الثاني بالبيت فجعني يوم شفته طار .. بعد مو طار طيران عادي لا والله فر البيت فر مع ان عمره شهر وكم اسبوع ..

وعن سالفه القفص وفتحه للبيبان ..

انصحك تغيرين القفص اللي يكون بابه رفع " لانه ماينفع له " واساليني عن اللي معي جنني

صرت يوم انام اقفل القفص حقه بلصق عشان مايفتحه ولا بلقاه فوق راسي نص الليل ههههه


اتمنى آني فدتك ..

[لوتيه]

حمامه :)
زين كتبتي الموضوع عني انا بعد لي عندي نفس لي عندج صاروا يطيرون فالبيت وحده منهم ركبت فوق الثريا و لا طاعت تنزل الا بعد حيل :) مره اييبلها اكل و مره احطلها السله مالتها لين مانزلت عليها
و مره ركبت( فوق الجبس= تزيين في سقف المنزل خخخخ)
و تميت احاول اييبها بس ماقدرت لين مانزلة بروحها بعدين تحلفتلها و قصيت جناحاتها
و امس بعد قصيت ظفورهم :) الانهن قطعني تقطيع ايدي صارت مشوهه ماشاء الله ظفورهم حاده يدخلن فاليلد
و على طاري الاكل صارن ماياكلون الاكل لي كنت شاريتنه من البيطري لي كبرن عليه
و قلت بنزل موضوع اسئل شو الاكل لي ياكلونه بعدما يكبرون مع اني اعطيهم الحين ساعات موز و مرات تفاح و ماياكلون وايد

[فارس مجهول]

ماقصروا الاخوان بالنسبه لفرخ الدره كوكي لماشريته كان عمره 45 يوم بعدباسبوعين اواقل كان يطير طيران في البيت جنني حتى انه كان يطلع من الكرتون :Dفقمت قصيت الريش تبعه لكن انا ارتكبت غلط اني خلييت اختي الصغيره تمسك وشافني اقص الريش وزعل علي شوي

ملاحظه
قص الريش في الدره يختلف قليل عن الببغاوات الاخرى من وجهة نظري فانه يتم قص ريش الزينه اللي تحت مو باين يتم قصه بعنايه مو الريش الاخضر لا الريش اللي لونه تركوازي

[سكر]

والله يا أختي إذا ريشه اكتمل, ايش المانع انه يطير؟

بس حاولي تقصي ريشه وحدة وتتركي الريشه الثانية وانتي ماشية,,

عشان يحافظ على شكله

وسلمي على سودان :D


تحياتي

[mur1415]

يعني رايكم لو قام يطير الفرخ الي عندي اقص جنحانه ؟؟

[7mamah]

والله شعوور جمييل يووم تشووف طيرك اللي كان فرخ في كرتونه يالله يالله يتوازن الحين يطيير :D


بصراحه ما يهون عليه اقص جناحاته والا اظافره ابيه يكوون حر يروح وين ما يبي :D

انزين محد رد على سؤال اختي لوتيه شو نأكلهم الحين يوم كبروا ؟؟



سكر شكله ببغائك سودان مأثر فيك وماخذ تفكيرك لانك بتبيعه :D

تقصد سويد :D

وصلت سلاامك وهو بعد يسلم عليك :D


تسلمووون كلكم على الرد

ربي يوفقكم

[Noo]

والله شعوور جمييل يووم تشووف طيرك اللي كان فرخ في كرتونه يالله يالله يتوازن الحين يطيير :D


بصراحه ما يهون عليه اقص جناحاته والا اظافره ابيه يكوون حر يروح وين ما يبي :D




والشعور الاجمل وانتي اتشوفينه طالع من الباب وطاير في السما ...



لا سمح الله ....



قصي ريشة أحسن ...

[الآسطورهـ]

والله شعوور جمييل يووم تشووف طيرك اللي كان فرخ في كرتونه يالله يالله يتوازن الحين يطيير :D


بصراحه ما يهون عليه اقص جناحاته والا اظافره ابيه يكوون حر يروح وين ما يبي :D


انزين محد رد على سؤال اختي لوتيه شو نأكلهم الحين يوم كبروا ؟؟


اي والله هذا شعور حلو مرهـ:rolleyes:

