صارلهم عندي سنتين ونص ؟؟

[هاوي زرازير]

|][ السلام عليكم ورحمة الله وبركاته ][|


اخواني الاعزاء انا بقولكم مشكلتي وعسى تلقون لها حل او جواب ؟؟

أنا سنة 2006 شهر 6 وبيوم الجمعة <<مسجل التاريخ :D

شريت هالكوكاتيليــن 77:

http://www.kuwaitup.net/uploads/09050908572853807b13.jpg (http://www.kuwaitup.com)

وقبل ما أشتريهم كنت ما أعرف أصلا شنو كوكاتيل

الا بفضل هالمنتدى الرائع والاعضاء الطيبين فهم اللي علموني عنه
وقالولي انه حلو و...الخ

وفعلا كلامهم كله صح هو طير جميل الشكل وحلو

بس انا مشكلتي هي :

اني من اول ماشريتهم لليوم هذا ماشفت ولا بيضة وانا متأكد انهم بالغين يعني من زمان عندي

بس شكيت انهم ذكر وانثى دخلت على مواضيع كثيرة وتبين لي انهم ذكرين "مو متأكد ؟؟

وكذا مرة اروح اشتري نثية تموت في اقل من اسبوع انا محتار لأني
مو مرة ولا مرتين شريت نثية يمكن 7 او 6

ملاحظة :

انا ما احطهم بقفص اخليهم في عندنا غرفة قبل السطح فاتحة على الدرج

اخليهم يطيرون براحتهم وكل ما اجيب نثية تقعد بروحها وماتاكل بسببهم

الاثنين يحبون بعض حتى لما اشيل واحد عن الثاني يصيحون ويصفرون ؟؟
اتمنى انكم تساعدوني والله تعقد بديت اكره تربية الطيور بسببهم احس اني فاشل والله :(

[طير الهوى]

،،

هلا بك اخوي

يمكن تعلقوا ببعض ومن هالكلام

دام السالفه كذا

حاول تجمع اكثر من 3 اناث معهم وخلهم يطيرون سوا

اللي خلاك تشتري 6 او 7 يخليك تشتري 3 خخخخخخخ

علشان لو بغوا يطقون الاناث هم اكثر ويصفقونهم خخخخخخخخ

هذا الحل اللي طرى ببالي صراحه

موفق يارب

،،

[هاوي زرازير]

شاكرلك اخوي [ طير الهوى ] وكل شي جايز
وشكلي بسوي اللي تقوله بجيب درزن بس خوفي تفشل مثل كل مرة :(

[رامبو خان]

يالخوي اعزلهم عن بعض هذا اذا تبي تشوف فروخهم وكل واحد فيهم جب له انثى وراح بعدين يكرهون بعض
والله يعينك

[هاوي زرازير]

يعني هذا اللي تشوفه يا رامبو
المشكله انهم صاروا مرتبطين ببعض لدرجة انهم يرجون البيت كله صوتهم عالي ينادون بعض
بشوف باجي الاعضاء وانا الجمعة الجاي بروح السوق واشتري نثيتين ..
بس ياليت تنصحوني بنوعهم ؟
وانا شاكر لكم

[دعاء الكروان1]

يا أخي مثل ما قال الأخ رامبوخان اعزل كل واحد منهم في قفص لوحده وجيب لكل واحد انثي وجرب ما راح تخسر

[هاوي زرازير]

اي والله ماني خسران شئ بس انا كنت انتظر يوم الجمعة واللي هو غدا
ويعطيك الف عافية { دعاء الكروان 1 } لك جزيل الشكر على قيامك بالرد على سؤالي
تسلم ياخوي.. :)

[طروقو]

يالله اخوي الله يوفقك ويصير لك انتاج ماصار ولا استوى زي ماتقولون هع

[هاوي زرازير]

أجمعيــن يارب والله يجزيك خير
وتسلم على المشاركة الطيبة يا طروقو
واتمنى لك كل خير والله اسعدتني بكلامك الطيب :)