المساعد الشخصي الرقمي

مشاهدة النسخة كاملة : يوميات ببغائي الكاسكو (ويلي)

PrEsIdEnT
09-06-2009, 10:37 AM
بسم الله الرحمن الرحيم

السلام عليكم ورحمة الله وبكاته


فكرت بيني وبين نفسي <===== مب عاقل الخطير:rolleyes:

قلت بدل ما اجلس كل شوي اكتب موضوع وكثر مواضيع على غير فايده اكتب يومياتي مع ببغائي الكاسكو ( ويلي ) واصير اتناقش مع اصحاب الخبره في الخطوات الي سويتها معه ؟؟ طبعا زملائي المربين ماراح يبخلون علي بخبرتهم :)


وياليت هالنوع من المواضيع ما تكون ممنوعه من الاداره :)


طبعاً اليوم فيه تطورات كثير معي تطور بنسبه 40% تقريبا


اول شي قمت رفعت عنه الاكل الساعه 2 صباحاً بدايه لتجويع الطير للانقياد للأوامر


بعد كنت فاتح له القفص يتمغط شوي وينفش ريشه



بعد ما طلعت الشمس قمت قفلت القفص استعداداً للتشمس وطلعته بالشمس برا ينبسط ويصفر لانه تقريبا ما يصفر بمكانه الي يجلس فيه بالعاده ما يصفر الا لمى يطلع يتشمس


وجلست انظف القفص وصفر له وغير مويته


بعد ما اخذ له تقريبا ساعه بالخارج جيت ودخلته وقدمت له طبخ خضروات مكون من ملفوف وفلفل اخضر بارد ( رومي ) <----------<< ابيه يتعود على الخضروات


وخليته تقريبا وقفلت عليه الباب يرتاح وياكل


طبعا ما اكل كثير بس تقريبا تعرف على الخضروات يعضها ويرميها وياكل شوي منها قلت مو مشكله اليوم لازم اطلع بنتيجه اي نتيجه بس شي من التطور


قمت عملت له ستاند هو سله حلويات قديمه عندنا وهذي صورتها


http://up.3ros.net/get-6-2009-73ilbj2d.jpg


طبعاً حاولت قبل كذا انه يركب عليها بس مافي فايده لمى قريت موضوع امس عن الالعاب والمراجيح قالوا يبي له فتره بس عشان يتعود عليه ;)

قلت عشان كذا ممكن ما يركب عليها


طبعا ببغائي ما ياكل قدامي تقريبا قلت مدام جائع وما يبي الخضروات خليني استفيد من فتره جوعه وعوده يركب على الستاند الجديد واحط له الاكل فيه

طبعا حطيت له طبق بذور عباد شمس شهي :D وخذيته معي الغرفه والقفص برا وقفلنا الغرفه علينا وبقيت انا وياه وقلت ما تطلع من هنا الا وانت متعلم شغله :cool:


حطيت الشبك ( غطاء القفص ) على الارض بجانب الستاند وخليته لوحدهم اول شي قام يلف تقريبا نص ساعه حول الغرفه يدور مهرب عشان يروح القفص بس على مين :D


بعدين استسلم للامر الواقع وصار يدور مكان مرتفع عشان يوقف عليه ويراقب طبعا ارفع شي بالغرفه كان الاستاند


قام بشويش كذا وطلع عليه وانبسط معاه :)


قلت ممتاز الستاند وتعلم عليه وصار ما يخاف منه :)


بعدين ذبحه الجوع وقام ياكل شوي منه قدامي :cool:


طبعا الحين قطعنا شوط كبير تعود على الاستاند واكل قدامي وكأنه افضل بدأ ياخذ علي كثير بس طبعا لمى اصير واقف وهو تحت يجلس يجاعر كثير

بس لمى اصير انا وهو ع نفس المستوى يسكت


بعد كذا حسيت انه تعب شوي ويبي يرتاح قمت اخذته بالشبك ورجعته للقفص


لمى رحت انا وهو القفص امس كنت معوده على اللمس عن طريق العصى واليوم لبست القفازات وبديت معه على القفاز خاصه انه كثير من الناس ما نصحتني بالعصى قالولي لانه راح ما يتعود علي يدك بعكس القفاز


طبعا اول شي مجاعر ويحاول يعض اول ما يفتح فمه انزل يدي بحركه خفيفه مو سريعه بحيث ما يعض ومع عنادي وكثر المحاولات صرت احكه من رقبته وجسمه ويتقبل الوضع وصار خاق مع الحك :p وهذي صوره لي وانا احكه ومبسوط


http://up.3ros.net/get-6-2009-mg6txykl.jpg


بعدين قلت لازم اكافئه على هالمجهود الرائع طبعا انا دائما لمى يصير هادي اقوله شاااااطر


قمت جبت الفول السوداني وقمت اعطيه بالقفاز وجت المفاجأه :eek:


اخذها من يدي وكسرها واكلها وانا قدامه بس للاسف ما صورتها لانه تقريبا يخاف من الكميره خاصه الفلاش

جيت انبسطت قلت ياكل قدامي ومن يدي بيوم واحد قمت جبت حبه ثانيه فول سوداني بس قهر ما اخذها مني مادري وش السبب :(

قلت ما عليه اليوم ما قصر معي الصراحه تطورات خاصه فيه ملاحظه ثانيه بعد ما صرت احكله بالقفاز صار ما يجاعر لمى امر من عنده :D

وهذا بحد ذاته تطور يعني لمى اجيبها بالنسبه خفت نسبت تجعيره اليوم بنسبه 70 %

هذي تقريبا احداث اليوم كامله وباقي آراء الاعضاء والخبراء ونصايحهم المعتاده


اخوكم

PrEsIdEnT
keko10
09-06-2009, 12:27 PM
الله يعطيك العافية اخي الكريم ومجهود رائع مع ببغائك
وفي انتظار المزيد من اليوميات
houston
09-06-2009, 01:00 PM
ماشاء الله .. تطور حلو
الله يخليه لك
.: الأسيف :.
09-06-2009, 01:33 PM
ما شاء الله

اجل صار خاق مع الحك ^^
PrEsIdEnT
09-06-2009, 02:05 PM
الله يعطيك العافية اخي الكريم ومجهود رائع مع ببغائك
وفي انتظار المزيد من اليوميات

الله يخليك هذا من ذوقك وان شاء الله عقبال ما يصير يموت فيني :)
PrEsIdEnT
09-06-2009, 02:05 PM
ماشاء الله .. تطور حلو
الله يخليه لك

امين ويخلي لك الي عندك وشاكر مرورك وتعليقك ;)
PrEsIdEnT
09-06-2009, 02:06 PM
ما شاء الله

اجل صار خاق مع الحك ^^



الله يعطيك العافيه تسلم اخوي

وعقبال ما يخق معي انا :cool:
طير الدرة
09-06-2009, 03:11 PM
احلا يا المدرب


الله يخليه لك
مطلوب أفريقي
09-06-2009, 03:47 PM
ماشالله خطوات حلوة ^_^

بالتوفيق اخوي .. من تقدم لتقدم ان شالله
ابو محمــد
09-06-2009, 04:05 PM
الله يوفقك وانشاء الله يوالف عليك.
ذكرتني اول طير شريته كان يجعر وغير اليف وأول ما تحط يدك يعضك عضت كلب وكنت فقد الامل ان يصير اليف الى درجه اني ما اقدر امسح عليه ومع الايام والاصرار يوم من الايام جوعته وكنت ابغاه ياكل من يدي مارضى وكنت انا وياه في المجلس تقريبا من الظهر الى حد الساعه 10 الليل طبعا نمت بعد العشاء ولما قمت ماتصدقون يا اعضاء وش تتوقعون؟؟؟؟؟؟؟؟؟؟؟؟؟؟؟؟؟






نايم جنبي ولما شفته احس انه فرح وقام يرفرف بجنحانه وصرت امسح عليه ومن بعد ذاك اليوم وانا اعشق الببغاء الرمادي لكن للأسف شافه واحد ونشب لي وشراه مني.
عاشقة الطيور
09-06-2009, 04:11 PM
وعليكم السلام ورحمة الله وبركاته

ماشاءالله يوميات حلوووه استمتعت وانا اقراها

حبيت اقولك ان حزة التعليم او مثل مانقول توليف الببغاء او تدريبه بتتعرف على شخصيته وبتتكلم وياه وبتتعرفون على بعض ومب لازم في كل نهاية تدريب تحصل على نتيجه :)

وفي انتظار اليوميات اليايه
زياد محمد
09-06-2009, 06:00 PM
طريقتك حلوة وماعليك تصبر عليه لين يولف عليك >>> انا بعكسك المس راسه وياكل مني لكن الا الان ماهو راضي يطلع على اليد وانا اصلا لم ادربه على الطلوع الا الان ..؟ لاني الصَراحة ماني مستعجل الطير اليف وبيولف غصب بكرة هههههه وبالتوفيق لك اخي
سكر
09-06-2009, 07:34 PM
ما شاء الله تبارك الله

الحمد لله على فضله وكرمه

يعجبني فيك تفاؤلك,, ومثابرتك يا غالي,,,

وان شاء الله بتشوف نتائج ترضيك اذا استمريت على نفس المنوال

بالنسبة للأكل من يدك,,, اذا كنت تمسح عليه بالقفاز,, أعطيه الأكل بالقفاز...

