كيف ندرب المهر على الركوب

[ابووديع]

عندي مهرة عمرها 3سنوات ماتت امها وهي عمرها اسبوعين وبدي ادربها على الركوب ساعدوني؟:confused:

[SALEH ALMLK]

انا ما عندي خبرة بس

الي اعرفه انه بعدها صغيرة على الركوب(( 5 و6 سنوات مناسب))

لانه ظهرها بعده مب قوي

[البدبخت]

وانا بعد ما عندي خبــرة للاسف ... بس اللي اعرفه ان احسن سن لركوب الخيل اهو سن الثلاث سنوات .. حيث ان الخيل يكون قد اتكمل نمو جسمه .. واللي اعرفه ان طريقة التدريب تكون تدريجية .. وقبل كل شي يجب ان تحسس المهر بالامان والراحة منك ومن مكان التدريب (( ان يحس المهر انه بأمان وانك لن تؤذيه )) ... ولمرحلة الاولى تكون بألباسه العنان وتركه بحرية لكي يتعود عليه .. ثم تلبسه السرج ... ثم تضع اكياساً خفيفة بها القليل من الرمل على السرج لكي يحس الحصان وكأن هناك شخصا فوق ظهرة ... وثم تزيد الحمولة تدريجيا ً مع مرور الايام .. وبعدين تركب لك شخص ضعيف على ظهر المهر .. مع مراعاة امساك المهر من شخص آخر والسيطرة عليه .. واشوي اشوي تعلمه على الاتجاهات مثلا عندما تسحب العنان لليمين يلتف المهر لليمين .. ثم تمسح عليه وتقول له يا شاطر هههه (( الدلع )) ... وهذا اللي اعرفه .. بس يفضل انك تروح على رأي الخبراء ...

بالتوفيــق

[manaas]

وانا بعد ما عندي خبــرة للاسف ... بس اللي اعرفه ان احسن سن لركوب الخيل اهو سن الثلاث سنوات .. حيث ان الخيل يكون قد اتكمل نمو جسمه .. واللي اعرفه ان طريقة التدريب تكون تدريجية .. وقبل كل شي يجب ان تحسس المهر بالامان والراحة منك ومن مكان التدريب (( ان يحس المهر انه بأمان وانك لن تؤذيه )) ... ولمرحلة الاولى تكون بألباسه العنان وتركه بحرية لكي يتعود عليه .. ثم تلبسه السرج ... ثم تضع اكياساً خفيفة بها القليل من الرمل على السرج لكي يحس الحصان وكأن هناك شخصا فوق ظهرة ... وثم تزيد الحمولة تدريجيا ً مع مرور الايام .. وبعدين تركب لك شخص ضعيف على ظهر المهر .. مع مراعاة امساك المهر من شخص آخر والسيطرة عليه .. واشوي اشوي تعلمه على الاتجاهات مثلا عندما تسحب العنان لليمين يلتف المهر لليمين .. ثم تمسح عليه وتقول له يا شاطر هههه (( الدلع )) ... وهذا اللي اعرفه .. بس يفضل انك تروح على رأي الخبراء ...

بالتوفيــق



كلامك كلام خبراء انا من مربي الخيل العربية ومن المروضين
بس نقطه انك لم توضع السرج او اي حمل على الضهر يجب عليك الحذر وايضا يجب ان تعودها على الجام وتحاول يكون اقلب الوقت عليها
وثانيها لم تتعود عليهم مع الثقل
ثروح لمنطقه رمليه وتحاول انك تتعب الفرس بالمشي وعليها السرج واللجام والحمل الثقل
وبعد مايتعب تحاول انك تحط رجل وحده على الركابه زتكزن منتبه لاي حركه مفاجئه ويجب ان يكون معك خص او شخصين للسلامه ويكنون ماسكين الحصان من الجهتين ومنها تحاول تركب واشخاص ماسكينك وبعد مايتعود عليك وانت فوقه تبتدي تكون وحدك
وتغريبا مدة العسف من اسبوع الى ثلاثه
وعمر الفرس من سنتين الى ثلاثه
على حسب قوتها وجسمها

وان شالله افدت

[الخيال]

اسمع اخوي اولا جب سطلين واملها اسمنت و اربطها على ظهرها وخلها تمشي ساعه اوساعه
ونص وبعدها اركبها وشف واذا ما نجحت جربها
مره ثانيه

[الخيال]

