سؤال بالنسبه لاكل الكيتنز بعمر 38 يوم !!

[nobody-know-me]

مرحبا ..

شلونكم ..

اليوم صار عمر الكيتنز 38 يوم ..

و اكتشفتهم اليووووووم و هم قاعدين ياكلون من اكل امهم ( الدراي فوود ) ..

الام تاكل رويال كانين للكيتنز - الوردي -

انا شلته عنهم لاني احسهم لسه صغاااار ..

ف شنو رايكم انتو ؟؟ عادي و الا ؟؟

[lady_cat]

ما شاء الله تبارك الله يجنن ربي يحفظه

هههههههههههه الوردي لالالا تراة مناسب لهم هو اصلا للكيتين مثل ما قلت ومناسب بعد لانه يساعدهم على تقويه اسنانهم
بس نصيحه الى جانب الدراي فود عودهم ياكلون اكل صحي و خصوصا الدجاج

و ممكن تخلط الدراي فود مع الاكل

[nobody-know-me]

صح كلامك ..

بس المشكله لسااااتهم صغار يعني حتى ماكملو شهر ونص !!!!!!!

اخاف يسبب لهم امساك و الا شي :confused:

[lady_cat]

قططي بس يصير عمرهم شر او شهر وثلاث ايام اعطيهم دراي فود بس بكميه قليله ( كثرته للصغار تسبب امساك من خلال تجربتي مع قططي )

و بعدين ممكن تخففه بمويه او تسلق دجاج و تخلطه معه ومع مويه السلق
الصغار سهل تعويدهم ع الاكل الصحي
و اذا انت خايف خليهم ع الرضاعه

[sisi_moon]

ويييي خيووو

خليهم ياكلووون

والقطط عادي يبدون ياكلون من بعد الشهر .. مافي أي مشكله

ورويال كانون الوردي جدا مناسب لهم ..

خليه لهم فديتهـم

الله يخليهم لك يــــارب :)

[nobody-know-me]

lady_cat
مشكوره وماقصرتي ..

---

sisi_moon
والله انا كنت يم باب غرفتهم و شيري واقفه يمي ..
فـ سمعت شي يقروش و شيري عندي شسااااالفه !! :confused:
فدخت غرفتهم و ماشوف الا الحجيه ( كيندر )
دافنه رجلها بالصحن و غاطسه وجها بالاكل و تقروش ..:p
و اخوها واقف يمها و ياكل وياها بعد ..
ف خفت انه يكون ثقيل عليهم و يسبب لهم امساك بهالعمر ..

---

طيب الحين سؤال ..
بما انهم صارو ياكلون دراي فوود ..
لازم احط لهم بوكس رمل صح ؟؟

[sisi_moon]

هههههههها ياحليلهم والله ..

لا .. لاتخاف مافي أي ضرر ابـداا

و سح زي ماقلت خلص مادامهم قاموا يمشون تمام وياكلون .. لازم يتعلمون عالرمل

اخذ بوكس بس مو رفيــــــع ابدا .. عشان يقدرون يدخلون بسهوله ..

وخليه بمكان قريب يمهم عشان مايلف راسهم :p

واترك المهمه لشيري .. ماشفتها علمتهم .. انت شيلهم وحطهم فيه وقت مايتجهزون يخرجون فضلاتهم وبعد الاكل طبعا .. وماتدري يمكن هم من روحهم لا شافوه يروحون له ويشمون ريحته ويعرفون .. ^^

[nobody-know-me]

اوكي و ثانكس مره ثانيه ..

و مبروووك الستايل اليديد بالرد ..

( الوان و سينتر تيكست و حركتات ) :D

[nobody-know-me]

يوووه ..

واحد منهم وسخ بزاوية غرفتهم وعععع ..

ما امداني كتبت الموضوع و الله لووووول ..

حطيت لهم كرتونه صغيره و حطيت فيها رمل ..

و صارو يقعدون فوقه و يلعبون فيه ..

ان شا الله يتعلمون بسرعه ..

[sisi_moon]

و مبروووك الستايل اليديد بالرد ..

( الوان و سينتر تيكست و حركتات )

الله يبارك فيك :cool::cool:

..

يوووه ..

واحد منهم وسخ بزاوية غرفتهم وعععع ..

ما امداني كتبت الموضوع و الله لووووول ..

حطيت لهم كرتونه صغيره و حطيت فيها رمل ..

و صارو يقعدون فوقه و يلعبون فيه ..

ان شا الله يتعلمون بسرعه ..


اي خلص دامهم صاروا يمشون وياكلون يبدون يخرجون فضلاتهم بأي مكان

انت حاليا راقب شيري شوفها تعلمهم او لا .. ماشفتها تعلمهم .. استلم المسؤوليه انت

ولاتحاتي مده بسيطه جدا و بيتعلمون بسرعه ..

