يجعر وبقوه

[un_6abe3e]

السلام عليكم ورحمة الله ..

اخواني .. قبل يومين خالي جاب لي كاسكو يقولي بس يجعر اهوا مل من عنده ..

انا لاحظت انه خالي مو مهتم فييه
نظفت له القفص واشتريت اكل وحطيت له فيتامينات

المهم المشكله انه الكاسكو يجعر وبقوووه مرات تحس انه كلب :p

واذا قعد بروحه مرات يعطيك خوش تصفير و تقليد اصوات ..!!

بس ان قرب منه احد يصير متوحش حييل

حتى امس الكروان مالي طار ونزل على قفص الكاسكو تخيلوا هجم علييه ..


سؤال ثاني

ياريت لو تشروحون بالصور .. كيفيه قص جناح الكاسكوو ..

لانه الي عندي بفتح له القفص ولكن للاسف جناحه كامل ..

[naasooh]

لا تلومه
لأن أهو ألي خايف منكم
أعطيه من وقتك وما عليك خلييه يجعر بس لا تخاف منه أجلس قدامه وكلمه حاليا لا تلمسه خليه كم يوم يتأقلم على المكان
لا تعزله خليه يشوفكم دايما
وغصبن عليه راح يترك أتجعير
بس
لا أحد يضربه أو يستثيره من كثر ما يشوفكم راح يحس بالأمان بعدين أبدأ معاه بالخطوه ألي بعدها أنك توكله من ايدك
بعده حاول تلمسه
ولا تستعجل ما دام صحته زييينه

ومبروك عليكم الطير

[un_6abe3e]

الله يبارك فيك

مشكووور يالغالي

زين بغيت اسئلك

شلون قص الجناح .. لاني ادري انه الطير يتضايق من الحكره

والمشكله جناحه كااامل ..

[بويوسف الميلاني]

انا انصحك يالغالي انك توديه للخبير ...

( محل الطيور موثوق او بيطري) لانو مهما كانت الصور واضحه في الشرح اعتقد صعبه...

خصوصا اذا كنت مبتدئ....

واعتقد كلفة قص الريش ماتتعدى 20 ريال هذا بالكثير..>>>ومافيها خسارة ...

هذا اللي اقدر انصحك ....

وسامحني على التقصير...

[عبود القبوط]

أنتبه أنتبه أنتبه

لا يقصون ريشه وأنت موجود بنفس الغرفه علشان لا يشوفك

وحتى أنت لا تقص ريشه بنفسك

ترا بيقلب عليك 180 درجه

وأصبر عليه يتأقلم مع جو البيت الحين لمدت أسبوعين على الاقل