اضراب عن الطعام

[الروح الاسيره]

السلام عليكم

فرخ الدرة اللي عندي من امس مضرب عن الطعام

مع انه اول لما يجوع يسوي لنا فضيحة في الفريج من صراخه و يجيني يرررركض و يفتح منقاره على مصراعيه :D

تركته اسبوع عند احدى صديقاتي لظروف

و يوم جبته من يومين لقيت وضعه متشقلب

هو الى الان مرح و يلعب لكن مو راضي ياكل الا لما يحس انه خلاص بيهلك جوع شوي يطاوع في الاكل
ياك كم لقمة و يهون

اليوم الصبح معررررررركة قلت الا غصب ياكل و على هالمعركة ما اكل الا كم لقمة بس

و احيانا لما اوكل يلفظ اللي اعطيه (يبصقه)

شالعمل وياه :confused:

و هم الاحظ فيه كل يحوس كانه يبي يدور اكله بنفسه بس حتى لما ارمي في طريقه شي ياكله احسه توه ما يعرف ياكل زين مع انه يحاول و احيااااانا ينجح

احس قاهرني و كاسر خاطري اخاف يصير هزيل والا يجيه شي :(

هل اخليه اضع له طعام و اراقبه والا اجبره والا شسوي
اول مرة يصير عندي فرخ يتصرف كذا :confused:

[الروح الاسيره]

صح تذكرت شي

ليلة اللي اخذته لاحظت عليه اظافره صارت لا تطاااق حاده تقطع اليد و هو ما شاء الله خلال هالاسبوع كبر بسرعه هع

قلمت اظافره بنفسي و الحمد لله كان التقليم سليم ولا في اي ادنى اصابة

مادري له علاقة في الموضوع والا لا

[عاشقة الطيور]

وعليكم السلام ورحمة الله وبركاته

انا ماعندي خبره في تغذية الفروخ لكن دامه يبي ياكل بروحه خليه على راحته جربي معاه اكل لين بالبدايه وراقبيه اذا كان ياكل ولالا وكل فتره اكليه سريلايك اذا كان يبي لما توصلين للحب الشمسي وعطيه مقشر بالبدايه وان شاءالله مع الايام بيتعود على نفسه كليا


وقريت بعد ان الفرخ لين يكبر يخفف كمية الاكل عشان يصير جسمه خفيف ويهيئه للطيران .. فالاحسن انج تحطين له الاكل وبروحه متى ما شعر باليوع بياكل لكن مثل ماقلت لج لازم تراقبينه اذا كان ياكل او لا

وعن الاظافر مااظن له علاقه

السموحه على القصور

وبالتوفيق

[الروح الاسيره]

هو يعني اليوم الصباح قصيت له شريحة خيارة و شريحة تفاح و سويت له سندويتش لين و الحمد لله كل له شوي

بس الظاهر مثل ما قلتي انه يهيء نفسه للطيران

لان اليوم يوم جيت اطله يتشمس قعد يلعب و يطامر مثل الدجاج يحاول يطير
و فعلا قفز قفزات منخفضة و هو يطير علما ان ذيله ما اكتمل بعده قصير و جناحه ما اكتل مية مية

الله يعينني عليه شكله هالفترة بيجنني