ببغاني مايصفــر قدامي ولا تعود علي :(

[زينه ونحول]

هلا .. :o ..

دوبي راجعــه من الاختبار وكان مررره زفت .. :( ..

مو مهم ..

ببغاني من يوم اشتريته ماصفر غير مره وحده .. ومو قدامي ..

صبرت عليه ومر اسبوع ع الببغان عندي .. خليت اخواني يصفروا قدامو بس ماصفر برضو ..
قلت اصبر عليه ..

امس الساعه اربعه الفجر قررت ازاكر :D .. وجلست برا في الصاله .. تحت قفصو :D جلست ازاكر ..

خلصت مزاكره ودخلت انام .. وماجاني النوم . مرت عشره دقايق وسمعته يصفرررر تصفييير وااااضح :p ..

وانا عاد ماصدقت اشوفه يصفر طلعت جري اشوفه .. سكت :( ومارضي يصفر مره تانيه ..


..

جا الصباح الساعه تسعه .. اخويه الصغير جالس بالصاله ياكل كان .. وسمع الببغان يصفر قدامو :(:(:( ..

ونفس الشي اليوم الصباح :( .. صفر قدام اخويا الصغير مو قدامي .. لأني كنت بالجامعه مع اني كنت جالسه عنده قبل لا أروح الجامعه :(:(:( ..


ابدددن .. ولا حتى يخليني احك راسو :( .. ولا عمره وقف فوق يدي :( ..

صحيح انه ياكل من يدي ماشالله وانه مايعضني .. بس برضو :o ..

متى بيتعود علييي :(:( ..

____________________

مو بس كده

ببغاني مايبغى القفص حقه .. ومايوقف فوق عصايته بالقفص ..

بس يبغى يجلس بغرفة التلفزيون عشان يجلس تحت الدولاب حق التلفزيون ( لأنو دولاب التلفزيون من تحتــه في عصايه زي العصايه حقته اللي بالقفص وهو يحبها هناك )
بس انا مابغاه يجلس هناك لانو هناك برد عليه ولانو بيتعود عليهم وبيولف على اخواني لانهم مشغلين السوني ومقابلين وجهه اربع وعشرين ساعه :o ..

_________________

كيف اخليه يصفر وانا جالسه عنده :p .. بصراحه انا ماأعرف اصفر .. بس مو لازم اصفر قدامه صح ؟؟



+ عشان انا ماأعرف اصفر قدامه .. ابغى مقاطع لأصوات عصافير وتصفير عشان اسمعه واعوده ..

+

كيف مااخليه يحاول يفتح القفص ؟ لأنه لمن ادخله القفص يتسلق بالقفص ويحاول يفتحه وسوا زي ماسوا ببغان ياسين صار شكل القفص في فراغ من فوق اخاف يجرا له شي ؟؟ :confused:

وكمان كيف اخليه ياكل اكل عادي .. حقي بس ياكل فصفص مايرضى ياكل ولاا شي :rolleyes:



تجااااااااااني :)

[.: الأسيف :.]

مبروك على الببغاء

نصيحتي هي الصبر

و خليه يتعود عليك

الصبررررررر

[كاسكـــو]

والله شوفي

الببغاء محتاج وقت اول شي .. وتأكدي حتى التصفيرات لازم يتعلمها من الغير صفري له اذا تقدرين

والتركيز على تعليمه الكلام افضل لأنه ببغاء موهوب بالكلام

وفي طبع الافريقي انه خجول وهذا شي معروف لكن يفضل يكون بمكان فيه ناس واصوات وتصفير وكلام هو راح يلقط

ولسه بدري على الطلوع فوق اليد والاشياء هذي يحتاج ترويض ونزع الخوف منه

وفيه في محلات الطيور اشرطه تعليم للببغاء عباره عن اصوات وتصفيرات اذا كنتي محتاجه لها فعلاً

واتركي الببغاء داخل القفص دايم لأنه افضل له ويكون تركيزه داخل القفص اكثر وهو مع الوقت راح يتعود

ويوقف على العصا حقته .. والببغاء ذكي يقدر يميز الشخص اذا كبير او صغير بالعمر وهو يصير جريئ مع الصغار