وانا كذالك اوافق اخوي البدبخت

[ابووديع]

شكرا كثير الكم نصحوني اودي على مراكز خاصة
وجربت انشاءالله يزبط

[بنت دبي]

انا ماأيد ولى حد فيكم لان حلولكم كلها غلط في غلط اسمع اخوي المهرة مالتك بعدها صغيرة اصبر عليها كمن سنة يعني يوم بيستوي عمرها 8 و9 سنوات ابدا في تدريبها ويو بدربها سير عندها اشوي شوي ومسح على ويها وبعدين امسح على ظهرها وبعد ماتحس انها ارتاحتلك اضغط بيديك على ظهرها بي مب بالقو بعدين هات السرج وحط على ظهرها بس لاتربطة خل عادي واذا شفتها ماسوت شي وتقبل الامر بعدين اربط السرج ابسرعة ولازم حد يمسك المهر يوم بتربط السرج لان يمكن ادوس ريلك وبعد ماتربط السرج اصبر اشوي عليها علشان تفهم انا الي على ظهرها ماتروب اتخوزة او اتشلة بعدين اركب اشوي اشوي على ظهرها وعقب ماتركب اصبر اشوي خلك واقف لاتمشي المهرة بعد ربع ساعة حاول انك تظربها بريلك في بطنها بس اشوي اشوي وساعات يمكن اتكون شرسة وياك اذا حسيتها استجابت وسمعت الرمسة كمل لين ماتحس انها زينة وذا كانت عنيدة وياك حاول تكسر عنادها واكيد بطيح كمن مرة من على ظهرها بس لاتستسلم...

[بوفهد]

اعتقد ان كلٌ له طريقته الخاصه في عسف الخيل وتدريبه

فلكم كل الشكر والتقدير على هذه الطرق الجميله والمجربه

واتمنى التوفيق للجميع

[الخيال]

معليش اختي بنت دبي بس انتي الي كلامك غلط الخيل اذا تم عمره من 3 الى 4 سنين يدرب


على الركوب واذا وصل عمر 11سنه خلاص مايركب وانتي تبينه يدربها وهي عمرها9 سنوات وش


الفايده من ركوبها بس سنتين واتمنى تتاكدين من الشئ الي تكتبينه




ومع تحياتي لك يا بنت دبي

[عبد الرحمن]

اختي ينت دبي كلامك غير صحيح

يتدرب على الركوووب مو عمره 9 سنوات وعمر 3 او 4

سنوات اختي بنت دبي تاكدي من اي كلام تقولينه

لك تحيه من القلب

[بنت دبي]

كلامك غلط لان انا عندي في النادي حصان عمره 18 سنة واسمها كلوديا ومالت قفز حواجز ومشاء الله عليها رشيقة وفيها لياقة .... انا ايد كلامك ان يدربها من سن 3 بس لانها صغيرة مابتستجيب عدل للتدريب يعني بيتلعوز اشوي لاني جربتها ودخلت التدريب ومب اي تدريب تدريب خيول متوحشة واخس من هاي المهرة .... انا بس بغيت اعطي راي وهذا كل شي ......

[البدبخت]

سلام

هدوو اعصابكم شباب ..

مهما تعددت واختلفت الآراء بيكون الهدف واحـد واللي اهو تدريب الخيل :) ... يعني مو مهم كم يكون عمر الخيل ( ثلاث او عشر او مليون ) بس المهم ان يكون مروض وأليف وصالح للركوب وبس ..

والاخ صاحب الموضوع طالب طريقة تدريب المهر ولم يطلب العمر الصحيح لتدريب المهر هههه


بالتوفيق.. (( شكرا لج اختي ))

(( اختلاف الرأي لا يفسد للود قضية ))

[بحريني رومنسي]

الاخوان كفو ووفو وانه ماعندي شي ازيد
وتحياتي العنيفه لكم ويتربى في عزك
وتحياتي وسلملمــــــــــ،،،

[ميجو-10]

مشكور اخوي على المعلومه

[ميجو-10]

يعطيك العافيه

[ابووديع]

مشكورين جميعكم وانا خلاص دربتها وخلصت وصارت ماشاء الله عنهاوسالت المدربين عن العمر و جاوبوني اه من عمر 3-4 افضل عمر للتدريب ومش شرط نتوقف عن ركوبه بسن 11 في منهم بضل لسنة ال20 وشكرا للجميع