وإذا صرت تمسح عليه بيدك, أعطيه الأكل بيدك,,,

أشكرك على تجربتك المفيدة,,,

ربي يوفقك يا قمر

تحياتي
مسك
09-06-2009, 09:04 PM
السلام عليكم

والله اصرارك وصبرك عجيب
الله يكون في عونك

انا الكاسكو كان يجعر في الاول لين ركبني صداع بس طليت جالسه جنبوه لين مل وبطل وبعدين شوي شوي صرت ادخل ايدي بل قفاز وما عطني ولعبه وصارياكل من ايدي وعلمته يمد رجله اليمين لياخذ مني الفول السوداني

الموضوع بده صبر ووقت

بالتوفيق
xX7oSaMXx
10-06-2009, 01:25 AM
ماشاء الله تطورات حلوه

واعجبني فيك الصبر وافكارك

وعلمنا وش اخر المستجدات :)

موفق اخوي مع السلامه
naasooh
10-06-2009, 12:41 PM
مبروك
و
خطوه طيبه وكثر له من المكافأأة
PrEsIdEnT
11-06-2009, 05:59 AM
احلا يا المدرب


الله يخليه لك

يعطيك العافيه وما تعلمت شي الا من هالمنتدى الروعة


شاكر مرورك وتعليقك
PrEsIdEnT
11-06-2009, 06:00 AM
ماشالله خطوات حلوة ^_^

بالتوفيق اخوي .. من تقدم لتقدم ان شالله

يعطيك العافيه وشاكر لك مرورك اخوي
PrEsIdEnT
11-06-2009, 06:02 AM
الله يوفقك وانشاء الله يوالف عليك.
ذكرتني اول طير شريته كان يجعر وغير اليف وأول ما تحط يدك يعضك عضت كلب وكنت فقد الامل ان يصير اليف الى درجه اني ما اقدر امسح عليه ومع الايام والاصرار يوم من الايام جوعته وكنت ابغاه ياكل من يدي مارضى وكنت انا وياه في المجلس تقريبا من الظهر الى حد الساعه 10 الليل طبعا نمت بعد العشاء ولما قمت ماتصدقون يا اعضاء وش تتوقعون؟؟؟؟؟؟؟؟؟؟؟؟؟؟؟؟؟






نايم جنبي ولما شفته احس انه فرح وقام يرفرف بجنحانه وصرت امسح عليه ومن بعد ذاك اليوم وانا اعشق الببغاء الرمادي لكن للأسف شافه واحد ونشب لي وشراه مني.

الله يحييك اخوي وشاكر مرورك


وببغائك شكله وليف ويحب الناس


الله يعوضك غيره ياكريم ويرزقك باطيب منه :)
PrEsIdEnT
11-06-2009, 06:04 AM
وعليكم السلام ورحمة الله وبركاته

ماشاءالله يوميات حلوووه استمتعت وانا اقراها

حبيت اقولك ان حزة التعليم او مثل مانقول توليف الببغاء او تدريبه بتتعرف على شخصيته وبتتكلم وياه وبتتعرفون على بعض ومب لازم في كل نهاية تدريب تحصل على نتيجه :)

وفي انتظار اليوميات اليايه

الله يعطيك العافيه

وشاكر لك مرورك


فعلاً كلامك صحيح بس لاحظت على الببغاء الي عندي انه كل بعد تمرين فيه تطور ملموس


مثلاً لمى عودته على حك الجسم عن طريق القفاز صار المره الثانيه ما يخاف لمى اجي وحط يدي يصير يجاعر شوي بعدين يسكت


يعني اخف من اليوم الاول وكذا :)
PrEsIdEnT
11-06-2009, 06:07 AM
طريقتك حلوة وماعليك تصبر عليه لين يولف عليك >>> انا بعكسك المس راسه وياكل مني لكن الا الان ماهو راضي يطلع على اليد وانا اصلا لم ادربه على الطلوع الا الان ..؟ لاني الصَراحة ماني مستعجل الطير اليف وبيولف غصب بكرة هههههه وبالتوفيق لك اخي

ما شاء الله تبارك الله


الله يخلي لك طيرك ويبارك لك فيه


حلو موالف وترك الجعير هذي اتوقع انه خطوه كبيره بس يبي تصير معه كثير اما طلعت اليد احس انها سهله مره بس تبي تقرب يدك عنده وتلمس صدره وهو راح يطلع لانه يحس انه يبي يطيح


انا اطلعه على الشبك وعلى الستاند عادي بس ابي لين يوالف ويوثق فيني عشان اطلعه على يدي ما يعض :)
PrEsIdEnT
11-06-2009, 06:09 AM
ما شاء الله تبارك الله

الحمد لله على فضله وكرمه

يعجبني فيك تفاؤلك,, ومثابرتك يا غالي,,,

وان شاء الله بتشوف نتائج ترضيك اذا استمريت على نفس المنوال

بالنسبة للأكل من يدك,,, اذا كنت تمسح عليه بالقفاز,, أعطيه الأكل بالقفاز...

وإذا صرت تمسح عليه بيدك, أعطيه الأكل بيدك,,,

أشكرك على تجربتك المفيدة,,,

ربي يوفقك يا قمر

تحياتي

الله يعطيك العافيه اخوي سكر


انت نبهتني على قضيه جديده الي هي انه يوالف الطير الاداه الي تستخدمها اذا كانت عصى ولا قفاز


معناته لازم اعلمه على اليد الله يعيني على العض :(
PrEsIdEnT
11-06-2009, 06:12 AM
السلام عليكم

والله اصرارك وصبرك عجيب
الله يكون في عونك

انا الكاسكو كان يجعر في الاول لين ركبني صداع بس طليت جالسه جنبوه لين مل وبطل وبعدين شوي شوي صرت ادخل ايدي بل قفاز وما عطني ولعبه وصارياكل من ايدي وعلمته يمد رجله اليمين لياخذ مني الفول السوداني

الموضوع بده صبر ووقت

بالتوفيق

ماشاء الله تبارك الله

الله يبارك لك بطيرك

حلو انه الواحد كل فتره يطلع مع طيره بشيء جديد وعقبال مايصير يتعلم منك حركات اكثر:D
PrEsIdEnT
11-06-2009, 06:12 AM
ماشاء الله تطورات حلوه

واعجبني فيك الصبر وافكارك

وعلمنا وش اخر المستجدات :)

موفق اخوي مع السلامه

شاكر لك مرورك


ويبارك لك بالي عندك ان شاء الله
PrEsIdEnT
11-06-2009, 06:14 AM
مبروك
و
خطوه طيبه وكثر له من المكافأأة

الله يخليك

وبالنسبه للمكافأه ابشر بس هو خل يسوي الي عليه :)
PrEsIdEnT
11-06-2009, 06:37 AM
بسم الله الرحمن الرحيم


السلام عليكم ورحمة الله وبركاته


بعد التمرين السابق وكان الصباح رحت انا مع ويلي الى العياده البيطريه وعملت له بديكير ومنيكر :)



طبعا وديته البيطري يكشف عليه اذا فيه شي غريب والحمد لله طمني وخليته يقص ريشه ويبرد منقاره ويقص ظفوره


وبعدين رجعنا انا وياه البيت


اول ما رجعت بعد مشوار السياره حسيت انه دايخ شوي خليته وقفلت النور عنه وخليته يرتاح