بس الافضل قصي جنحانهم :D

في طريقه ماعرفها

تخلي الطير مايطير عالي مره

يكون على مستوى محدد يعني وهو يطير مايرتفع فوق متر واحد

وبالانسبه للأكل

عطيهم حبحب ( رقي ) :D

وبطيخ

وتمر << بس لا تكثرين

وخبز منقوع بمويه

وهذي الفتره من العمر فيها صعوبه

وهي ان الطير مايعرف كيف يشرب مويه

اتمنى اني افدتكـ

[زياد محمد]

:D هلاا حمامة مادري يمامة كل يوم احد يناديك باسم ههههه المهم كيف الحال >>> شكلك مانت ماخذ عبرة مثلي وتبي طيرك يطير مثل ما طاار طيري:eek: ههههه انتبه مثل ماقالك سكر قصص جناحته:rolleyes:

[7mamah]

Noo


والله شكلي بقصهم لانه عذبني فالغرفه دوم ألاقيه على الثريا والا على باقة الورد الزينه اللي معلقه في الجدار << على باله في حديقه :D

وبالغصب ينزل :D


الاسطورهـ

يعني اقدر اعطيه مثل هذي الاشياء في هذي السن >> اقل من شهرين ؟؟؟

اليوم عطيته مانجو وقعد يلحسه وشكله عجبه :D



زياد يا زياد :D

والله محد غيرك اللي كل يوم يناديني باسم غير :D

وبعدين اناا بنت ياخوي :D

لا ان شااء الله طيري وفي وما بيطير :D

بس بعد تفكير احس انه افضل له اني اقص جناحاته من الحين :D

[لوتيه]

حمامه فديتج قصي جناحاته احسلج والله مابيوفيلج يوم بيشوف الدريشه مبطله :)
انا لي عندي كل يوم واقفات على باب البلكونه يشوفن الجو برا اقول هيه لو الباب مبطل ما بحصلكم
مكانكم :)
انا متعقده من سالفة الطيران و الله يوم بيطير بتمين تقولين
ياليتني سمعت الرمسه و قصيت الجناح و ياليت و ياليت :)
قررت اقط الجناح الانه مب زين يتمون يدعمون الايدار
عادي يصب دم من منقاره الانه قبل صارت لحد يقربلي و مره صارت وحده من عندي ولا تقصينه انتي
خلي حد يقصه و خلي اخر ريشتين يعني اقصد اول ريشتين لاتقصينهن عشان مايخرب منظر الجناح
الانه يوم قصيت الجناح واحد تحسس من الموضوع تم زعلان شوي فأفضلج انه حد يقص الجناح عنج

[كاسـ jeddah ـكـو]

آهئ آهئ

آليوم طآرت علي الدره الثانيـه اللي عمرها 3 شهور

ولا ادري وين راحت :(

الله يوفقها بطريقها وان شاء الله اللي يحصلها يعطيها العنايه اللي تحتاجها صراحه اخاف عليها :(

[7mamah]

حمامه فديتج قصي جناحاته احسلج والله مابيوفيلج يوم بيشوف الدريشه مبطله :)
انا لي عندي كل يوم واقفات على باب البلكونه يشوفن الجو برا اقول هيه لو الباب مبطل ما بحصلكم
مكانكم :)
انا متعقده من سالفة الطيران و الله يوم بيطير بتمين تقولين
ياليتني سمعت الرمسه و قصيت الجناح و ياليت و ياليت :)
قررت اقط الجناح الانه مب زين يتمون يدعمون الايدار
عادي يصب دم من منقاره الانه قبل صارت لحد يقربلي و مره صارت وحده من عندي ولا تقصينه انتي
خلي حد يقصه و خلي اخر ريشتين يعني اقصد اول ريشتين لاتقصينهن عشان مايخرب منظر الجناح
الانه يوم قصيت الجناح واحد تحسس من الموضوع تم زعلان شوي فأفضلج انه حد يقص الجناح عنج


خلاص بقصهن بس اخاف اعوره واطلع الدم :(

وما اثق في حد علشان اخليه يقصهم عني :(

بشوف لي حل ان شااء الله

يمكن اوديه عند بيطري والا راعي محل للحيوانات وبخليه يقصهن


تسلميين يالغااليه

ربي يوفقج

[7mamah]

آهئ آهئ

آليوم طآرت علي الدره الثانيـه اللي عمرها 3 شهور

ولا ادري وين راحت :(

الله يوفقها بطريقها وان شاء الله اللي يحصلها يعطيها العنايه اللي تحتاجها صراحه اخاف عليها :(

صدق خاينه :(

دورها قريب البيت يمكن تحصلها منخشه في مكان قريب :(

ان شااء الله تحصلها والا يحصلها حد يعرف يهتم فيها :(