وهو راح يصفر قدامك بس عطيه وقت يتأقلم ويتعود عليك انتي اهتمي فيه بنفس عشان يتعلق فيك

[الكوس]

من الي قريته في المنتدى ان اسبوع واحد فتره قد لا تكون كافيه لكل الطيور و قد يحتاج الطير الى فترة اطول

و ثانياَ الي اعرفه ان التركيز على كلام الكاسكو أفضل من التركيز على تصفيره

[houston]

زينه حبيبتى
انا طيرى جلس شهر ماياكل قدامى اذا طلعت من الصاله اكل واذا احد جالس فى الصاله ماياكل ابد
والحين الحمدلله بس جالس وياكل قدامنا ويصفر بصوته كله بعد

تعرفين الكاسكو الافريقى خجول ... اصبرى عليه شهر .. وبأذن الله تصيرون صحبة

[زينه ونحول]

ينااششوو .. مره .. يزنن .. من جد يستحي :p ? اوووو يجنن

بس هو لو يستحي مني ماكان أكل من يدي ؟ ولا شرب من يدي مو صح ؟

بعدين ترا هو لمن يشوف احد غريب او احد شكله مرعب :D ينزل عن العصايه ويجلس بالقفص تحت .. بس لما يروحوا وانا مارحت انا اكون موجوده يطلع فوق العصايه عادي ..

+ فدييييييته مايصرخ ادا شافني .. بس ادا شاف احد غريب يصرخ بصووت وااااطي وخافت لأنه خايف ..

بس برضو مايخليني احك راسه ولا يخليني العبه ..


والتركيز على تعليمه الكلام افضل لأنه ببغاء موهوب بالكلام

الببغاء موهوب بالكلام ... بس لمن يكون هو اصلا مايصفر الا نادرا من وين بتيجيــه القدره ع الكلام ؟ !!

+

انا ببغاني عيونــهـ صفره .. يعني ممكن يكون عمره فوق السنتين وفوق الثلات سنين لأنو البياع بسهوله يقدر يخمني .. وطبعان ادا كان فوق الثلاث سنين مستحييل ينطق حرف :rolleyes:

+

ماقلتوا لي ع الاكل مايرضى ياكل فواكــه ولا خضروات ..

وانا والله ماودي اخليه بره القفص .. بس امي تحبه برا القفص تقول عادي .. لمن اكون نايمه على طول الاقيه في هذاك المكان السحـــري حقه ==

وادا رجعناه القفص زعل خخ ..


+

عندي سؤال .. الببغان يبكي ؟؟ ولا يتهيأ لي ؟؟؟

اليوم الصباح <<< ماشالله كل شي حصل عندك اليوم الصباح خخ ..
المهم اليوم الصباح امي طلعته فوق جنب السطوح عشان تسمعه لأصوات العصافير والياسمينات .. وسمعت كأنو كأنو يبكي .. يعني زي اممم ..

مدري كيف اوصف لكم بس حسيته يبكي :p .. نزلته على طول عندنا ورجع عادي ..

اريقاتوو جميعاان

[بويوسف الميلاني]

والله مواضيعك فله....

سؤال وبصراحه ماجربت تكتبين قصص...؟؟؟راح تبدعين >>>وربي ما امزح....

والله ياختي من قال انه مايستطيع الكلام اذا كانوا عيونه صفر...

هو يكون اصعب من الصغير....

انا كان عندي كاسكو وبعد اسبوعين صار يصفر الى ان تمنيت انه يسكت....

ان شاء الله يكون كذا معك...

اريقاتوااا >>>> اعتقد انك تحبين ناروتو...>>> افضل انمي على الاطلاق..

تحياتي

[كاسكـــو]

نعم الافريقي خجول وهذا احدى صفاته

ومسأله انه يأكل من يدك هذي بوادر خير الببغاء بدأ يرتاح لك

والكلام ممكن جداً ان يتكلم مع التدريب ولا يوجد مشكله اذا عيونه صفراء

والببغاء لايبكي لكن يتهيا لك هههههههههههه

[كاسكو هولندي]

مجرد مايتعود على المكان والناس اللي حوليه راح يتغير 100% وعد مني

[زينه ونحول]

والله مواضيعك فله....