عطيته مالذ وطاب من الاكل


طبعاً اليوم الثاني خف جعيره بنسبه 80% وصار ما يجعر الا اذا خاف مره يعني لمى احرك يدي ولا يطيح شي مني وهو قريب بس

وهذا تطور بحد ذاته وبعدين رفعت الاكل منه على اساس ابي اعوده انه يأكل قدامي وما يستحي مني


وجيت وجلسته عندي وجلست اسولف عليه بس المشكله صار يتخبى مني خلف التلفزيون خليته على راحته قلت مع الايام يبي يصير عادي


بس للأسف ما اكل قدامي :(


بس بيني وبينكم فتره الاربعاء والخميس انا يجوني ناس كثير اتوقع هالشي أثر عليه سلباً


قلت اريحه لين نصير انا وياه وثالثنا القمر :)


رجعته القفص وطلعت انا وواحد من الشباب لسوق الحمام غار مني ويبي يشتري ببغاء مع انه من هواة الحمام والكروان


بس قال ببيع الكروان الي عندي وبشتري لي ببغاء افضل طبعاً بعد اقناع مني


طلعنا لسوق الحمام وشفنا الطيور الي هناك ولفينا السوق وعجبنا واحد شكله حلو ويطلع على اليد وما يعض


بس سعره شوي مرتفع خليناه قلنا نرجع وقت اذان المغرب السوق يخلص والي طيره معه يصير يتنازل وينزل من سعره شوي <----------<< الي يبي يشتري طير لازم يتخذ هالاسلوب خاصه اذا ركب الطير بالسياره يبي يرجع :)



رجعنا لخوينا وحاولنا فيه ونزل لنا تقريبا 150 ريال



خاصه انه الببغاء بداية كلام ويطلع على اليد وما يعض بس المجاعر بنسبه 75%



توكل على الله خويي وخذاه وطلعنا للبيطري يكشف عليه قال صحته زينه بس يبي يستقر وتعطيه اكل عشان تصير صحته بنسبه 100%


قصينا ريشه ورتبناه وسوينا له المناكير والبدي كير وبردنا المنقار وقصينا الاظافر



رجعنا للبيت عاد تعرفون الاقفاص الي بسوق الحمام ماشا ء الله تبارك الله الظاهر عمرهم ما ينظفونها قمت انا وياه و نزلنا الببغاء عند ويلي طيري وصار مضيف بدل ما كان ضيف



الصراحه كان ونعم المضيف اكرم ليلو وما قصر عليه بشي حطيت الاكل للأثنين خاصه اني توني شاري حبوب مخلطه من سوق الحمام ممتازه بلجيكيه


وفتحت الباب خفيف عشان ياكل واطالعه حسيت انه ميت من الجوع المسكين :(



ومافي هواش ولا شي بالعكس متوالفين وخليتهم يرتاحون شوي وقفلت عليهم النور وخليتهم ينامون



طبعاً اشتريت شريط في محلات الحمام بالسوق لببغاء يتكلم لاني مستقبلاً ناوي احط مراية قدام ويلي واخلي الشريط يشتغل



الصراحه احس انه هالطريقه مو افضل طريقه بس فكرتي انه على الاقل ينطق اول كلمه لانه زي ما فهمت انه اول كلمه صعبه على الببغاء بعدين لمى يوالف اصير اعلمه الكلام انا ان شاء الله



طبعاً لسى ما ابتدى تعليم الكلام في الحلقات الجايه ان شاء الله


اخر شي صوره لويلي مع ليلو وهم يتشمسون جنب بعض :)



http://up.3ros.net/thumb-6-2009-bp84qrx9.jpg (http://up.3ros.net/get-6-2009-bp84qrx9.jpg)

اضغط على الصوره للتكبير

والحين بروح اعمل دش للأخ ليلو بعد زياره الطبيب امس وحوسه سوق الحمام :)


اخوكم


PrEsIdEnT
مسك
11-06-2009, 08:45 PM
السلام عليكم

الصراحة مع هل المعاملة الخمس نجوم شكله ببغاءك غدوه بيتكلم واول كلمة شكرا


بالتوفيق مع ليلو
PrEsIdEnT
11-06-2009, 09:08 PM
السلام عليكم

الصراحة مع هل المعاملة الخمس نجوم شكله ببغاءك غدوه بيتكلم واول كلمة شكرا


بالتوفيق مع ليلو

يعطيك العافيه والله يطرح فيه البركه وبالنسبه لطيري اسمه ويلي هذا ليلو طير واحد من الشباب :)
سكر
12-06-2009, 02:06 PM
ما شاء الله تبارك الله,,,

والله تطورات سريعة,,,

بس الحين ليه دخل ورى التلفزيون...

من المهم انك في البداية ما توفر له مخبأ أو مكان يهرب اليه منك,,,

لأنه اذا اكتشف انه فيه طريقة للهرب منك,, بيبقى موجه كل تركيزة في البحث عن مكان ليختبئ فيه,,,

ويصعب مع هذا الوضع كسب اهتمامه لتلقينه الكلمات أو التدريب,,,

ربي يوفقك ويبارك فيك

تحياتي
PrEsIdEnT
12-06-2009, 04:26 PM
ما شاء الله تبارك الله,,,

والله تطورات سريعة,,,

بس الحين ليه دخل ورى التلفزيون...

من المهم انك في البداية ما توفر له مخبأ أو مكان يهرب اليه منك,,,

لأنه اذا اكتشف انه فيه طريقة للهرب منك,, بيبقى موجه كل تركيزة في البحث عن مكان ليختبئ فيه,,,

ويصعب مع هذا الوضع كسب اهتمامه لتلقينه الكلمات أو التدريب,,,

ربي يوفقك ويبارك فيك

تحياتي



فعلا اخوي سكر لاحظت هالشيء عليه


اول شيء يبدأ بالبحث عن القفص بعدين يبحث عن اي مكان بحيث اني ما اقدر اشوفه


لكن على مين يلعبها الوعد اليوم ان شاء الله :)
مطلوب أفريقي
12-06-2009, 04:49 PM
بالتوفيق اخوي ونتعلم منك يالغالي ^_^
PrEsIdEnT
12-06-2009, 05:16 PM
بسم الله الرحمن الرحيم


السلام عليكم ورحمة الله و بركاته


طبعاً يوم الخميس بعد العصر حركت من البيت ومريت كذا محل لبيع الحيوانات الأليفة ومستلزماتها


كنت ابي اقضي لويلي كم غرض


طبعاً لفيت كذا محل بالرياض قلت مابي اروح لسوق الحمام زحمة وبعيد عني


قمت لفيت بالمحلات الي قريبه مني


طبعاً اول شي اشتريته له هو سلم من النوع الكبير وبعدين رحت محلات ثانيه وشريت له قطعه تتعلق بالقفص تحتوي على عنصر الكالسيوم الي يحتاجها الببغاء



بعدين شريت له حاجه ياكلها الطير تغذيه بالفيتامينات وتحتوي على الحبوب والعسل


واشتريت له حطبتين من الحطب الكبير عشان ابي اسوي له ستاند على ذوقي وان شاء الله يبي يعجبه :)



مافي احداث كثير اليوم لانه ويك اند وكان الملحق مليان وما جلست انا وياه جلسه اعتراف

:D


بالاخير اشكركم على المتابعه وانتظروا لجديد
PrEsIdEnT
12-06-2009, 05:18 PM
بالتوفيق اخوي ونتعلم منك يالغالي ^_^

الله يخليك انا الي اتعلم من الشباب كلهم الي هنا


يعطيك العافيه على المرور والتعليق
مطلوب أفريقي
12-06-2009, 05:55 PM
ننتظرك ياعزيزي ^_^

شد حيلك ترى انا اشتريت كاسكو نفس حقك بس جامبو .. ميزته ما يجعر الا اذا خاف مره يعني بديت معاك من قبل امس ^_^

لكن نشوف كيف التقدم يكون معاك او معاي والله يوفق الجميع

انا أحاول اعوده علي وعلى البيت واليوم حاولت المس راسه بالكفوف هذي بس كل مالبستها يخاف ..!

اخاف ان الي صايدينه .. صايدينه بالكفوف عشان كذا يخاف اذا شافها ..

