رايكم لو سمحتوا

[ياسرر]

السلام عليكم
الحمدلله انا اشتريت كاسكو افريقي كبير شوي يتكلم ويصفر ويقلد اصوات كثيره والطير اخذته ب700 ريال هل تتوقعون ان سعره مناسب

[كاسكـــو]

والله شي غريب يتكلم ويقلد اصوات وبـ 700 ماشاء الله سعر ولا في الخيال

متأكد انه يتكلم ويقلد ؟

طيب نوعه هل هو التمنه ؟

ماتوقع كاسكو افريقي يتكلم بـ 700 بصراحه

لو كان وحشي وغير متكلم اقول لك ممكن

بس بصراحه اذا كلامك صحيح مبروك عليك ماشاء الله .. اللي حصل معك ولا بالحلم يصير .. شي نادر

[الاسير]

مناسب لان اللي يتكلم سعرة غالي شوي فوق 2000 ريال
واللة يبارك لك فيه

[شبزي]

قلي من وين شريته ابي اشتري زيه

[ياسرر]

لا مو التمنه الي عندي لونه رمادي فاااتح وذيله احمر يتكلم وسمعت يقول العنود وسعود والسلام عليكم والاصوات تصفير وطق الباب وميو بس مشكلته مو اليف مررره والي اخذته منه يقول قله ارقص يرقص والله يااخوان الطير اخذته من قريب واحد من اصدقاي الرجال بيسافر وقال ما ابغا ابيعه في السوق واخذته انا

[كتكوته313]

مبروك عليك الطير

[beeshoo]

ماشاء الله عليك ..
والله سعررر رهيب ..
خلاص ورنا صورته و نزلنا فديو و هو يتكلم و يرقص :p

[الخيال الأول]

مبروك عليك أخوي الطير والسعر اللي اخذته به خيالي ولا يوجد في أي مكان من العالم
بس يجب عليك ترويضه حتى تكتمل سعادتك به ويصير أليف ان شاء الله
تحياتي.............................*

[رامبو خان]

ماشاء الله
وتقول بعد وش رايكم بالسعر
حتى لو ماهو اليف ولكنه يتكلم راح تحصله في السوق من 1000 الى 1300 ريال
لكن ماشاء الله
ربي وفقك
وحافظ عليه

[زياد محمد]

طير يتكلم ب 700 لااصدق واتحداك يااخي ..؟ هل سمعته بنفسك يتكلم يقول شي ..؟ واذا صحيح نزل لنا فيديو عنه وانت بجانبه لكي نصدق انه طيرك هههه :D << :Dورطة

[soso2004837]

سعر رخيص جيدا لكاسكو يتكلم ويرقص ويصفر واليف

[سكر]

ما شاء الله تبارك الله

ألف مبرووك

وربي يوفقك في تربيته

قول الحمد لله,,,

تستاهل كل خير والله,,,

الشباب مستغربين لأن سعره أقل من حقه بكثيررررر...

لكن هذي حالة خاصة,,, لأن الببغاء جالك من معرفة,, ومن ضروف تهيئت لك.

ما ينفع نقول مافيه ببغاء ببلاش,, إلا فيه (الهدية)

وأذكر مرة واحد اشترى ببغاء يلو ناب ب2500 ريال بس.

وكلنا انصدمنا من السعر,, لأن اليلو ناب أقل شي تلاقيه ب9000 ريال (تسعه آلاف).

على العموم كل شي جايز حتى بوس العجايز :D

ألف مبروك مرة ثانية

تحياتي

[ياسرر]

ابشروا بالمقاطع والصور ان شاءالله قريب وبتسمعونه ان شاءالله يبوس ويصفر وينادي ويقول تعاااال وكلام كثيررررر الي سمعته منه سعود وتعال وخلاص وايوه وكلمه مشفره والباقي غير مفهوم ويطقطق وتصفير وابشركم بولفه هاليومين لانه شبه اليف بس مايحب احد يلمس ظهره

[عاشق الاهلي+الدره]

الف مليون مبروووووووك