عندي مشكلتين وابغى حلين

[شعيفان]

السلام عليكم ورحمة الله وبركاته

كيف حالكم ان شاء الله بخير انا عندي حمام مشكل باكستاني وزاجل (بلدي) وقلاب الخ....المهم اواجه مشكلتين بسيطتين ان شاء الله
1- الحمام اذا حاولت اطيره مايطير يعني يلف من فوقي ويوقع على سور السطح واحيانا يبهذلني يجي على بيت جيرانا ويعيي انه يرجع وعلى فكره يكون مجوع
2- الحمام حتى لو طار مايطير في سرب يعني مايطير في مجموعه

افيدوني جزاكم الله خير

[حمام البحرين]

والله مادري شأقول لك
بس اذا جذي يعني الحمام وسامحني على كلمتي انه مامنه فايدة
لو انه حمام طيب جان ارتفع في الجو لو لمدة ساعة على الاقل!

اما عن السرب انا ماشفت باكستاني في اسراب لان كل طير له قدرته على الطيران والارتفاع وكل طير يحوم لوحده
بس الزاجل هو يطير في اسراب

[مكحل الجنيه]

السلام عليكم ورحمة الله وبركاته

كيف حالكم ان شاء الله بخير انا عندي حمام مشكل باكستاني وزاجل (بلدي) وقلاب الخ....المهم اواجه مشكلتين بسيطتين ان شاء الله
1- الحمام اذا حاولت اطيره مايطير يعني يلف من فوقي ويوقع على سور السطح واحيانا يبهذلني يجي على بيت جيرانا ويعيي انه يرجع وعلى فكره يكون مجوع

حاول في بداية تطييرك للحمام ماتخليه ينزل على اي مبنى لانه مع الوقت بيستامنه وكل ماطار بيوقع عليه
حاول تطيره على طول اول ماينزل على بيت اي احد و لاتخليه يطول بالطيران لفه لفتين واذا حسيت انه بينزل خليه ينزل على البيت وبيتعود مع الوقت انأاامن مكان له البيت لكن صفي الحمام وشوف الطيب منه اللي يطير لان الانواع الرديه مهما حاولت بينزل باي مكان لو تعب


حاول انك ماتطير كل الانواع مع بعض يعني الباكستاني لاتطيره مع زاجل او قطيفي بيلف معه ولا راح يرتفع والاهم صفي الحمام خلي اللي طيرانه زين مع الزين وزي كذا الا ان تصير عندك مجموعة كويسة للطيران



2- الحمام حتى لو طار مايطير في سرب يعني مايطير في مجموعه

كلام الاخ من البحرين صحيح الزاجل يلف بمجموعات والباكستاني يجتمع بالجو لكن مو على طول بثواني يرجع يتفرق بس يكون مرتفع

افيدوني جزاكم الله خير



تقبل مروري

[شعيفان]

جزاكم الله خير وكلامكم صحيح وعلى العين والراس وبالنسبه للباكستاني جيد وليس ممتاز والقلابي كذلك لكن وبصراحه الزاجل هو الي اظن انه فيه المشكله لاني قبل ما اجيبه كان طيران حمامي جيد واظن انه هو الي سبب لي المشاكل وشكرا لك حمام البحرين وماينزعل منك بالعكس نبهتني لشي مهم وشكرا لك مكحل الجنيه ومن اليوم ان شاء الله حطبق الطريقه واطير كل نوع لوحده ولا تحرمنا من نصايحك