يمكن والله او لانها شي جديد ..؟

ع العموم ماصار شي جديد والله يوفق الجميع يارب
PrEsIdEnT
13-06-2009, 11:35 AM
ننتظرك ياعزيزي ^_^

شد حيلك ترى انا اشتريت كاسكو نفس حقك بس جامبو .. ميزته ما يجعر الا اذا خاف مره يعني بديت معاك من قبل امس ^_^

لكن نشوف كيف التقدم يكون معاك او معاي والله يوفق الجميع

انا أحاول اعوده علي وعلى البيت واليوم حاولت المس راسه بالكفوف هذي بس كل مالبستها يخاف ..!

اخاف ان الي صايدينه .. صايدينه بالكفوف عشان كذا يخاف اذا شافها ..

يمكن والله او لانها شي جديد ..؟

ع العموم ماصار شي جديد والله يوفق الجميع يارب

مبروك الببغاء الجديد ويتربى بعزك يارب

شف حبيبي اذا جامبو ومحجل اسهل بالتربيه بحكم انه مربى بين البشر وانسان غالباً الي مربيه ويسمى عنده بابا


اما اذا مصيود تبي تصعب عليك الشغله مثلي بس صدقني الافريقي المصيود افضل وارخص



على العموم انا ما انصحك انك تستخدم القفاز لانه تجار الطيور غالباً يستخدمونه وما يهمهم نفسية الطير لذلك انا تركت القفاز وبديت بيدي بس بحذر وما احركها بسرعه

وبالتوفيق وننتظر جديدك
PrEsIdEnT
14-06-2009, 11:13 AM
بسم الله الرحمن الرحيم


السلام عليكم ورحمة الله وبركاته


اليوم مافي تطورات كثيره


طبعاً طلعت ويلي الصباح ياخذ حمام شمسي بعدها طبعاً قبل ما يدخل لازم الدش وحطيته في مكان دافي وجلست انظف مكانه والطاوله


وفكرت اني انقله مكان ثاني ويكون داخل الغرفه في زاويه مافيها تكييف تقريبا


قمت ونظفت الطاوله وحطيته في الزاويه ولمى نشف حطيته بالزاويه عشان يصير قدامي 24 ساعه وتقوى اواصل الثقه بيني وبينه


وعشان اشوفه وهو ياكل :)


تقريباً اهو مرتاح بالمكان الي هو فيه خاصه انه لمى الناس تدخل وتطلع ماحد يجي جنبه



بعدين لمى ريح شوي ورتب الريش قمت وجلست جنبه شوي ومديت يدي اول الامر صار يجعر بعدين خليتها ثابته لين يتعود عليها ومع الوقت صرت المس ريشه زي ما كنت المسه بالقفاز والعصى وهذا تطور كبير طبعاً الحين جالس اعوده على يدي قريبه منه بدون تجعير



هذي تقريبا التطورات الجديده بس لاحظت حركات على الببغاء تحس انه صدق ذكي


لمى يصير جوعان يجي تشوف عيونه يالله يفتحها تحس انه يبي ينام بعدين لمى اقفل اللمبات وابيه ينام ما اسمع الا اكل

:D


يلعب علي عشان ياكل


بالاخير اشكركم على المتابعه واذا فيه اي نصيحه ياريت تفيدوني
مطلوب أفريقي
14-06-2009, 11:15 PM
هههههههههههههههههههههههههههههههههههههه

نفس الي عندي بالضبط

انا توقعتها صدفة .. اثاريها صدق مو بس عندي هههههههههه

يعطيك العافية اخوي ننتظرك
PrEsIdEnT
15-06-2009, 12:30 AM
هههههههههههههههههههههههههههههههههههههه

نفس الي عندي بالضبط

انا توقعتها صدفة .. اثاريها صدق مو بس عندي هههههههههه

يعطيك العافية اخوي ننتظرك

الصراحه انا اسمع بذكاء الببغاء بس بهالشكل ماشافت عيني


بس الحمد لله الحين بما انه صار قدامي 24 ساعه صار ياكل ويشرب قدامي وقدام الشباب عادي


بس اصبر عليه شوي يبي يجي له يوم واتفضى له واوريه الشغل :)



بس الحين مشغول مع المسكين مرجان الله يشفيه يارب :(
تبوكي
15-06-2009, 12:44 AM
يوميات ممتازه واتمنا لك التوفيق انت وطيرك


تقبل مروري
عاشقة الببغا
15-06-2009, 12:54 AM
مجهود حلو وانشاءالله من حلو الى احلا ومبروك
منتج طيور
15-06-2009, 02:14 PM
إذا تبي أخلي طيرك زاحف

جبه لمي لأن عندي طير اسمه عبودي

أخليه يزحفلك طيرك من كلام من حركات أي شي

تخيل أحطله الأكل يروح يشيل الأكل حبه حبه ويحطها بالمويه ويأكلها مع المويه

أطلعه من القفص إذا جيت أتغدى يجي يتغدى معي

ويموت على شي اسمه شاهي إذا شاف الشاهي يتهاوش معي بيشرب

عاد أنا حاطله فنجال خاص له عشان يشرب شاهي
هامستر كوم
16-06-2009, 05:17 PM
الله يخليه لك ويتربا في عزك لك ودي;)
طائر النورس الصياد
16-06-2009, 09:13 PM
الله يعطيك العافية ويخليلك إياه
hawi56
17-06-2009, 03:57 AM
مشالله يوميات تنفع مسلسل فأكشن ههههههههههههههههه

...................................................

اخوي اتوكل على الله واول انك تمسح على راس الطير حول العين من ورا يعشق المنطقه دي هو

وبعدين حاول تمسح على المنقار ثم الصدر وازا بدا يسمحلك حك صدروو بالساعد مو بالكف لانو الساعد ما يقدر يعضو يتردد وحتلقاه يطلع على يدك تلقائي

طبعا حيشرد كرر العمليه لين يفضل ثابت
ولما تطلعو على يدك خلي جسمك حاجز بينو وبين القفص يعني لا يشوف القفص


شكرا واتمنى اني افدتك
مطلوب أفريقي
18-06-2009, 12:05 AM
ننتظر جديدك

<< ينتظر يقوة بعد
PrEsIdEnT
18-06-2009, 06:07 PM
يوميات ممتازه واتمنا لك التوفيق انت وطيرك


تقبل مروري

يعطيك العافيه وشاكر لك مرورك
PrEsIdEnT
18-06-2009, 06:09 PM
مجهود حلو وانشاءالله من حلو الى احلا ومبروك

الله يعطيك العافيه


وشاكر لك مرورك
PrEsIdEnT
18-06-2009, 06:11 PM
إذا تبي أخلي طيرك زاحف

جبه لمي لأن عندي طير اسمه عبودي

أخليه يزحفلك طيرك من كلام من حركات أي شي

تخيل أحطله الأكل يروح يشيل الأكل حبه حبه ويحطها بالمويه ويأكلها مع المويه

أطلعه من القفص إذا جيت أتغدى يجي يتغدى معي

ويموت على شي اسمه شاهي إذا شاف الشاهي يتهاوش معي بيشرب

عاد أنا حاطله فنجال خاص له عشان يشرب شاهي

هلا والله منتج طيور


اكيد مالنا غناة عنك بس انا ابي اتعلم عليه


وان شاء الله بطلع معه بشي جديد

والله يخلي لك عبودي
PrEsIdEnT
18-06-2009, 06:13 PM
الله يخليه لك ويتربا في عزك لك ودي;)

يخليك ربي


وشاكر لك مرورك
PrEsIdEnT
18-06-2009, 06:15 PM
الله يعطيك العافية ويخليلك إياه

الله يخليك ويخلي لك الي عندك


شاكر لك مرورك وتعليقك
PrEsIdEnT
18-06-2009, 06:18 PM
مشالله يوميات تنفع مسلسل فأكشن ههههههههههههههههه

...................................................