[nobody-know-me]

طيب شلون اعرف انها قاعده تعلمهم ؟؟

يعني بتحملهم لين الرمل و الا شلون بالضبط ؟؟

[sisi_moon]

إييييه

تشيلهم وتحطهم بالررمل

ولو تشوفهم بيعملوها عالارض .. تروح بسرعه وتشيلهم وتحطهم بالررمل

[nobody-know-me]

هذي الام ؟

[sisi_moon]

هههها إييه

واذا ماسوت كذا .. انت بتسوي نفسها

بتشيلهم بعد كل وجبه وتوديهم للرمل .. وكل ماشفتهم بيعملونها توديهم للرمل

[nobody-know-me]

يلعن ام القلق :confused:

طيب هم بغرفه لحالهم ، على كذا يبيلي اجلس عندهم 24 ساعه !!!!

[sisi_moon]

لا عادي والله .. لاتستصعب الأمرر

مره سهل ومراح ياخذ يومين ثلاثه الا خلص عرفوا ..

ولا تجلس عندهم على طول .. كل شويه طل عليهم .. شوف أمورهم شلون

وديهم شيلهم للرمل .. ولو في وسخ عالارض نظفه تمام وعقمه .. لان لازم الريحه تروح كليا ولا مراح يفيد الي تسويه .. لانهم بيشمون الريحه بالارض و بيسوونها عالارض

[nobody-know-me]

طيب طيب ..

[آنـــــو]

إييييه

تشيلهم وتحطهم بالررمل

ولو تشوفهم بيعملوها عالارض .. تروح بسرعه وتشيلهم وتحطهم بالررمل

؟؟؟؟؟؟؟؟؟؟؟؟؟

ماعليش سيسي قلبي على كثر ماربيت قطط بحياتي وولدوا عندي

ماعمري شفت القطوه الأم تشيل أولادها وتحطم بالرمل أذا جوا يعملونها!!!!!

هم بس يلحقونها ويشوفونها تسوي كذا ويقلدونها .. ولو ماشافوها هم من نفسهم وفطرتهم يعرفون

أما هي تشيلهم أول مره أسمع ولا عمررري شفت :confused:

نو بُدي

الأكل الصلب مثل الدراي فود ماأفضله للكتينز أول ماياكلون لأنهم يادوب معدتهم تستوعب الأكل

وأسنانهم صغيرر..

قطاوتي أول مايبدون ياكلون أعطيهم شغلات خفيفه وسهلة الهضم .. سيريلاك .. دجاج .. جبن قليل الدسم

والرمل جيب كذا حوووض صغيررر تقريباً بحجم صينيه الفرن تكفيهم ،، وحط أثنين أو ثلاث بالغرفه ووزعهم ..

وعادي لاتحاتي الموضوع سهل جداً ..

ومووووفق

[nobody-know-me]

اها ..

اوكي صار ..

و مشكوره عالمرور و التوضيح اختي :) ..

و ربي يعطيك الف عافيه ..

<<< نو بُدي

لول عجبتني الضمه :p

[sisi_moon]

إلا آنـــو

قطوه بيت خالي كانت تسوي كذا ..

يوم مرت خالي شافتهم يسوونها عالارض

جابت لهم رمل بصندوق او كرتونه صغيره على قدهم .. راحت هي تشيلهم وتحطهم بالرمل

وتمت تسوي كذا لين تعلموا

[h.m]

لو خفت ممكن تطحن الداري فود وتخلطه مع دجاج مسلوق وزبادي واديه لهم
او اعطيهم خبز مفتت+ حليب
او سيريلاك

[mr.no]

يعطيكم العافييهـــ وانا بعد استفدت من جد لانا الكتنز اليوم شفتهم يشربون مويهـــ وعمرهم ثلاث اسابيع


وانا بالاول خفت في مسئلت الحمام بس انتم طمنتوني


وشكرا اخوي نو بدي على السؤال لان من جد انا استفدت

[nobody-know-me]

sisi_moon + h.m + mr.no

مشكورين عالمرور والردود :)

[آنـــــو]

إلا آنـــو

قطوه بيت خالي كانت تسوي كذا ..

يوم مرت خالي شافتهم يسوونها عالارض

جابت لهم رمل بصندوق او كرتونه صغيره على قدهم .. راحت هي تشيلهم وتحطهم بالرمل

وتمت تسوي كذا لين تعلموا

ليت كل القطاوه مثل قطوة بيت خالك

كان ماأحد عانى مع قطاوته الصغار ينظف وراهم .. http://www.dohaup.com/up/2009-05-11/dohaup_1314003964.png (http://www.dohaup.com/)

[nobody-know-me]

ابشركم ..

خلاص تعلموا و الحمدلله ما وسخوا عالارض الا اول مره بس ..

بعدها خلاص صاروا يروحون عالبوكس لحالهم :) ..

[lady_cat]

ماشاء الله عليهم

[sisi_moon]

آنـــــو

من جد والله .. انا كنت اشوفها واشوف موني واتحطم :p

نو بدي

مبرووووووك .. انحلت الأزمه :D