ممكن مساعده بليز بخصوص مرض القطوه بعد التطعيم

[CaTTy]

السلام عليكم ورحمة الله وبركاته

قطوتي اليوم رحت اطعمها وهذا اول تطعيم لها مال ابو 4 شهور

بس من رجعت واهي تعبانه بس تنام وحتى ما اكلت شي

مادري اذا هالشي يضرها او لا :confused:

اقدر اعطيها بنامول مال الجهال او مايصير ؟؟

مادري ياليت تفيدوني بهالموضوع واكون شاكره لكم:(

[قطو_Q8te]

لااختي ماعليه شي طبيعي
القطه بعد التطعيم تتخدر شويه وتنام بعدين تصحا وزي الفل تصير بس لازم تتجنبين استحمامها ليمن يلتئم مكان غرز الابره يعني بعد اسبوع من التطعيم

[CaTTy]

مشكوور اخوي قطو كويتي وجزاك الله خير ع الافاده

بس والله خايفه عليها حيل

لانها قاعده ترتجف اخاف تموت او اني غلطت لما طعمتها

[قطو_Q8te]

لاماعليه اهي خايفه شويه لانه اول مره واول مره تاخذ ابره كلنا صار معانا جذي.
وان شاء الله مافيها الا العافيه اقري عليها المعوذتين ترا هم تبقى روح وعرضه للحسد من قبل الاهل والاصدقاء
وباجر تشوفينها ردت لطبيعتها انتي بس لمسي عليها وقولي اسمها بحنان رح تحس بالامان وحاولي اتييبين شي تحبه
ييبي قطعة مرتديلا وعطيها ا كيد رح تحبها حيل
وباجر مثل ماقلت ترد لطبيعتها وطمنينا

[فطوم]

اختي كاتي اذا كان وصل عمرها الهرين فهذا موعد تطعيمها:)

وشي طبيعي تصخن بعد التطعيم حتى الإنسان يصخن بعد التطعيم اهم شي لاتسبحينها:)

[CaTTy]

ييبي قطعة مرتديلا وعطيها ا كيد رح تحبها حيل


المشكله انها ماتبي اي شي عطيتها من الغدا كالعاده واهي متعوده عليه واتحبه بس ما اكلت

وعطيتها عقب جبن وهم بعد متعوده عليه واتحبه بس هم ما اكلت

مادري شسوي اخاف تموت جذي بدون لا تاكل شي

[CaTTy]

اختي كاتي اذا كان وصل عمرها الهرين فهذا موعد تطعيمها:)

وشي طبيعي تصخن بعد التطعيم حتى الإنسان يصخن بعد التطعيم اهم شي لاتسبحينها:)


ادري اختي فطوم انه شي طبيعي بس هم بعد احنا ناخذ دوا وجمادات للسخونه

بس بالنسبه للقطاوه مادري شلون انخلي السخونه تخف لا اهم نفس الجهال يشربون الادول ولا نفسنا يالكبار

[قطو_Q8te]

ل وووو لـ اختيـ ماعليه انتظري لباجر ورح ترد على طبيعتها لاتخافين

[CaTTy]

اوكي ننطر

عاد رحت للجمعيه اول ماقلتلي عطيها مرتديلا وشريتلها مرتديلا وجبن وحليب خالي الدسم

عطيتها المرتديلا مارضت

عطيتها حليب شربت شووويه بس

وبنطر لي باجر واشوف على قولتك


واشكرلك اخوي مساعدتك ومتابعتك لموضوعي وجعله الله في ميزان حسناتك

[عــوعــو]

الله يشآفي قطوتكــ,؛,ــ

ومآفيهآ إلآ العآفيه إن شآء اللهــ.؛.ــ

[CaTTy]

الله يسمع منك

وتسلم اخوي عوعو عالمرور

[قطو_Q8te]

بشري اختي شخبارها

[CaTTy]

اليوم تمام الحمدلله اكلت وشربت وقاعده تلعب :)

[أفنان]

الحمدلله على سلامتها :)

[CaTTy]

الله يسلمج اختي ولا يوريج مكروه بغالي :)

[قطو_Q8te]

الحمدلله =)

[passposse]

السلام عليكم ..

حمد لله ع سلامتها اختي انشا الله ارتاح بالج عليها ..

ذكرتيني باول مره سوينا فيها عمليه لقطوي المفضل بسبوس يحليله كانو حاطين ع راسه الصحن عشان ما يعض نفسه ولا يأذي نفسه .. تميت اصيح وكله نايمه عنده ..

كان السبب من قطو من برع شراني .. عضله ايدينه وصارت تنزل دم وودينه ع طول المستشفى والله كنت خايفه عليه .. هذا شيبتنا وغالي علينا في البيت الدلوع ..

سلاماتو ..

[بدر^الكويت]

حمدالله على السلامه اختي
والله يخليه لج انشالله.
تحباتي

[CaTTy]

ههههههههههه اي والله شنسوي بعد اذا ماخفنا عليهم على منو نخاف

انا عاد من زمان عن القطاوه وقبل ماكانوا يخصوني عشان اهتم فيهم كانت امي اللي تهتم

وناسيه اصلا كل شي عنهم


وهذي خوفتني مو من عوايدها جذي اهي شيطووونه حيل ومره وحده طاحت بلا حركه


يالله ازمه وعدت

والله يخليلج بسبووس <<< اسم القطو مالي قبل لوووووووول


http://q8qirl.jeeran.com/catt.gif


الله يسلمك ويخليك اخووي بدر