اخوي اتوكل على الله واول انك تمسح على راس الطير حول العين من ورا يعشق المنطقه دي هو

وبعدين حاول تمسح على المنقار ثم الصدر وازا بدا يسمحلك حك صدروو بالساعد مو بالكف لانو الساعد ما يقدر يعضو يتردد وحتلقاه يطلع على يدك تلقائي

طبعا حيشرد كرر العمليه لين يفضل ثابت
ولما تطلعو على يدك خلي جسمك حاجز بينو وبين القفص يعني لا يشوف القفص


شكرا واتمنى اني افدتك


اول شي اشكر لك مرورك


ثاني شي احب اشكرك على هالمعلومات الطيبه وراح اجربها معه واشوف النتيجه
PrEsIdEnT
18-06-2009, 06:21 PM
ننتظر جديدك

<< ينتظر يقوة بعد

يالبى قلبك


ابشر بالجديد والمفيد ان شاء الله
PrEsIdEnT
19-06-2009, 11:08 PM
بسم الله الرحمن الرحيم


السلام عليكم ورحمة الله وبركاته


طبعاً قبل ما ابتدي بهاليوم احب اني اعتذر عن الكتابه اليوميه لانه زي ما انتم عارفين انه باليوم مافي تطورات تذكر بس مع الوقت تبي تصير تطورات كثير زي ماراح تشوفون في هالرد

:D


اول شي كنت لاهي عن ويلي شوي بسبب مرض مرجان والحين مات مرجان وفضيت له


طبعا اول شي قمت اخذت الشيخ ويلي وحطيته بالاستاند برا بالحوش ياخذ له حمام شمسي واخذت القفص وسويت له عمليه نظافه وجبت الصابون والديتول والمكنسه الصغيره وفرك بالقفص ومخلي ويلي بالحوش يصفر ومبسوط يوم خلصت من نظافة القفص خليته ينشف بالحوش وجيت للشيخ ويلي



وجبت المرش وقمت اروشه طبعاً اول مره اروشه وهو برا القفص قلت بجرب وش شعوره وهل يبي يهرب ولا راح ينبسط


طبعاً انا تفاجأت :eek:

كان ايام القفص يدور ويلف بالقفص ويجاعر ويوم روشته على الاستاند كان هادي تقريباً الى درجه صرت اقرب المرش الى ظهره وجسمه وما يقول شي وهو مبسوط بس الى الآن مارفع لي جناحه عشان اغسل الي تحت الجناح :(


بعد الدش والنظافه خليته بمكان دافي عشان ينشف ويرتب ريشه وبعدها طبعا طبق طعام عشان يتدفى وبعد الاكل عطيته المويه



هذا ما حصل بيوم وراح اقولكم بالرد الثاني اليوم التالي
PrEsIdEnT
19-06-2009, 11:24 PM
بسم الله الرحمن الر حيم


اليوم الي بعده


قمت الصباح بدري الي هو يوم الجمعه امس


وجبته معي بعد الفجر بالاستاند بانتظار الشمس عشان يتشمس الشيخ ويلي وكنت شاري مجموعة من السمر الطيب غير مقصص استعداداً لصنع ستاند له


وخليته جنبي وانا اشتغل على الستاند يتفرج علي كان شقي ويحب يكتشف كل شي يعني بالعربي ما جازله المكان الي هو فيه ويبي يروح للقفص بس انا معيي عليه :)


قام يلف ويدور اخر شي جزم ونزل عن الستاند وانا كنت مشغول بتجهيز اغراض الاستاند واشوفه وهو يطب بالحوش عاد اناظره اقوله وين يابو الشباب وين تبي تروح تعال تعال وكانت المفاجأه :eek:


لحقني وجاء وراي ودخل الممر :D صاير ولد مطيع قمت رفعته بغطى القفص وكافأته طبعا عشان لحقني ما خاف وابعد عني


ورجعته مكاني وقمت اشتغل بالستاند وانا اسولف عليه واصفر له واطقطقله بس للأسف ما يرد علي الا بالتصفير فقط


بعد اتمام الستاند قمت اخذته وحطيته على الستاند اول شي كان خايف منه بس بعد ما خليت الشبك على الستاند شوي تأقلم وعجبه الوضع


وهذي صور له مع الستاند

http://up.3ros.net/get-6-2009-5lgtd3w7.jpg

http://up.3ros.net/get-6-2009-zfeamh2w.jpg

بعدين كنت بادي معه تمرين احكله جسمه وراسه بالعصى واقرب ايدي منه يوم بعد يوم طبعاً قطعت معه شوط لا يستهان به تقريبا صرت اقرب يدي كثير الى درجه بعض الاوقات يقرب له يمديه يعض بس انا ابعدها بشكل هادي احتياطاً وهذي صوره حكت الراس بالعصا

http://up.3ros.net/get-6-2009-bdvw7gf6.jpg


وبما انه صار هادي وترك الجعير بنسبه 90% مابقى الا 10% الي هي لمى اقرب كثير منه واقرب يدي


قلت خل بجلس معه جلسه واحجره بالزاويه ونشوف وش تصرفه وش براسه الرجال


قمت شلته بالشبك وحطيته بالزاويه وصرت اسولف عليه واطقطق له واقوله بابا بابا ابيه يحفضها


وهذي صورة ويلي وهو محجور بالزاويه

http://up.3ros.net/get-6-2009-1swr7vhb.jpg

وانا حاط القفص بطاوله بزاويه الغرفه وحاط له سلم بحيث انه لو قدر الله مسكت معه ينزل يقدر يرجع للقفص مره ثانيه وهذي صورته وهو بالقفص وصورة مكانه وطريقة الصعود

http://up.3ros.net/get-6-2009-gz7o1zul.jpg


طبعاً دربته على الصعود عليها من قبل اكثر من مره الى درجه انه ترك الاختباء تحت الطاوله وصار على طول يطلع على السلم :)


لمى جلسته عندي كان يترقب ويدور طبعا الحجره بالزاويه المقابله للقفص وانا بينهم وبدأ يتمشى بالغرفه ويمر من جنبي :rolleyes: وراح للقفص وطلع فوق



خليته يرتاح شوي وسويت معه نفس الشي بس خليته يمر من جنبي اقرب باستخدام بعض المساند ومر وراح لقفصه



طبعاً عطيته من الاكل الي يحبه وانتهى التمرين اليوم



هذا تقريبا كل الاشياء الي صارت بهاليومين وكالعاده انا بانتظار نصائح الخبراء وزيارات وتعليق الاعضاء


شاكر لكم متابعتكم كلكم


اخوكم


PrEsIdEnT
houston
19-06-2009, 11:27 PM
ماشاء الله فيه تطور ..
والله يعوضك عن طيرك الثانى خير

وننتظر جديدك مع ويلى
PrEsIdEnT
19-06-2009, 11:40 PM
ماشاء الله فيه تطور ..
والله يعوضك عن طيرك الثانى خير

وننتظر جديدك مع ويلى

الله يعطيك العافيه وشاكر لك مرورك
.: الأسيف :.
20-06-2009, 06:10 AM
ما شاء الله عليك

ناقل أخباره أول بأول

والحين أنا رايح أختبر آخر إختبار رياضيات دعواتكم
PrEsIdEnT
20-06-2009, 01:40 PM
ما شاء الله عليك

ناقل أخباره أول بأول

والحين أنا رايح أختبر آخر إختبار رياضيات دعواتكم

شاكر لك مرورك


والله يوفقك ياربي في اختباراتك وجميع الاعضاء ان شاء الله
PrEsIdEnT
20-06-2009, 09:55 PM
بسم الله الرحمن الرحيم


السلام عليكم ورحمة الله وبركاته


اليوم الصباح بدري حصلت مفاجأه:eek:


صحيت من النوم على طقطقه وغمغمه من الببغاء الصراحه قمت من النوم مبسوووووووط


احس اني انبسطت اكثر من لو تكلم :)



وهذا دليل طيب على بدايه الكلام والحمد لله ربي ترجم تعبي اليومين الي راحت انبح حلقي وانا اطقطق وبابا


الجيران تأذوا مني

:D


طبعا اتوقع انه يبي يطلع برا تعود كل صبح اطلعه بس هالمره نمت عنه :(


بعد ما جاء العصر عوضته وخليته يطلع ونزل عن الستاند بالارض وقام يتمشى شوي بعدين جاء عندي كانه يقولي طلعني :D


واقوم واطلعه



بعدين اخذنا الدش حق الشيخ ويلي وروشته وصار ينبسط ولا يجعر ولا شي



بعدين دخلته داخل عشان ينشف نفسه وينظم ريشه



بالليل قمت قلت بجيبه وجلس معه وعوده انه مايخاف مني قمت حطيته بالزاويه وسكرت عليه خليته لين ريح وبديت اعطيه بعض الكلمات شوي وطقطق له شوي


