رجاااااااااءً ساعدوني..بتبنى كلب من الخارج

[المحامي]

مرحباً بالجميع ....
اخواني انه من البحرين و قررت اني اربي كلب ، و الحمدالله لقيت الكلب الي ابيه و هو نوع مالتيز MALTESE ، صاحبته وحدة انجليزية من لندن واهي عارضه يراوتها الثلاثة للتبني " يعني ببلاش " اهيه سالتني جم سؤال عشان تتاكد من ان الجرو الي بتبناه بيكون في يد امينة، والحمدالله وافقت علي و قالت لي انها بتطرش لي الكلب من لندن واهي بتحجز التذكرة وكل شي بس انه بدفع قيمة التذكرة وهي 250دولار في فرع شركة الطيران بالبحرين .. فحبيت اسال اصحاب الخبرة هل في اجراءات معينة لازم اسويها مثل اني اطلع تصريح للكلب او اي شي من هالقبيل ؟؟ وهل في شروط معينة ؟؟؟

بليييييييييييييز الي عنده معلومة او جرب انه يستورد كلب من بره البحرين يقولي و اجره عند الله

[g.man]

لا اخوي انت اتروح الشركة وتوقع بعض الأوراق

[المحامي]

هلا اخوي g.man شكراً على الرد السريع ..
بس اي شركة تقصد ؟؟ شركة الطيران ؟ ياريت توضح لي اكثر و بالتفصيل اذا تسمح

[boobee]

اخوي اول شي تروح الهيئه
وتقولهم نوع الكلب الي بتييبه
يعطونك تصريح باسمك عشان اول ما يوصل تستلمه فيه + اول ما يركب الكلب الطياره
يعطون صاحبيه ورقه خل تدزلك نسخه على الفاكس او ايميل
وعندنه بالكويت في رسوم بسيطه عشان تخليص الاوراق

ومبروك على الكلب والله يهنيك فيه

[المحامي]

مشكور اخوي بوبي على الرد ...
آنه لقيت على الانترنت استمارة طلب تصرح لاستيراد الكلاب من الخارج وهيئة الثروة الحيوانية حاطين بعض الشروط مثل العمر و التطعيمات الي المفروض يكون الكلب اخذها و انشاءالله انه باجر بكلمهم عشان اسنفسر اكثر ..
بس سؤال ثاني اذا تسمح ، اجراءات استخراج التصريح تطول ؟؟

[boobee]

لا وانت واقف تاخذ التصريح
5 دقايق يكون خالص

[الكلاسيكي]

اخواني ما كأنكم تسرعتو في الأجابه شوي ..

في سستم معين وقوانين قبل لا يدخل الكلب ومن اهما نوع الكلب ..

في بعض الدول سامحين انواع وفصائل معينه التي يسمع بدخولها فا اكيد البحرين نفس الشيء ..

فـ ارجو منك اخي التأكد هل هو موافق على نوع الكلب ولا .. لا ..

عشان ماتجيبه وتتوهق بعدين ..

واذا اخذت الموافقه على النوع والفصيله بأمكانك بعد ذلك تكملة الأجرائات ..

وتمنياتي لك بالتوفيق ،،

[عاشق الروت وايلر]

اخوي انت تقول انه سعر التذكره 250 $ دولار امريكي صح ؟!
طيب روح اشتر ب250 كلب من بلدكم اريح لك واحسن لك بدال تتعب وتتوهق
الله يوفقك

[المحامي]

اخوي الكلاسيكي شكراً على مشاركتك و النصيحة الي قدمتها .. كلامك صح مليون بالمئة بعض البلدان تسمح بفصائل معينة ، بس حسب خبرتي و من الي اشوفه ان عندنا في البحرين مافي تشديد وايد من هالناحية يعني تقدر تقول ان معظم الانواع مقبولة عندنا بسبب وجود عدد كبير من الاجانب الي عايشين في البحرين .. بس عشان اكون مطمن راح استفسر اكثر .

[المحامي]

اخوي انت تقول انه سعر التذكره 250 $ دولار امريكي صح ؟!
طيب روح اشتر ب250 كلب من بلدكم اريح لك واحسن لك بدال تتعب وتتوهق
الله يوفقك

ثانكس اخوي عاشق الروت على مشاركتك .. كلامك منطقي بس المشكلة ان عندنا في البحرين اغلب الانواع الموجودة اهي انواع كلاب الحراسة مثل الروت و البيتبول و الجيرمن و انه مابي كلب حراسة .. على العموم اذا ماصار نصيب و مايبت الكلب من بره مافي الا اخذ بنصيحتك و ادور الي ابيه عندنا بالبحرين .... عشان نشجع الصناعة الوطنية :p:p:p

[عاشق الروت وايلر]

هههههههه لا اخوي اكيد ان شاء الله بتلقى لك كلب زينة ،،، بس حبيت انصحك انه تربية كلاب الزينة محرمة شرعا وباي طريقة كانت حتى لو برى البيت
شكرا لك اخوي ـ وترا يمدحون الروت وايلر :)

[أبو الجود]

أنا بعرف بس ما كتير متأكد أنو بيعزلو الكلب بلمطار مشان يتأكدو أنو ما ينقل أمراض ممكن يعزلو لمدت أسبوع