ما هي الأحتمالات...؟؟ (عااااجل)

[كاسكوكيه]

السلام عليكم و الرحمه

اليوم ان شاء الله.. بيوصل فرخ (عمره 5 شهور) من بيت اخوي .. عملاً بنصيحة أخوي سكر.. لمحاولة علاج نتف الريش عند الكاسكو مالي..

الكاسكو الي عندي عمره سنه و شهرين.. و اليوم كان ينتف حول رقبته لحد ما طلع الدم.. المهم.. سؤالي.. شو فرص انتقال عادة نتف الريش للببغاء الأخر.؟؟؟

و سؤال أخر.. فرق العمر.. (الي عندي و ينتف عمره سنه و فوق و الثاني عمره 5 شهور) هل ممكن يتواالفون...؟؟


طبعن انا مش ناويه اخليهم في نفس القفص لحد ما تمر فتره 2 أو 3 أيّام..

الببغاء الصغير موالف زوجة أخوي.. بس مش موالف مع اخوي.. و شامبيه موافني انا.. و يطلع على ايدي..

و وحده من تلميذاتي بعد حبّت اني اخلي الكاسكو مالها عمره سنتين و يتكلم ما شاء الله... مع شامبيه لو هالشي بيشافي شامبيه من نتف الريش.. بس ااريد أعرف لو عادة نتف الريش ممكن تنتقل بالتقليد..؟؟؟.

<<< أسمحوا لي نفسيتي تعبانه :( كل يوم اقوم من3 الفجر أحاول اقضي ساعات مع شامبيه قبل ما اروح الشغل :( بس اليوم صدمني الدم الي طلع..خذته معاي المدرسه خفت اخليه في البيت ارجع القاه ذابح نفسه.... صبرن جميل والله المستعان :(
يزاكم الله ألف خير

[عازف الكيبورد]

السلام عليكم

اختى نتف الريش

يكون بطريقتين اما فيروسيه واما نفسيه

أن كانت فيروسيه فمع ألاسف أن لا يوجد علاج لطائر ومن ألافضل التخلص منه

وهذى لا نستطيع ألتأكد منها الا بعد اجراء تحليل لدم


وان كانت نفسيه فأنها سوف تذهب بزوال ألاسباب النفسيه وقد أفادوك فيها الاعضاء


تبقي مسألت أهتراء الريش

يسمي القلش الفرنسي أو تكون هناك بعض الحشرات او الميكروبات تسبب اهتراء الريش


فلأسباب كثيره اختى ويجب ان تعرفي السبب أين حتى تستطيعى العلاج



ومن ناحيتى لا انصح وجود طير اخر مع الطير المصاب حاليا حتى لا يـتأثر الطير الاخر

اما بأحد ألامراض التى ذكرتها

قبل ان نعرف المسبب الرئيسي للنتف أنصحك بعرضه على طبيب واجراء التحاليل

[كاسكوكيه]

للأسف ما عندي أحد يوصله البيطري.. و عشان هالسبب انا قاعده أبحث و ادور في الأسباب و العلاجات مع أني أعرف انه البيطري مهم.. جدااا :(

[كاسكوكيه]

الحمد لله اقنعت اخوي يوصله البيطري .......... انذليــــــــــــــــــــــــــت عشان يوافق :(

المهم الكاسكو الثاني وصل بس كل واحد فيهم في طرف بعيد عن الثاني في اقفاص مفترقه :)


أشكرك اخوي عازف الكيبورد على الرد

[جداااوي]

كيفك يا اخت كاسكوكيه
الصراحه حالت اطول حاله اشوفها في المنتدى
بس الله يعينك
الله يشفي الطير ويرجع زي اول واحسن
وماشاءالله على الاخ عازف الكيبورد فادته عين العقل
تقبلي مروري

[كاجو]

أختي أحس أنك وصلتي مع طيرك لمرحلة اليأس ..صح ؟

أوكيه السؤال أنتي تروشينه بماء غزير يومياً ؟

أذا الدكتور البيطري ما أفادك بشيء ... رجاءً طبقي طريقتي بالشامبو والبخاخ

راح تعطيك نتائج مذهله انتي ماراح تخسرين شيء مجرد حل من الحلول

وأذا ماجربتها لا تسألينا بعد كذا ههههههههههههه

والله أن شاء الله يعافيه ..

[درويش]

السلااااااااااااام عليكم .............

انا من المتابعين للمنتدى من زمان بس من بعيد ؟؟ يعني اجي اقرأ واستفيد ومشاركاتي قليل بس صراحة تفاااعلت مع الاخت وطيرها وخصوصا انك متعلقه فيه.... الاخوان كفو ووفوا ماااقصرو في ردودهم بس من خبرتي مع الطيور ان اغلب الحالاااااااات المتعلقه بالريش تكون نفسية وخصوصا الببغاوات في عيااادة بيطريه في ابو ظبي على اعلى مستوى واغلب اللي فيها دكااااترة بريطانين فااااهمين شغلهم مزبوط ويمكن يكون دلالك وتعلقك فيه هو سبب النفسيه انقلب عكسي عليه اللين الطير مااااصار يتفاعل معاكي يعني احيااانا الطائر يحب يختلي بنفسه بعيد عن الانوار والاضاءة والازعاج زايد فترات النوم لاااااازم تكون كافيه بالنسبه للصحة الطائر عامة ...