بعدين فتحت له فتحه قريبه شوي من عندي عشان يمر من عندي ويروح لم القفص يوم راح جبته وخليت الفتحه اقرب مني بحيث انه يمر من عند رجلي اول شي خاف بعدين مر بحذر


بعدين جبته مره ثالثه وخليته يمر من عندي عادي من غير خوف وصرت اناظره عادي راح للقفص



وقلت يكفي طبعاً ما نسيت المكافأه عطيته سوداني اخذه ورماه كالعاده :(


بعدين عطيته شوي حب شمسي لاني حارمه منه :rolleyes:



هذا تقريبا الي صار معي اليوم والوعد بكرى ان شاء الله :)



شكرا على المتاابعه
hawi56
20-06-2009, 10:30 PM
مشاء الله
بس انا زعلان عودتنا على الصور ودحين تحرمنا؟؟؟؟:D

ههههههههههه يالله ترى كلنا متحمسين مع المسلسل ... كل يوم الساعه 10 بالليل اخش اشوف الجديد

مسلسل برزدنت و ويلي (( لميس ويحيى ):p
PrEsIdEnT
21-06-2009, 12:15 AM
مشاء الله
بس انا زعلان عودتنا على الصور ودحين تحرمنا؟؟؟؟:D

ههههههههههه يالله ترى كلنا متحمسين مع المسلسل ... كل يوم الساعه 10 بالليل اخش اشوف الجديد

مسلسل برزدنت و ويلي (( لميس ويحيى ):p

ياهلا والله ومسهلا فيك


ويشرفني وجودك معي ومتابعة المسلسل افكر اخرجه لرمضان

خخخخخخخخخخخخخخخخخخخخخ


لكن اليوم ما اتوقع فيه شي يستاهل التصوير لكن بصور لك فيديو كيف يروح من الزاويه ويطلع للقفص ولا تزعل


بكرى ان شاء الله الحين نايم
Mr.GT
21-06-2009, 12:51 PM
ماشاء الله تبارك الله


الله يبارك لك بالشيخ ويلي وعقبال ما تشوف ذريته :)
عموما ياغالي...
حبيبي انا من سكان الرياض وابي اشتري لي ببغاء اليومين هذي هل سمحو ببيعها من جديد(((في سوق الحمام تحديدا)))



ولا على ايام حركات فلونزا الطيور مانعينها


وانت متى رحت شريت طير خويك من فتره قريبه ولا بعيده شوي



اتمنى تجاوبني على تسألي لو على الخاص :) فضلا وليس امرا يا غالي

وشاكر ومقدر لك مجهوداتك يا قمرهم
foufa
21-06-2009, 02:08 PM
الله يعطيك العافية اخي الكريم
habash05
21-06-2009, 03:24 PM
السلام عليكم

يعطيك العافيه اخوي فعلا اسلوب جميل وشرح مفصل وافي

اخوي, الطير كل ما احس بالامان كل ما كان التعامل سهلا معه, و حاول اذا تدرب ويلي على شيء لا تحط القفص في نفس المكان علشان يكون تركيزه عليك مش على القفص الي هو بيته وهو الامان له, هنا بس لازم يحس الطير بالامان معك فيحبك ولين حبك مستحيل يعض يدك ولو بالخطأ حاول يعضك ما راح يجرحك.

اخوي من تجربتي مع الببغاوات حاجز الخوف احيانا تفصل بيننا و بين طيورنا.و السبب انعدام لغة للتواصل فيجب عليك الصبر حتى توصل المعلومه ل ويلي

تسلم على الموضوع
ودمتم
PrEsIdEnT
21-06-2009, 10:54 PM
ماشاء الله تبارك الله


الله يبارك لك بالشيخ ويلي وعقبال ما تشوف ذريته :)
عموما ياغالي...
حبيبي انا من سكان الرياض وابي اشتري لي ببغاء اليومين هذي هل سمحو ببيعها من جديد(((في سوق الحمام تحديدا)))



ولا على ايام حركات فلونزا الطيور مانعينها


وانت متى رحت شريت طير خويك من فتره قريبه ولا بعيده شوي



اتمنى تجاوبني على تسألي لو على الخاص :) فضلا وليس امرا يا غالي

وشاكر ومقدر لك مجهوداتك يا قمرهم

الله يخليك وحياك الله


اما عن استفسارك سوق الحمام الحين يومياً بعد العصر بالشارع الي خلف سوق الحمام


لكن انصحك بايام الويك اند تصير فيه طيور اكثر


ارق تحيه لك وشاكر مرورك
PrEsIdEnT
21-06-2009, 10:56 PM
الله يعطيك العافية اخي الكريم

الله يعافيك وشاكر لك مرورك
PrEsIdEnT
21-06-2009, 10:59 PM
السلام عليكم

يعطيك العافيه اخوي فعلا اسلوب جميل وشرح مفصل وافي

اخوي, الطير كل ما احس بالامان كل ما كان التعامل سهلا معه, و حاول اذا تدرب ويلي على شيء لا تحط القفص في نفس المكان علشان يكون تركيزه عليك مش على القفص الي هو بيته وهو الامان له, هنا بس لازم يحس الطير بالامان معك فيحبك ولين حبك مستحيل يعض يدك ولو بالخطأ حاول يعضك ما راح يجرحك.

اخوي من تجربتي مع الببغاوات حاجز الخوف احيانا تفصل بيننا و بين طيورنا.و السبب انعدام لغة للتواصل فيجب عليك الصبر حتى توصل المعلومه ل ويلي

تسلم على الموضوع
ودمتم



فعلا اخوي كلامك سليم وانا الاحظ عليه الخوف سواء مني او من المكان


وانا احاول قدر ما اقدر اني اكسر حاجز الخوف بيني وبينه وربك يوفق ان شاء الله


شاكر مرورك وتعليقك
hawi56
22-06-2009, 02:49 AM
ننتظر الفديو .. <<<<<<<<<<<<<<<<<<< متابع بصمت
hawi56
23-06-2009, 02:31 PM
وي ايش سار انقطع المسلسل ولا نستنى السيزون التاني؟؟؟(( برزن بريك )) ههههههه
سكر
23-06-2009, 07:37 PM
ما شاء الله تبارك الله

فعلاً تطورات مذهلة,,,

الحمد لله على منه وفضله,,,

أول كان جهدك موزع على ببغائين,, والحين جهدك تركز على ببغاء واحد عشان كذا لاحظنا كلنا النتائج,,,

أخوي هباش أعطاك المفيد,, وكلامه مختصر,, لكن يحمل بين طياته تجربة كبيرة,,,

وتفسير كلامه ممكن يجسد كتاب كامل,,

أشكر الأخ هباش وكل الأعضاء على المشاركات,, وأتمنى منك يا غالي تقرر قرار جدي بإنك تتقدم خطوة أكثر شجاعة مع ببغائك,,,

واللي هي انك تترك القفاز,,, وتقتنع انت أولاً انك تقدر تطلع الببغاء على يدك...

الآن انت ما تحتاج للقفاز,,,

تحتاج انك تطلع الببغاء في مكان غير مألوف كثيراً بالنسبه له,, غرفة أخرى أو برى في الحوش مثلاً,,, وتخليه في مكان فاضي في الأرض,, بعيد عن أي شي ممكن يتسلقه

يعني مكان غريب بالنسبة له,,,

وقتها اجلس انت بينه وبين الباب حق البيت,, وناديه قوله تعال بصوت عالي,, وانت جالس,,,

بيحاول يمر من جنبك,, لكن ابقى قدامه واعطيه يدك بثبات كأنها غصن أو السلم حق القفص,,

كأنها قطعة جماد,,,

واتركه هو اللي يجي ليدك مو يدك اللي تروح له,,,,

وان شاء الله انه بيطلع عليها بس لا تخاف,,, ما بيعضك,,,,

لأن يدك ثابته,,, وهو اللي راح لها مو يدك اللي راحت له,,,

أتمنى لك وللجميع التوفيق,,,

تحياتي
PrEsIdEnT
23-06-2009, 08:31 PM
ننتظر الفديو .. <<<<<<<<<<<<<<<<<<< متابع بصمت


حياك الله وفي متابعتك وشاكر لك مرورك



ننتظر الفديو .. <<<<<<<<<<<<<<<<<<< متابع بصمت

ان شاء الله بتشوف الفديو وبتشوف مفاجات كثيره بس انتظر


شاكر مرورك وتعليقك
PrEsIdEnT
23-06-2009, 08:37 PM
ما شاء الله تبارك الله

فعلاً تطورات مذهلة,,,

الحمد لله على منه وفضله,,,

أول كان جهدك موزع على ببغائين,, والحين جهدك تركز على ببغاء واحد عشان كذا لاحظنا كلنا النتائج,,,

أخوي هباش أعطاك المفيد,, وكلامه مختصر,, لكن يحمل بين طياته تجربة كبيرة,,,

وتفسير كلامه ممكن يجسد كتاب كامل,,

أشكر الأخ هباش وكل الأعضاء على المشاركات,, وأتمنى منك يا غالي تقرر قرار جدي بإنك تتقدم خطوة أكثر شجاعة مع ببغائك,,,

واللي هي انك تترك القفاز,,, وتقتنع انت أولاً انك تقدر تطلع الببغاء على يدك...

الآن انت ما تحتاج للقفاز,,,

تحتاج انك تطلع الببغاء في مكان غير مألوف كثيراً بالنسبه له,, غرفة أخرى أو برى في الحوش مثلاً,,, وتخليه في مكان فاضي في الأرض,, بعيد عن أي شي ممكن يتسلقه

يعني مكان غريب بالنسبة له,,,

وقتها اجلس انت بينه وبين الباب حق البيت,, وناديه قوله تعال بصوت عالي,, وانت جالس,,,

بيحاول يمر من جنبك,, لكن ابقى قدامه واعطيه يدك بثبات كأنها غصن أو السلم حق القفص,,

كأنها قطعة جماد,,,

واتركه هو اللي يجي ليدك مو يدك اللي تروح له,,,,

وان شاء الله انه بيطلع عليها بس لا تخاف,,, ما بيعضك,,,,

لأن يدك ثابته,,, وهو اللي راح لها مو يدك اللي راحت له,,,

أتمنى لك وللجميع التوفيق,,,

تحياتي

اخوي سكر اول شي اشكر لك مرورك وتشريفك موضوعي


ثاني شي الحمد لله على واسع فضله فعلاً انا الاحظ تطور كبير بيني وبين الببغاء كل يوم والثاني


طبعاً انا مركز على حاجتين الحين اني اولفه واصير احك لجسمه كلها لاني الاحظ انه لمى احك على جسمه يترك الجعير ويترك الخوف شوي


الشي الثاني احاول انه يلقط كلام مني خاصه انه بدا الطقطقه الصباح والغمغمه وانا حريص على تعليمه الكلام


بعد ما يولف اصير احك على راسه راح ابدأ بتعليمه طلوع اليد ان شاء الله


شاكر لك نصائحك والحمد لله اني الحين لي تقريبا اسبوعين ما لبست القفاز لاني اشوفه يخاف من القفاز كثير خاصه لمى اصير قاطع معه شوط كبير من التمرين يخرب التمرين كله لمى يحضر القفاز


عشان كذا صرفت النظر عن القفاز



شاكر مرورك مره ثانيه وانتظر الجديد ان شاء الله
PrEsIdEnT
23-06-2009, 11:24 PM
بسم الله الرحمن الرحيم


السلام عليكم ورحمة الله وبركاته



اخواني قبل ما ابتدي كلامي ابي اتأسف من الجميع على تأخري


وتعرفون الوقت ضيق واشغال كثيره هاليومين


على العموم ما علينا


اليوم بختصر لكم الموضوع جايب لكم مقطعين فيديو


المقطع الاول زي ما وعدتكم قبل وهو مقطع لويلي وهو رايح للقفص على رجوله


http://www.youtube.com/watch?v=Adc8LcHT3bQ


اذا ما اشتغل هذا الرابط

http://www.youtube.com/watch?v=Adc8LcHT3bQ

اما الجديد تطورات ويلي مع حك الراس بحيث بديت احكه في اصبعي بس لازم اكون ماسك العصا


عقبال ما احك له راسه بدون عصا ان شاء الله بالقريب العاجل


وهذا مقطعه ماشاء الله تبارك الله

http://www.youtube.com/watch?v=kjod-G3XElY

اذا ما اشتغل المقطع هذا الرابط

http://www.youtube.com/watch?v=kjod-G3XElY

هذا تقريبا التطورات حقت اليوم ونشوف ان شاء الله وش يخبي لنا الوقت



ارق تحيه للجميع بلا استثناء
كتكوته313
24-06-2009, 12:59 AM
ماشاء الله تبارك الرحمن انت كذا عطيتني امل في ببغائي لانه يسوي نفس حركاته بس مشكلتي مافيني صبر

على بالي الببغاء يتروض بسرعه خخخخ


الله يخلي لك ويلي ويعطيك خيره ويكفيك شره
PrEsIdEnT
24-06-2009, 01:04 AM
ماشاء الله تبارك الرحمن انت كذا عطيتني امل في ببغائي لانه يسوي نفس حركاته بس مشكلتي مافيني صبر

على بالي الببغاء يتروض بسرعه خخخخ


الله يخلي لك ويلي ويعطيك خيره ويكفيك شره

الله يخليك شاكر لك مرورك


وصدقيني سألت اكثر من شخص قالي افضل طريقه هي طريقه العصا بحيث انك تقلل المسافه بين يدك والطير مع الوقت وهذي النتيجه
PrEsIdEnT
24-06-2009, 01:16 AM
اسف ما اشتغل الرابط لاني ما عرفت انزله بالرد على طول


هنا راح انزله للي ماشافه شاكر لكم متابعتكم

Adc8LcHT3bQ


وهذا المقطع الثاني


kjod-G3XElY
hawi56
25-06-2009, 02:06 AM
سلمت يمناك يشيخ

يالله طلعو على اليد

خلينا نباركلك
سكر
25-06-2009, 02:19 AM
ما شاء الله تبارك الله

صدقني يا قمر تقدر تطلعه على يدك بسهوله بس انت ثق بالله عز وجل,, ثم ثق بقدراتك,,,

لو جلست انت بين الببغاء وبين القفص وخليت الببغاء يمشي كالعادة الين القفص,, بيلاقيك قدامه,,,

وبيتجرأ يتجاوزك عشان يوصل لمكانه المعتاد,,,

وكرر العملية حتى يتطمن ويتعود على هذي الحركة الجديدة...

بعدها شيل السلة الصغيرة وحط يدك بدالها,, وارفعه لفوق,,,

أو شيل أي قطعة أو علبة مناديل من تحت لفوق القفص,, وقول (إطلع)

وخلي الببغاء يشوفك حتى يفهم ان يدك وسيله للصعود,, << أصنصير أو صنطرال على قولة هذاك اللي مع ناصر القصبي هههههه

ربي يوفقك يا قمر,,,

تحياتي
PrEsIdEnT
25-06-2009, 02:58 PM
سلمت يمناك يشيخ

يالله طلعو على اليد

خلينا نباركلك

والله نفسي يطلع ع يدي بس الحين اهم شي يوالف عشان كل شي يسهل بعدين


لانه صعبه اعلمه طلعت اليد وهو للحين فيه جعره خفيفه



لازم يترك الجعير ويتعود علي قبل كل شي


نشوف وش تخبي لنا الايام الجايه


وشاكر لك مرورك وتعليقك
PrEsIdEnT
25-06-2009, 03:01 PM
ما شاء الله تبارك الله

صدقني يا قمر تقدر تطلعه على يدك بسهوله بس انت ثق بالله عز وجل,, ثم ثق بقدراتك,,,

لو جلست انت بين الببغاء وبين القفص وخليت الببغاء يمشي كالعادة الين القفص,, بيلاقيك قدامه,,,

وبيتجرأ يتجاوزك عشان يوصل لمكانه المعتاد,,,

وكرر العملية حتى يتطمن ويتعود على هذي الحركة الجديدة...

