تسجيل الدخول

مشاهدة النسخة كاملة : هامسترتي اتوحشت ...

Noo
06-05-2009, 07:26 PM
السلام عليكم ...

انا عندي 4 هامسترات 3 اناث وذكر ... ووحدة منهم لونها ابيض (لولي) ... وباقي الاناث لونهم رمادي ...
ما ادري اشوة صار الها الرمادية من يومين متوحشة وطايحة ضرب فيهم وحتى الذكر ما سلم منها ... وطول الليل اسمع اصواتهم على بالي يلعبون ...
و اليوم الضحى اسمع صوتهم وكان عالي زيادة عن اللزوم ... فقلت اروح اشوفهم ... والا اشوف لولي تنزف دم من كل مكان ... والرمادية مب سايبتنها في حالها وطايحه فيها ضرب ... وجرحتلها ايدها وريلها والمنطقة التناسلية عندها بعد ينزل منها دم ومتورمه ... وشعرها امنتف ... ولما حطيت ايدي ابا افرقهم هجمت علي الرمادية وعضتني ... فجبت قلم رصاص وفرقيتهم به ... وتميت مع لولي احرسها لين ما مسحت الدم من جسمها وعقب حطيتها في علبه ابروحها لمدة ساعه ... ورجعت حطيتها مرة ثانية في القفص ... وهاك الوقت الرمادية كانت مستلمه الذكر تضربة ... ومن فتحت القفص مسكين من الخوف نط برع ... فرحت وفتحت العجلة وحطيتها فوقها وحبستها داخلة ... لاني ما قدرت اشلها من القفص ... كل ما احط ايدي تهجم علي تعضني ...

اشوة اسوي وياها ؟؟ امي اتقول لي ارميها برع البيت :eek:؟؟ وانا افكر ارجعها المحل وآخذ غيرها ؟؟
عاشقهـ الحيوان~
06-05-2009, 07:34 PM
لا لا وين برآآ البيت :D

فرق بينهم

يمكنهآ حآمل

وتصير متحوشه بالمره

فرقهم عن بعض

الرماديه خلها في القفص لحالها

و الثانين سوآآ

وشوف بعد 24 يوم وش يصير

اذا ضربتهم رجعهآ للمحل
Noo
06-05-2009, 11:38 PM
انا خليتها معاهم في القفص لاكني حبستها تحت العجلة ... وقلت بعد العشا بنقلها لقفص الحالها ... وشوي واختي ياية ركض ... لحقي ذبحتهم ... ولما رحت وشفت القفص مليان دم ... ولولي صاير لونها احمر بدل الابيض ... والرمادية الثانية والذكر بعد كلهم متعورين ... واركض ابسرعه واجيب القفص علشان احطها فيه ... لاكني ما قدرت اشلها ... وجبت كمن محمه علشان اغطيها فيها واقدر اشلها لاكن ماشي فايدة .. صارت مسعورة تعض كل حد ... ورجعت حطيتها في العجلة وشليتها وهي داخلها ...
BaDeR KhaLiD
07-05-2009, 04:50 AM
وش نوعهم روسي ..!

افصل المجنونه عنهم وخلهاا لحالهاا لين تعرف ان الله حق

ورجعهاا

....
عاشقهـ الحيوان~
07-05-2009, 11:27 AM
هذي وحده عقلهآ طآير

طيب الرمآديه خلها في نفس القفص

وشيل الثانين ..

واذآ كانت مرآآ شرسه لهآ الدرجه

رجعهآ للمحل قووووووووول ابي فلوووووووووسي :D

واشتر غيرهآ
Noo
07-05-2009, 02:57 PM
وش نوعهم روسي ..!

افصل المجنونه عنهم وخلهاا لحالهاا لين تعرف ان الله حق

ورجعهاا

....

انا اشتريتها على اساس هولندي ( ما اعرف في انواع الهمسترات) ولما حطيت صورهم في المنتدى قالو لي روسي ...

وانا من امس عزلتها عنهم في قفص ثاني ( قفص كناري صغير) ... وتمت اتلف فيه مثل المجنونه ... وما صحينا الصبح الا على صوت الخدامه تصرخ ... نزلت ركض اشوف اشوة صاير ... والا المجنونه طالعه من القفص وما خذة لفة في البيت وكانت ناوية تهرب من الباب الخلفي ... والحمدلله شافوها قبل ما اتنفذ عملية الهروب ... ويالله يالله رجعناها للقفص مرة ثانية ...

لاكن انا الي مستغربة منه كيف قدرت تطلع من القفص؟؟؟ ... والله فتحاته مرة ضيجه مثل قفص الهمستر ... وكيف نزلت من الطاولة وهي مرتفعه ؟؟؟

والله صدق انها مجنونه ... لاكني مب ناوية ارجعها ... حبيت اجنانها ... لاكني ناوية اشتري الها قفص لحالها ... والله يحليلهم همستراتي الباقين ... مرتاحين من الازعاج ... ونايمين على ظهورهم ...
Noo
07-05-2009, 03:00 PM
هذي وحده عقلهآ طآير

طيب الرمآديه خلها في نفس القفص

وشيل الثانين ..

واذآ كانت مرآآ شرسه لهآ الدرجه

رجعهآ للمحل قووووووووول ابي فلوووووووووسي :D

واشتر غيرهآ

تدرين اني اول ما جبتها كانو هم الي يضربونها ... وما يخلونها تدخل معاهم البيت ...

لا يحليلها ما برجعها ... ناوية ادربها لمصارعه الهمسترات ...
عاشقهـ الحيوان~
07-05-2009, 06:24 PM
انقلبت عليهم

الانتقام لازم :D

حاول فيها
Noo
07-05-2009, 08:56 PM
انقلبت عليهم

الانتقام لازم :D

حاول فيها

في البداية لما بدت تضربهم ... قلت خلها تنتقم منهم ... لاكن عقب الي سوته أمس فيهم ... هم الي غمضوني ...
انا بعزلها هالكمن يوم وبشوف اشوة بيصير معاها ... وبرجعها عقب يومين لنص ساعه على الاقل وبشوف اشوة بتسوي ... اذا ضربتهم مرة ثانية ... خلاص بعزلها for ever ...