[كاسكوكيه]

أختي أحس أنك وصلتي مع طيرك لمرحلة اليأس ..صح ؟

أوكيه السؤال أنتي تروشينه بماء غزير يومياً ؟

أذا الدكتور البيطري ما أفادك بشيء ... رجاءً طبقي طريقتي بالشامبو والبخاخ

راح تعطيك نتائج مذهله انتي ماراح تخسرين شيء مجرد حل من الحلول

وأذا ماجربتها لا تسألينا بعد كذا ههههههههههههه

والله أن شاء الله يعافيه ..



ولو أني حسيت بيأس في فتره.. بس لا.. مستحيل أيأس مع شامبيه.. وصلني ملك جمال.. و ما برتااح ألين ما اأرجعه مثل قبل و أحسن...

هيه هالفتره ترويشي له غزير.. مع انه ما يحب الماي.. بس احاول اني ما اخلي ريشه إلآ ووصلها الماي..

انا قصرت من ناحية تنويع الأكل.. فأحاول اني الغي الحب الشمسي من أكله,.. لأني قريت انه فيه نسبة دهون.. و الأحسن أني اوفر له غذاء منوع.. طبعن هالشي من زمان اقراه بس شامبيه كان عنيد في ناحية تقبّل أي من الأكلات الي اعطيه اياها..


اخوي بيفضى باجر عشان يوصله البيطري و ان شاء الله خير,,, :)

و بجوف بعدين شو يصير... و بخبركم.. و من ناحية طريقتك.. بعد ما أسمع من البيطري برد عليك :)

[كاسكوكيه]

كيفك يا اخت كاسكوكيه
الصراحه حالت اطول حاله اشوفها في المنتدى
بس الله يعينك
الله يشفي الطير ويرجع زي اول واحسن
وماشاءالله على الاخ عازف الكيبورد فادته عين العقل
تقبلي مروري

أميـــــــــــــــــــــــــــــــــــــــــــــــــــــــــــن :(

[محب كاسكو]

انشاء الله يتشافا من نتف الريش قولي امين

[النادره]

الله يكون بعونكـ ويشافي هالطيـــر ..
بصراحة ضاق خلقي من قريت الموضوع :(
هالمشكلة أحاول أعالج آثارهـا عند طيري الافريقي ..
ربي يسهـــل أمورك و يريحك ..

[د. إحتـراف]

اختي العزيزه كاسكوكيه

اتحمالات انتقال حاله نتف الريش كثيره جدا

على سبيل المثل عندي طيري صدام (كاسكو الكونغو ) عنده حاله نتف الريش والسبب اني حبت

كاسكو غيني جديد الي هو عنيد

ومع ان عنيد ماشاف صدام الا من كم يوم تقريبا 4 اريام الان عنيد منتف !

مشكله الببغاوات التقليد في كل شي الكلام والحركات والنتف والصراخ والجعير

فـ الطير الغير متكلم الاخرس يحطون عنده طير كثير كلام عشان يقلده

انتبهي حاولي تعزلين شامبيه عن جميع الطيور يكون في مكان لحاله وانتي تجلسين معه وقت اطول

خذيه في حضنك وانتي جالسه تقرين او سوين اي شي

ونتف الريش مشكله كلنا نعاني منها واحنا بعد نسوي غلط الي هو نخلي الطير يولف على واحد من اهل البيت !

وهذا غلط المفروض اننا نخليه يولف على اهل البيت كلهم عشان اذا واحد مشغول الثاني يعتني فيه

وحاولي في طيورك انك ماتخلينهم يولفون عليك انتي لحالك اخوك او اختك يساعدونك

انا بدأت اسوي كذا لاني اخر مره سافرت ورجعت لقيت احلى ببغاء ربيته مات بسبب سفري وهو كوكاتو ماتت لاني سافرت ماكلت لمدت 3 ايام وكان صدام نفس الحاله لولا ستر رب العالمين ولا انا فاقدهم الاثنين

اسف للاطاله وان شاءالله شامبيه يتحسن

تقبلي مروري

[كاسكوكيه]

:)


موضوع جديييييييييييييييييييييييييييم :)

بس مشكوووووووووووورين كل الي ردوا..

حالة شامبيه تحسّنت كثيرن و لله الحمد :D

[مجنون فلته]

السلام عليكم اختي

انتظري رد البيطري افضل قبل ماتعملي اي تجربه

[مجنون فلته]

موضوع جديم

مانتبهت ورديت فكرته نيوووو خخخخخخخ

تم تعديل الرد

مجرد مرور الكرام

مجنون فلته :12: