لـماذا يا يـوكي لماذا ؟

[kane_h]

طبعا يوكي اسم ببغائي .. :)


ندخل في صلب الموضوع

يوكي .. أدلعه ..أشربه .. أأكله

يشرب من يدي وياكل من يدي وأطلعه من القفص

في الآخـــــــــــــــــــــــــر يقوم يعضني ؟! :confused:

ليش وبأي سبب

عضني عندنا حاولت مسك منقاره فقط فكيف برأسه :(

أتمنى احط يعطيني الحل كيف يتخلص ببغائي من هذه العاده ... :o

[عاشقة الطيور]

السلام عليكم ورحمة الله وبركاته

اذا ببغائك توه يديد يعني ماصار له غير شهرين او اكثر بقليل فهذا شي طبيعي جدا ... وهو بدى يوثق فيك لكن مب لذيج الدرجه

الي عليك تسويه اذا كان داخل او خارج القفص اكله من يدك لزيادة الثقه ودايما طلعه وخله عندك واذا عضك قول (لا) او (غلط) بصوت مرتفع قليلا وبصوره انه يفهم انه الي سواه غلط وبعد فتره من الاستمرار ان شاءالله بيوثق فيك وبيخليك تمسح على راسه ومنقاره بدون تدريبات ومابتقدر توصل لهلمرحله اذا ماصبرت وطولت بالك

واذا بعد فتره وما سمح لك تمسح على راسه ادخل المواضيع المثبته وبتحصل الموضوع الي يشرح كيفية مسح راس الببغاء

وبالتوفيق:)

[kane_h]

شكرا لكي ع الافادات الرائعه

بس الببغاء عندي من 6 شـهور وعارفني أكيد

وانا قلت أول هو يآكل من يدي ودايم يشوفني انضفله القفص وأشربه اذا كان عطشان وأحيانا
عندما أكون بالقرب منه يعطيني تصفيره أو صوت ..كتكسير الفصفص (طق) مع ميلان بالرأس ..ويتنفش ريشه ويقرب رأسه مني .. أحيانا يفعلها واحيانا لا :D

ايش معنى هالحركـــــه؟ مع العلم انه لما يسويها يعطيني الانطباع انه مبسووط !

[عبووووووودي]

في احد رمي حاجه او صرخ ع الطير اكيد هاذي مزاجه تغير ماعليك فتره بسيطه ويرجع مثل ماكان بس حاول تدلعه اكثر

[kane_h]

احتمال كبير يكون كلامك صحيح

لكن اذا مثلا أحد صرخ عليه غيري مثلا بياخد انطباع سيئ عني ؟

ولا فقط إلي صرخ عليه والخ.

أتمنى فهمتني؟

ويسلمو ع المرور

[keko10]

ايش نوع الببغاء الللي عندك ؟؟

[kane_h]

كــــــــــاسكو

[abocimba]

تحياتي
اخي من صفات الكاسكو انة اذا احد اساء لة ولم يعضة يقوم بعض صاحبة وهذا الي حدث معاك وتاكد انة لن يكررها اذا كان يحبك .

[kane_h]

فاده رائعه منك يالغلا..بس معلومه انا لحد الآن ما مسكته للأسف

[عاشقة الطيور]

لاشكر على واجب ... ههه ماشاءالله 6 شهور الله يخليه لك

الحركه الي يسويها لك ببغائك سيكو ببغائي يسويها لاختي وحتى بيتنه كلهم يعني يقص عليهم عشان يعضهم لان مايخلي احد يسوي فيه شي غيري:D .. انت جرب حط يدك يمكن يخليك بس اذا عضك لتخاف ولتسحبها بسرعه

وعموما الببغاوات تختلف عن بعض يعني ممكن واحد يولف ببغائه بأقل من اسبوع وغيره على يومين وفيهم بالاشهر ويعتمد على الجهد المبذول بالتدريب


لكن اهم شي ماتيأس وواصل وان شاءالله بتحصل على ثمرة صبرك وجهدك

وبالتوفيق

[kane_h]

انت جرب حط يدك يمكن يخليك بس اذا عضك لتخاف ولتسحبها بسرعه

انتي قصدك اني ما اخاف ولا اسحب يدي حتى لو عضني ؟

وحلوه حركته في التخويف :D

ويسلمو ع الافادات الرائعه ...

[عاشقة الطيور]

اي اخوي هذي قصدي وحااظرين :)

[kane_h]

شكرا ما قصرتي..جزاك الله خيرا

[زينه ونحول]

ياااحظك ماشالله ببغانك يحبك .. انا ببغاني للحين ماأعطاني انطباع خاص فيني .. -__-"
خصوصا وانو امي واخوي اللي عمره ثلاث سنين مقابلين خشته 24 ســاعه ؟! .. استغفر الله طبعا مايمديني اقول لأمي لا تجلسي قدامو ؟!..

اما بالنسبه للعض .. عادي انت رجال خليه يعضك :D ..

انا ماأبغاه يعضني عشان مايشوه يديني .. بس الحمدلله ابدن ابدن حقي مايعض .. بس يسوي نفسو يعض ( امي طبعا مو انا ) وعلى طول بنفس الوقت يطلع اصباع امي ومايعضها ..

..

ان شالله اكون افدتك <<< مرره بصراحــه افدتيه خخ ..

[kane_h]

ههههههههههه

شـوفي هو لازم يتـعود على أهلك ويتطمن على جميع افراد العائله

وعن العض صدقتي ..بس انا بحاول معاه واشوف النتيجه

يسلمو ع المرور ..والله يوفقك مع ببغائك