ناويه اخذ قط بعمر اقل من شهر شو تنصحوني

[قمر]

ناويه اخذ قطط صغيره يمكن عمرها اقل من شهر شعرانيه بس للحين ماتاكدت من نوعها

شو تنصحوني فيه وشو ااكلها

انا قالي البيطري شربيها حليب الاطفال ينفع ؟؟

[بنت نت]

اح اح

اقل من شهر يموتن عندك

بالقليل شهر ونص

[قمر]

ليش يموتن؟

[الصولجان]

اختي العزيزة
تربية القط في هذا العمر تعتبر شئ صعب جدا
لأنه يجب تغذيتها بالحليب باستمرار والتاكد الاكيد انها شربت الحليب
والجو حق البيت لازم يكون دافي
ونترك المجال لغيرنا

[الدمية الصغيرة]

الحقيقة اختى قمر تربية قطط اقل من شهرين تحتاج اشياء كثيرة و منها الطعام طبعا تسالى الطبيب و زى ما قال لك حليب اطفال ينفع لهم بس ايضا تسالى محل حيوانات عن طعامهم و يا ريت تسالى طبيبك البيطرى اذا ممكن تاكليهم سيريلاك اطفال بالملعقة و ما تحتاجينه ثانية هو ادوات التجميل من امشاط لاتجرح جلدهم و فرش ناعمة و مقص مخصص لقص اظافر القطط و ساعطيكى الطريقة فيما بعد و ايضا تحتاجين اوانى طعام و ماء و مكان لقضاء الحاجة من البلاستيك و شامبو خاص للاستحمام و اذا لم يتوفر استخدمى شامبو جونسون & جونسون و تحميهم كل 3 اسابيع و حاولى الا يتسخوا كثيرا و تحتاجين اسرة و العاب ممكن العاب اطفال عادية و يفضل قلم الليزر و طوق للزينة ممكن يكون طارد للحشرات اسالى الطبيب و البائع و هو سيدلك

[مشاغــب]

ياهلااا اختي قمر

انا مو خبير في القطاويه بس يمكن اقدر افيدج

انا انصحج انج ما تاخذين قطوو عمره اقل من شهرين

لان يكون اكثر الامراض في هذا العمر

ولازم تكونين دايره بالج عليها حيل ومعطيتها وقتج اغلبه

.. واذا حابه انج تشترينها هذا شي يرجعلج

وترى ينفع اكل الاطفال مثل حليب و الادويه

وانشااء الله يفيدوونج الخبيرين

[قمر]

مشكورين كثييييير


خلاص ان شالله بحاول اخذ القطط بعمر اكثر من شهر واقل من شهرين لانهم توهم كتاكيت توهم مبطلين عيونهم فديتهم... بس اخاف حد ياخذهم قبلي :(

[فطوم]

اختي تقدرين تحجزينهم
لكن قط عمره اقل من شهرين لاتاخذين انتي لوتاخذين قط عمره شهر وبعد شهر تقارنينه مع اخوانه الي رضعو اكثر بتلاحظين فرق بالحجم والصحه ارجوج نطري لاتغلطين هالغلطه ويروح عليج القط وتندمين طول عمرج:)

[قمر]

ان شالله

مشكوره فطوم


يعني ماينفع حتى لو كان عمره شهر ونص :(

[عــوعــو]

امممممممممممممم


أنآ أخذت نُوّسَآ...وكآن عمرهآ شهر ونصــ,؛,ــ

وصحتهآآ مرآآآ كويسهــ,؛,ــ

بس طبعاً لو أخذتهآ بعمر الشهرين بتكون صحتهآ أفضلــ,؛,ــ

[قطو_Q8te]

ان شالله

مشكوره فطوم


يعني ماينفع حتى لو كان عمره شهر ونص :(

السلام عليكمـ
قط اقل من شهر ما انصحج فيه لانه صغير حيل ويالله قادر يمشي وصعب تربيته لانه للحين ضروس ماطلعوله شلون بتوكلينه وتعتنين فيه ولازم جو وايد دافي نفس حضن الام لانه توهم
صج انه في رضاعات للصغار بس رح تتضايقين وايد ومثل ماقالت الدميه هذي كماليات القط

وعلى فكره السيريلاك انا جربته وحباه سوسي لمدة اسبوع بعدين ماصار ياكله

اقتباس فطوم
بالعكس فطوم سوسي كان عمره شهر ونص يبناه \ قطوة خالي لوسي واخوها شهر نص
والحين قطاوة خالي الي عارضهم للبيع عندنا بالبيت عمرهم شهر ونص بالضبط وهذي اصورهم


بسم الله ماشاء الله


http://www.q8boy.com/uploads/d64f60eb91.jpg


بسم الله ماشاء الله

http://www.q8boy.com/uploads/b705d3b046.jpg


بسم الله ماشاء الله

http://www.q8boy.com/uploads/28092db216.jpg


بسم الله ماشاء الله

http://www.q8boy.com/uploads/b9e7313cdd.jpg


بسم الله ماشاء الله

وهذي اختهم لوسي

http://www.q8boy.com/uploads/f37974a254.jpg


بسم الله ماشاء الله

http://www.q8boy.com/uploads/24b227ce00.jpg


بسم الله ماشاء الله

[قمر]

الله يوفقك ياقطوا

خلاص اجيبهم بعمر شهر ونص

عندي كمن سؤال معليش بغثك :)

شو اتاكلهم؟

مدربين على الحمام؟ واذا لا كيف علمتهم ؟

ماافتقدوا امهعم والبيت اللي عايشين فيه قبل؟

[قطو_Q8te]

الله يوفقك ياقطوا

خلاص اجيبهم بعمر شهر ونص

عندي كمن سؤال معليش بغثك :)
شدعوه :confused:

شو اتاكلهم؟
الرمادي ياكل بفك + دراي فود يقعد يجكجك فيه شوي لوول \ البيضه تاكل قطع جبن الي مع الهمبرجر او مثلثات جبن + حليب يوم اي يوم لا طبعا كامل الدسم بمتنهم شويه =>

مدربين على الحمام؟ واذا لا كيف علمتهم ؟
اي ويحفرون وكله \ طريقة ال تدريب خالي كان حاطهم ويا اختهم واخوهم الكبار بالحمام حابسهم يعني فتعلموا ماشاء الله

ماافتقدوا امهعم والبيت اللي عايشين فيه قبل؟
زي الئرود :p
ولاهامهم شياطين يلعبون وينطون وكل حاقه
بس الرمادي مادري احسه مفتقد ماماتو لانه ويها حزين لوول

[قمر]

مشالله الله يخليهم لك وتلقالهم احلى بيعه :)

[قمر]

يحليله الرمادي صج انه مبوز

فديته حاول تراضيه :)

[أفنان]

نصيحة لا تاخذين قطو عمره اقل من شهرين
شوفي اللي بتوقيعي شريتها وعمرها شهر ونص .. جلست عندي اسبوعين وماتت :(
طبعا مو بكل الحالات .. ممكن تعيش عندك القطوة بس مناعتها ما راح تكون مثل باقي القطاوة لازم ترضع من امها

[قطو_Q8te]

افنان بالعكس
انتي شوفي الرساله الخاصه الي بدزها لج

[قمر]

الله يعوضج فيها :(

[بوب عراد]

حراااام اقل من شهر تاخذينه لا خلي لي مايصير عمره شهرين او عقب اخذي لئنه خلي يرضع عن امه

[قمر]

بو عراب

خلاص بخليه عند امه

[الصولجان]

مشالله صراحة قمة الروعة