كم سؤال عن الامازوني لو سمحتوا !!

[dr.kitkat]

السلام عليكم ورحمة الله
انا اشتريت ببغاء امازوني تقريبا هو يا بلو فرنت او اورنج وينج يوم الربوع اللي فات الحلو فيه انه شوية اليف يعني طول الوقت بره القفص ما يدخل جوه ولا يطير عنو ...
ياكل من اليد عادي والمس راسو عادي اغلب الاحيان
بس لا المس رجلو ...
علطلول بمجرد ما احاول اوقفو على يدي يعضني عضة بنت ستة وستين يطلع الدم من يدي واكتر من مرة سواها ...
حتى جربت طريقة الاخوان بمنشفة واحاول اوقفو غصبا عنو ما في فايدة عنيد بشكل ...
الشي التاني ما سمعتو يصفر من يوم الربوع ابدا صامت و راعيه الاول يقلي هو يصفر بس قليل ...
مع انو عمرو سنة ونص تقريبا حسب كلامو (بالمناسبة كيف اعرف عمرو )؟
يعني باختصار ايش احسن طريقة اعلمو يطلع عاليد والتصفير ؟؟
وازا في احد يعرف احد يدرب بفلوس وكده عادي ما عندي مانع بس انو راسو يلين لانو دمي الغالي قاعد يروح هدر
وشكرا مقدما على كل اللي رد
وهده صورتو بالمناسبة
مشاء الله تبارك الله
http://up3.m5zn.com/photo/2009/6/6/03/otbjviw39.jpg/jpg (http://www.m5zn.com)

[علي بن عبدالله]

جرب هذي الطريقه .. و ان شاء الله نتايجها مضمونه

http://www.2zoo.com/vb/showthread.php?t=99200

[عاشق الامزونيات]

حط صورته

[dr.kitkat]

صورتو فوق محطوطة

[عبووووووودي]

مافش صور بغيت اشوف الطير عشان احكم وبالنسبه لطلوع اليد الامزوني يطلع ع اليد سريع انت اسحبو من رجلو ولو عضك لا تفكه كم مره وبيظبط معاك

[سماوي الجبه]

طائر ممل،، مانصحك تعب نفسك معه،

[عاشق الامزونيات]

طائر ممل،، مانصحك تعب نفسك معه،


حررررررررررررام عليك

اللي ما يعرف لصقر يشويه

[احساس طفل]

خخخخخخخخخخخخخخخخ
عاشق محامي كبير عن هذه الفصيله
والله فعلا اللى ما يعرف الصقر مو يشويه الا يسويه ادام
خخخخخخخخخخخخخخخخخ
عموما اخوي اهم شي ان طيرك يولف على المكان وعليك انت بعد
مثلا ياكل من يدك او اذا شافك جيت وده يطلع لك
والاشياء هذى اللى تعرف منها ان الطير يستلطفك
وبالنسبه لطلوع على اليد مو مهم مثل اهميه انه يكون الليف ولو دخلت يدك في القفص ما يعض
وان شاء الله يكون احسن من اول
وعلى فكره ها الطير موغريب على
الاامازوني طير يستحق العشق
وخاصه البلوفرنتد فديته وفديت من يعشقه

[عاشق الامزونيات]

خخخخخخخخخخخخخخخخ
عاشق محامي كبير عن هذه الفصيله

الاامازوني طير يستحق العشق
وخاصه البلوفرنتد فديته وفديت من يعشقه

هههههههههههههه

فديتك

[dr.kitkat]

لا بالعكس هو جدا اليف
بس حاولت اطلعو غصبا عنو على يدي واول ما افكر يمسك يدي يعضني الين ما يطلع الدم يدي كلها جروح ومنفوخة في المستشفى صرت اخاف المس المرضى لا يجيني مرض ولا شي في الجرح ...خخخخخ
طيب راح اسيبو فترة على قولة الاخوان الين ما يولف على المكان ونشوف ....
شكرا على ردودكم ما قصرتوا ....

[dr.kitkat]

طيب بالنسبة للعمركيف اعرفو ؟؟؟
وعاشق كنت ابغى اسئلك دحين متى يبدأ يصفر مثلا لو انا جايبو من اسبوع لانو ما يصفر بس يغرغر كده بفمو مني فاهم كيف بالضبط ....