ممكن تساعدوني ؟

[kitten_Q8ia]

السلام عليكم يا اعضاء و مشرفين هذا المنتدى
عندي سؤال و ابيكم تساعدوني قطوتي missy ما تحب الاكل الناشف اصلا ما تاكله بس تحب المعلب بس امي تظايقت من الريحة لان ريحة غرفتي مو حلوة بعدين امي قالت اذا ما علمتيها على الاكل الناشف راح اقطها بالشارة (يعني راح تحرمني منها ) بعدين قمت استعمل الاكل الناشف بس ما تاكلة قمت ابطل حلجها و احط فيه شوية هم ما تاكل فقمت اخلط معاة شوية اكل معلب بس اهيا تاكل المعلب و تخلي الناشف شسوي انا احب قطوتي وايد و ما ابي امي تحرمني منها بلييييييز ساعدوني :confused: :confused: :confused:

[roosario55]

أهلاً و سهلاً بيكي يا أختي.

إنتي ليه بتأكليها في غرفتك!! عوديها تاكل بره في المطبخ و إعمليلها طبق مخوص ليها واحد للماء وواحد للأكل و إن شاء الله هي حاتتعود بس كل ما تنونو إنها جعانة شليها و حطيها عند طبقها و لا تأكليها كتير الأكل الجاف أكليها معلبات و إن شاء الله مش حيبئى في رائحة كريهة بس طمنينا.

[Withered Rose]

في بعض الاكل الجاف بالجمعيات القطط ما يحبونه حتى لو يواعه ما ياكلونه .. حاول تعرفين الاكل اللي تحبه .. اذا ما نفع حاولي تعطينها دياي مشوي أو مسلوق و تطحنين الدراي فود و تحطينه على الدياي أو اي اكل اهيا تحبه .

هذا نوع القطط تحبه من ماركة Purina Cat Chow للقطط اللي داخل المنزل :
http://www.petfooddirect.com/store/images/prod/3013624_lg.jpg


هذا نفس الماركة اذا كانت missy صغيرونه :
http://www.homegrocer.com/images/products/purina%20kitten%20chow.gif

و هذا واااايد وااااااايد يحبونه :
http://www.petco.com/Assets/product_images/1%5C1780056614B.jpg

[kitten_Q8ia]

انا استعمل الاصفر kitten chow و الازرق من نوعية purinacat chow all ages

[kitten_Q8ia]

انا قطوتي عمرها 3 شهور و يا اخي انا احط اكلها بالحمام عند رملها

[roosario55]

ربنا معاكي يا kitten بس أنا بفضل طول عمري أحط أكل قططي في المطبخ مش عارفة ليه بس تقريباً علشان مش بحبهم ياكلو في الحمام :p .
على العموم هي لسة صغنتوته وربنا يسلمهالك و يخلهالك.

[Withered Rose]

ما انصحج بالأزرق لانه حتى بالجمعيات قامو يشيلونه الحين ..
بس 3 اشعر بعدها يمكن صغيرة و تحتاج كالسيوم أكثر عطيها جبن او بيض او حليب (خالي الدسم).. الصغار ما يفضلون الاكل الجاف بس شوي شوي يتعودون عندي قطو كان ما يحب ياكله بس انا مخليته عنده 24 ساعه بس ييوع شوي يضطر ياكل ..

في نوع من المعلبات ريحته مو قويه اسمه felix اختاري الدجاج او اللحم يكون مخلوط مع خضار .. هذا نوع جيد لان مافيه ريحه وايد .

[AlIkHaNdRo]

حطيلها الناشف مع الحليب ...

[CaTTy]

اهلين اختي

انا بعد من راي امج

الاكل المعلبات الخاص للقطط اولا ريحته خايسه وثانيا يسبب اسهال وانتو بكرامه

وانا جربته وصج ريحة الغرفه تلووع الجبد انا بنفسي كنت اتضايق وكل شوي ابخر الغرفه

وبعدين ماقمت اعطيها كلش منه لانها صابها اسهال منه وتاذيت لما رحت للدكتور البطري قالي يمكن من اكلها وسالني عنه ونصحني اعطيها من اكلنا وانوع لها

وراح اقولج بعض الاكلات اللي تحبها القطوه من تجربه شخصيه

عطيها بيض مسلوق بدون ملح ولا اي شي حااف

وعطيها عيش شوويه ودجاج نتفيه لها بدون لا يكون فيه عظم لانه يضر القطاوه

وعطيها جبن مثلثات خالي الدسم

وعطيها حليب خالي الدسم

ومرتديلا بعد بدون طبخ ولا شي بس قطعيها صغار صغار

واتمنى اني افدتج ولوو شوويه

[kitten_Q8ia]

مشكورين كفيتو و وفيتو بس سؤال الحليب ما يطيح شعرها ؟

[Withered Rose]

الحليب الخاص بالقطط او (خالي الدسم) زين حق عمرها لانها بعدها صغيرة و تحتاج كالسيوم :) :)

[قطو_Q8te]

والله انا احطلهم حليب مرتين بالاسبوع
او يوم اي يومين لا
او يوم اي يوم لا وجذي وماشفت شعر طاح ولابطيخ !

[بدر^الكويت]

والله انا قالي الطبيب لاتعطيها حليب لانه يسب اسهال اعزكم الله.حتى لما قلتله اعطيه جبن خالي الدسم قال لا لاتعطيه غير اكل الكيتن بس.
حتى انا القطو الي عندي ماياكل الدراي فود ما ادري ليش ممكن عشانه صغير توه وانا ماودي اغصبه عليه بخليه لين يكبر شوي انشالله واحاول اعوده عليه.
تحياتي

[CaTTy]

لا الحليب مايطيح الشعر

بس اهم شي يكون خالي الدسم لانه كل ماكبر القطو يقل نسبة انزيم اللاكتيز واللي اهو ضروري حق الاستفاده من اللاكتوز الموجود بالحليب ومنتجاته

فعشان جذي ماراح يقدر القطو على هضم الحليب وبجذي يصيبه الاسهال ... عطيه حليب خالي الدسم وماراح يضره

والشغله اللي تطيح شعر القطو اهي السمك فإذا كانت قطوتج شعرها كثيف لا تعطينها سمك

اما اذا كان ماعليها شعر عادي عطيها تونه ..

[قطو_Q8te]

صح كلام كاتيـ
الحليب مو مضر بالدرجه الي تتخيلونها -_= !

[عــوعــو]

الحليب...و...البيض...والتونه...<===<< يطيحون الشعر

مآ طيح شعر نوسآ إلآ الحليب والبيض^^!

وبعدين يآ إختي إبعدي عن الشر وغنيلووو :p

[Withered Rose]

عــوعــو :

القطوة بعدها صغيرة عمرها 3 أشهر و تحتاج الحليب (حليب القطط الصغيرة أو خالي الدسم )..
و كلام كاتي 100%

[بدر^الكويت]

انا اقول الدراي فود حق اكيتن الي لونه اصفر احسن من الحليب لانه يحتوي على جميع البروتينات والفيتامين الموجوده بحليب الام وهذا مكتوب عليه اليه جذي.
انا القطو الي عندي ماكان ياكل الدراي فود خلطته مع الاكل مال المعلبات نص ملعقه كبيره اكل معلبات ونص ملعقه كبيره دراي فود حطيتهم بقوطي وبالملعقه اهرسهم مع بعض والحمدالله القطو عندي اكله.
بعدها قام ياكل الدراي فود بعد ماكان مايطيقه قبل والحمدالله.
تحياتي