سؤال وبصراحه ماجربت تكتبين قصص...؟؟؟راح تبدعين >>>وربي ما امزح....

والله ياختي من قال انه مايستطيع الكلام اذا كانوا عيونه صفر...

هو يكون اصعب من الصغير....

انا كان عندي كاسكو وبعد اسبوعين صار يصفر الى ان تمنيت انه يسكت....

ان شاء الله يكون كذا معك...

اريقاتوااا >>>> اعتقد انك تحبين ناروتو...>>> افضل انمي على الاطلاق..

تحياتي

يســـلام .. يعني لازم اذا قلت بسأل سؤال اكتفي بسؤال واحد ؟ طيب ادا اكتفيت بسؤال واحد على كده كل يوم بكتب سؤال ..
انا خليت كل اللي عندي في هذا المــوضــوع .. عشان ما أكثر مواضيع اسئله ..

بعدينه اذا انت ماتبغى تقرأ المــوضوع هذا شي يرجع لك .. يعني انت حــر لا تقرأه ولا ترد ولا تعطيني اجابات مو مشكله وربي مابزعــل .. اصلن الحق علي الون لكم الموضوع عشان ماتحسوه طويل -_-

في كثير ناس تساعد وتعلم ..

--

الا في موضوع قبل شويا قرأته بس مو عارفه اي موضوع ( قالوا انو ادا كان الببغان فوق الثلاث سنين من سابع المستحيلات يتكلم )
وانا اقصد انو احتمال كبير يكون ببغاني عمره فوق الثلاث سنين .. لأنو البياع ممكن يخمني ..

آمين يارب عقبال مايصفر ويغني :D ..

ابدااان ماأحب ناروتو .. بالعكس احب الدراما اليابانيه وليس الانمي الياباني << اصلا واضح من الصوره الرمزيـه اللي حاطتها حاطـه صورة بطلي الياباني المفضل خخ ..


نعم الافريقي خجول وهذا احدى صفاته

ومسأله انه يأكل من يدك هذي بوادر خير الببغاء بدأ يرتاح لك

والكلام ممكن جداً ان يتكلم مع التدريب ولا يوجد مشكله اذا عيونه صفراء

والببغاء لايبكي لكن يتهيا لك هههههههههههه


يااقلبووو يجنن ..

هو بصراحــه ياكل من كل احد يمد له يده .. بس انا ماصرت اخليهم عشان مايتعودوا عليه ..

ان شالله يتكــلم يارب ..

انا كل ماقابلته قلت له بوبو عشان يقولها ..

والله كان يبكي .. انا حسيت انه يبكي .. يعني جلس ينادي بصوت حزين كأنو يبكي .. مررره كان يحزن ..


مجرد مايتعود على المكان والناس اللي حوليه راح يتغير 100% وعد مني

يـاارب ..

دومـــوو مينا سان ..

[the-gray]

من قال انه مستحيل يتكلم
حتى لو عمره 20 سنه ممكن يتكلم مع التدريب

بالنسبه للأكل في خلطات في السوق اللي هي فصفص مع بذور اخرى

هو في البدايه يأكل الفصفص ويترك الباقي انت شيلي القشر حق الفصفص وخلي الباقي هو مع الجوع راح يأكل غصب عنه و وبعد فتره حطي قطع تفاح برتقال خس جرجير مع اكله ممكن في الدايه ما يأكلها لكن جوعيه اشوي
وممكن مادام يأكل من يدك اعطيه مباشر خاصه الخس والجرجير

هو يطفش في القفص ممكن تخليه يتمشى شوي في البيت يغير جو بس مو على طول

وعقبال ما تشوفيه يتكلم ويصفر ويطلع على يدك وكمان يطير إليك

[كتكوته صغننه]

لاتستعجلين عليه والله وعد مني انو راح يتكلم وراح تقولين له اسكت ازعجتني :rolleyes:

[كتكوته صغننه]

لاتستعجل اخوي كلها يومين ويتكلم