goo
13-05-2009, 12:55 AM
ازيكم يا أعضاء المنتدى، يارب تكونوا بخير
من فترة عملت الموضوع ده في منتدى تاني بصراحه علشان بس أوضح خطأ شايع بين الناس اللي بتربي وخصوصا بيتبول و رودفايلر، وقلت لازم اشارك بيه هنا ويارب يعجبكوا و تستفيدوا منه.
الكل يا جماعه بيدخل في نقاش البيتبول أقوى ولا الروت، وتلاقي الموضوع يقلب بخناقه واللي يجيب فيديو من هنا و اللي يقولك كلبي بيتبول قطع روت و العكس حكايات ملهاش آخر وبردو لسه موصلناش لأجابه.
بس الأول معلش خلونا ندرس الموضوع بعقلانيه شويه وبما إني أنا بحب الكلاب في الأصل هاستخدم المنطق العلمي في كلامي كله ويارب أقدر اوصل ليكم اللي اقصده بسهولة.
أولا
يا جماعه قبل ما نقول مين أقوى من مين لازم نحط في اعتبارنا مبدأ النسبة و التناسب، يعني مثلا لما نيجي نقارن قوة فك البيتبول بالرودفايلر لازم نفكر في البداية أن حجم الرود أكبر من البيتبول وبالتالي عضلات فكه هتكون أكبر، يعني في احتمال 80% تكون قوة فكه أكبر لو كان الاتنين مدربين نفس التدريب وماشيين على نفس النظام الغذائي.
ثانيا
في ناس تقولك شوف هجمة الرود عليك تحس ان عربيه خبطتك في حين ان البيتبول متحسش بيه، طيب مهو ده كلام منطقي. تخيل واحد حدفك بطوبه صغيره وواحد تاني حدفك بشوال رمل، مين فيهم تأثيره عليك هيكون أكبر؟ أكيد شوال الرمل. يعني احنا بنظلم البيتبول لما بنقول ان الروت أقوى منه لان الروت اساسا بيتمتع ببنية أكبر من البيتبول وبالتالي قصوره بيكون أكبر من القصور بتاع البيت لان كتلته أكبر
ثالثا
نيجي بقى لحاجة مهمة وهي ان البيتبول جسمه أقصر من الروت و أعرض، ودي نقطه مهمة أوي في صالح البيتبول، لانها بتدي ارتكاز للبيت على الارض اكتر من الروت، وهقربهالكم. تخيلوا معايا ان في تربيزة قصيره و عريضه وتربيزة تانيه نفس الوزن بس عالية و طويلة، وحاولنا نوقع واحده فيهم، أكيد طبعا العالية هتقع بسهولة (والناس بتوع علمي رياضه مش محتاجين كلام كتير، ذراع العزم أكبر يبقى القوة المبذولة أقل)
رابعا
لو قارنا حجم التكتل العضلي لكلب البيتبول نسبة لحجمه هنلاقيه أكبر من حجم التكتل العضلي في الرودفايل برضو بالنسبه لحجمه. يعني باختصار البيتبول فيه عضلات أكتر من الروت بس ده مش معناه أن القوة اللي ممكن يبذلها البيتبول أكبر من الروت لان اجمالي حجم عضلات الروت أكبر من البيتبول. (فاكرين الفزوره بتاعت النمله أقوى من الفيل؟ علشان النمله بتشيل 6 أضعاف وزنها انما الفيل بيشيل ربع وزنه ودي حقيقه).
خامسا
موضوع الشراسه دي حاجة مهمة، والشراسه دي بقى نابعه من حاجتين، الاستعداد الفطري و التدريب، يعني ممكن كلب بلدي لا راح ولا جه يكون اشرس من وحش بيتبول او وحش روت، بس عامة الاتنين عندهم استعداد فطري للشراسه رهيب والبيتبول بيتميز عن الروت بكونه شرس اكتر تجاه الحيوانات وصعب التحكم في شراسته على عكس الروت اللي ممكن تدريبه بسهولة على كبح شراسته والتحكم فيها ودي طبعا نقطه مهمة اوي في صالح الروت.
سادسا
قصة بقى القتال والفايت، انا مش هتكلم عن التدريب لكن هتكلم عن نقطه واحده بس وهي ان البيتبول عنده تكنيك في القتال افضل بكتير من الروت واللي بيساعده على كده امتلاء جسمه بالعضلات وحجمه الصغير وخفه وزنه مقارنه بالرودفايلر، زي بالظبط واحد بتاع كمال أجسام وواحد بيلعب كونج فو الاول تقيل وضربته بالقبر والتاني خفيف وسريع.
سابعا
موضوع الذكاء وكون البيتبول ممكن ياكل صاحبه فدي كلها قصص ملهاش اساس من الصحه، معلش انا اعرف ناس كتير جدا حياتهم كلها بيتبول بس وشفت من كلابهم امور عمري ما شفتها من كلب تاني، مش قصدي ان البيت بول احن من باقي الكلاب، بس اقصد انه ميقلش عنهم في الذكاء والوفاء و الامور دي، وموقف حصل ادامي مره من واحد صاحبي معاه بيتبول اداله امر attack على واحد فالكلب طار عليه وقبل ما يلمسه قاله stop الكلب ثبت مكانه ولا اتحرك خطوه. ده غير ان البيتبول بتاعي منتهى الطاعه في كل حاجة حتى في الشراسه، يعني عادي كله بالتدريب بس تدريب البيتبول عامة صعب وعايز واحد فاضي وفاهم هو بيعمل ايه. انما الرود عنيد جدا وتدريبه صعب لكن في النهاية بردو بنوصل لنفس النتيجه وهي الطاعه العمياء . .
أظن كده يا شباب بان أوي أكبر فروق بين الكلبين، وياريت محدش يظلم البيتبول ولا الرودفايلر، كلها كلاب جميله وشرسه و مطيعه و ذكيه، بس العبره بالتدريب من البداية.
وفي النهاية يارب يكون الموضوع عجبكم و استفدتوا منه، وفي انتظار ردرودكم و تعليقاتكم . . . . .
من فترة عملت الموضوع ده في منتدى تاني بصراحه علشان بس أوضح خطأ شايع بين الناس اللي بتربي وخصوصا بيتبول و رودفايلر، وقلت لازم اشارك بيه هنا ويارب يعجبكوا و تستفيدوا منه.
الكل يا جماعه بيدخل في نقاش البيتبول أقوى ولا الروت، وتلاقي الموضوع يقلب بخناقه واللي يجيب فيديو من هنا و اللي يقولك كلبي بيتبول قطع روت و العكس حكايات ملهاش آخر وبردو لسه موصلناش لأجابه.
بس الأول معلش خلونا ندرس الموضوع بعقلانيه شويه وبما إني أنا بحب الكلاب في الأصل هاستخدم المنطق العلمي في كلامي كله ويارب أقدر اوصل ليكم اللي اقصده بسهولة.
أولا
يا جماعه قبل ما نقول مين أقوى من مين لازم نحط في اعتبارنا مبدأ النسبة و التناسب، يعني مثلا لما نيجي نقارن قوة فك البيتبول بالرودفايلر لازم نفكر في البداية أن حجم الرود أكبر من البيتبول وبالتالي عضلات فكه هتكون أكبر، يعني في احتمال 80% تكون قوة فكه أكبر لو كان الاتنين مدربين نفس التدريب وماشيين على نفس النظام الغذائي.
ثانيا
في ناس تقولك شوف هجمة الرود عليك تحس ان عربيه خبطتك في حين ان البيتبول متحسش بيه، طيب مهو ده كلام منطقي. تخيل واحد حدفك بطوبه صغيره وواحد تاني حدفك بشوال رمل، مين فيهم تأثيره عليك هيكون أكبر؟ أكيد شوال الرمل. يعني احنا بنظلم البيتبول لما بنقول ان الروت أقوى منه لان الروت اساسا بيتمتع ببنية أكبر من البيتبول وبالتالي قصوره بيكون أكبر من القصور بتاع البيت لان كتلته أكبر
ثالثا
نيجي بقى لحاجة مهمة وهي ان البيتبول جسمه أقصر من الروت و أعرض، ودي نقطه مهمة أوي في صالح البيتبول، لانها بتدي ارتكاز للبيت على الارض اكتر من الروت، وهقربهالكم. تخيلوا معايا ان في تربيزة قصيره و عريضه وتربيزة تانيه نفس الوزن بس عالية و طويلة، وحاولنا نوقع واحده فيهم، أكيد طبعا العالية هتقع بسهولة (والناس بتوع علمي رياضه مش محتاجين كلام كتير، ذراع العزم أكبر يبقى القوة المبذولة أقل)
رابعا
لو قارنا حجم التكتل العضلي لكلب البيتبول نسبة لحجمه هنلاقيه أكبر من حجم التكتل العضلي في الرودفايل برضو بالنسبه لحجمه. يعني باختصار البيتبول فيه عضلات أكتر من الروت بس ده مش معناه أن القوة اللي ممكن يبذلها البيتبول أكبر من الروت لان اجمالي حجم عضلات الروت أكبر من البيتبول. (فاكرين الفزوره بتاعت النمله أقوى من الفيل؟ علشان النمله بتشيل 6 أضعاف وزنها انما الفيل بيشيل ربع وزنه ودي حقيقه).
خامسا
موضوع الشراسه دي حاجة مهمة، والشراسه دي بقى نابعه من حاجتين، الاستعداد الفطري و التدريب، يعني ممكن كلب بلدي لا راح ولا جه يكون اشرس من وحش بيتبول او وحش روت، بس عامة الاتنين عندهم استعداد فطري للشراسه رهيب والبيتبول بيتميز عن الروت بكونه شرس اكتر تجاه الحيوانات وصعب التحكم في شراسته على عكس الروت اللي ممكن تدريبه بسهولة على كبح شراسته والتحكم فيها ودي طبعا نقطه مهمة اوي في صالح الروت.
سادسا
قصة بقى القتال والفايت، انا مش هتكلم عن التدريب لكن هتكلم عن نقطه واحده بس وهي ان البيتبول عنده تكنيك في القتال افضل بكتير من الروت واللي بيساعده على كده امتلاء جسمه بالعضلات وحجمه الصغير وخفه وزنه مقارنه بالرودفايلر، زي بالظبط واحد بتاع كمال أجسام وواحد بيلعب كونج فو الاول تقيل وضربته بالقبر والتاني خفيف وسريع.
سابعا
موضوع الذكاء وكون البيتبول ممكن ياكل صاحبه فدي كلها قصص ملهاش اساس من الصحه، معلش انا اعرف ناس كتير جدا حياتهم كلها بيتبول بس وشفت من كلابهم امور عمري ما شفتها من كلب تاني، مش قصدي ان البيت بول احن من باقي الكلاب، بس اقصد انه ميقلش عنهم في الذكاء والوفاء و الامور دي، وموقف حصل ادامي مره من واحد صاحبي معاه بيتبول اداله امر attack على واحد فالكلب طار عليه وقبل ما يلمسه قاله stop الكلب ثبت مكانه ولا اتحرك خطوه. ده غير ان البيتبول بتاعي منتهى الطاعه في كل حاجة حتى في الشراسه، يعني عادي كله بالتدريب بس تدريب البيتبول عامة صعب وعايز واحد فاضي وفاهم هو بيعمل ايه. انما الرود عنيد جدا وتدريبه صعب لكن في النهاية بردو بنوصل لنفس النتيجه وهي الطاعه العمياء . .
أظن كده يا شباب بان أوي أكبر فروق بين الكلبين، وياريت محدش يظلم البيتبول ولا الرودفايلر، كلها كلاب جميله وشرسه و مطيعه و ذكيه، بس العبره بالتدريب من البداية.
وفي النهاية يارب يكون الموضوع عجبكم و استفدتوا منه، وفي انتظار ردرودكم و تعليقاتكم . . . . .