بعدها شيل السلة الصغيرة وحط يدك بدالها,, وارفعه لفوق,,,

أو شيل أي قطعة أو علبة مناديل من تحت لفوق القفص,, وقول (إطلع)

وخلي الببغاء يشوفك حتى يفهم ان يدك وسيله للصعود,, << أصنصير أو صنطرال على قولة هذاك اللي مع ناصر القصبي هههههه

ربي يوفقك يا قمر,,,

تحياتي



هلا صقيقي سكر


صدقني احاول معه انا بس ما انزل المحاولات لين تتكلل بالنجاح عشان انزلها بالموضوع


بس هو من يوم يشوفني واقف وجاي يمه يبدا يلف بالقفص خايف مني وانا الآن اقوله يطلع معي بالشبك حق القفص ويطلع مافيه مشكله


بس جالس اعوده انه يطلع ع الاستاند وهو بيدي وتقريبا نجحت بنسبه 80%


لمى يتعود ع العصا يطلع فيها وانا ماسكها اتوقع يبي يصير سهل انه يطلع ع يدي


بس انا ابي طريقه بحيث اكسر فيها الخوف الي فيه مني ؟؟



شاكر لك مرورك وتعليقك اخوي سكر
مطلوب أفريقي
25-06-2009, 03:32 PM
ماشالله تبارك الله

ياخي والله انك فله ورى ماتجيب ويلي عند كوكو ^_^ والله يتعلمون من بعض

يالله ان شالله كوكو يسوي مثل ويلي

انا كوكو بادي يطلع اصوات مدري تصفير مدري كلام مايبين ^_^
CENA
27-06-2009, 04:46 PM
مشكووور
PrEsIdEnT
27-06-2009, 05:11 PM
ماشالله تبارك الله

ياخي والله انك فله ورى ماتجيب ويلي عند كوكو ^_^ والله يتعلمون من بعض

يالله ان شالله كوكو يسوي مثل ويلي

انا كوكو بادي يطلع اصوات مدري تصفير مدري كلام مايبين ^_^

الله يبارك لك في كوكو


لازم تهتم فيه وتلقنه الكلام عشان يتعلم مدام ابتدى يطقطق ويغمغم


اما بالنسبه لولي ماش هاليومين صاير مزاجه متعكر ويرفض يطلع من القفص ؟؟ واذا جيت بشيله تخبى بالقفص وصاير ما ينام عشان كذا مريحه انا فتره


شاكر مرورك وتعليقك
PrEsIdEnT
27-06-2009, 05:14 PM
مشكووور

الله يعطيك العافيه وشاكر مرورك وردك
hawi56
27-06-2009, 05:43 PM
برزدنت فين اليوميات..
قطعت علينا اليوميات :(
PrEsIdEnT
28-06-2009, 12:34 AM
برزدنت فين اليوميات..
قطعت علينا اليوميات :(

معليش ياخوي


بس مزاج الشيخ ويلي الحين مب رايق لاي تمرين


مريحه فتره يوم يومين بالكثير وراح ارجع للتمرين ان شاء الله
مطلوب أفريقي
28-06-2009, 01:06 AM
اما بالنسبه لولي ماش هاليومين صاير مزاجه متعكر ويرفض يطلع من القفص ؟؟ واذا جيت بشيله تخبى بالقفص وصاير ما ينام عشان كذا مريحه انا فتره

ياخوك الحال من بعضه بس يطلع ^_^

بس نفسيته زفت

ينام الليل خويي ويصبح الصبح مايعرفني
بكري هورو
28-06-2009, 01:54 AM
شجعتني اشتري واحد (:

الله يباركلك فيه اخي ومتابع ليوميات ويلي
PrEsIdEnT
28-06-2009, 11:51 PM
ياخوك الحال من بعضه بس يطلع ^_^

بس نفسيته زفت

ينام الليل خويي ويصبح الصبح مايعرفني

ياريته ينام الي عندي


ما غير يتلفت يخاف ينام ينغدر فيه


قلت بخليه يريح شوي لين اصير امد يدي مايجاعر


عشان ابدأ معه التدريب صح
PrEsIdEnT
28-06-2009, 11:52 PM
شجعتني اشتري واحد (:

الله يباركلك فيه اخي ومتابع ليوميات ويلي

ايولله تراه مره ممتع


اشتر واحد واستمتع بالتربيه
PrEsIdEnT
04-07-2009, 05:39 AM
بسم الله الرحمن الرحيم


السلام عليكم ورحمة الله وبركاته


كيف حالكم يا اعضاء ياحلوين طبعاً اهم شي الخبراء الله لا يخليني منهم


اليوم انا مبسوط لاني قطعت طريق كبير في ترويض الشيخ ويلي


طبعاً ما راح تصدقون عن التطور الي صار


قبل فتره قلتلكم انه كان مزاجه مش صافي ورايق


واكتشفت بعد سؤالي لواحد زميلي خبره انه تعبان ما ينام كثير والدليل فرك منقاره في بعض

فأي واحد عنده نفس الاعراض مع نعس شديد وتغميض للعيون


يسوي نفس طريقتي وهي اني قمت بإدخاله في القفص بعد المغرب وتغطيه القفص في منشفه ملونه

شرط ملونه لانه الابيض ما ينفع ويسهره طول الوقت


وتركه ع هذي الحاله اسبوعياً لكي يأخذ قسطه من النوم



بعد اسبوع او خمس ايام ولاحظتوا انقطاعي عن اليوميات لهذا السبب:D



قمت امس الجمعه الصباح وحطيته بالزاويه ورجعت للتمرين بعد ما اخذ راحته الطائر في النوم المنتظم لمده خمس ايام الى اسبوع


وبدأت معه تمرين حك الراس ولكن من غير عصا كما في الايام الماضيه


حاولت اني امسح له على راسه بيدي وفعلاً مع التمرين والكلام الهادئ مع الطائر استطعت النجاح والحمد لله



وهذا مقطع فيديو للنتيجه



ماشاء الله تبارك الله

vyOwJjC91MU

=============


بعد كذا كثير منا يعرف انه لمى يسوي الطائر شي صح لازم نكافئه لكن طائري ما ياكل من يدي وش الحل



بعد ما صرت امسح ع راسه كنت اقوله شاطر حبيبي وعطيه حب شمسي وكان كالعاده ياخذها ويرميها


وحاولت معه مرتين ثلاثه اربعه وانا اقوله هم هم



واخر شي اتت المفاجأه اكل من يدي :o


الصراحه انا ما توقعت هالنتيجه بيوم واحد وهذا مقطع فيديو وهو ياكل من يدي فول سوداني


ماشاء الله تبارك الله


JH8XhjaOPhA
===================

هذي تقريبا الاحداث الي صارت وطبعاً انا مبسوط وشعوري ما يوصف بس طبعاً الطير ما ترك الجعير للحين


يبي له فتره عشان يوالف بنسبه 100% وهذا اهم شي عندي عشان ابدأ بتمرين طلوع اليد ان شاء الله


===================

ملاحظه : انا اكتشفت انه عشان تدرب الطائر مضبوط ويصير معك 100% وليف اول شي تمرنه عليه مسح الراس او حك الراس


صدقوني ركزوا اول حاجة على مسح الراس وراح يصير الطير خاتم في اصابيعكم



بالتوفيق للجميع وشاكر لكم جميعاً متابعتكم حبايب قلبي
.: الأسيف :.
04-07-2009, 02:09 PM
ما شاء الله تبارك الله

صحيح حك الراس هو المفتاح للببغاء

بس باقي الجعير يروح وخلاص يصير زي الفل

الله يوفقك ^^
PrEsIdEnT
04-07-2009, 07:28 PM
ما شاء الله تبارك الله

صحيح حك الراس هو المفتاح للببغاء

بس باقي الجعير يروح وخلاص يصير زي الفل

الله يوفقك ^^

انا قطعت معه طريق طويل وفعلاً باقي فيه جعير وشويه خوف وان شاء الله مع الوقت راح ينتهي



بس دعواتكم معي
زواجي من نانسي إشاعه
04-07-2009, 10:31 PM
ماشاء الله .. تطور حلو
الله يخليه لك

طيب كم عمره الكاسيكو مالك
m3n
05-07-2009, 11:19 AM
ما شاء الله تبارك الله اخيراً قريت يومياتك كاملة ^^...

الله يخليلك ويلي ويحفظه وعقبال يسولف معاك ان شاء الله ...

والله يوفقك PrEsIdEnT صاير استاذ اللحين الله يحفظك ويخليك ...
.
.
.
تقبل مروري في آحلى موضوع يوميات يا عسل ...
PrEsIdEnT
05-07-2009, 01:29 PM
ماشاء الله .. تطور حلو
الله يخليه لك

طيب كم عمره الكاسيكو مالك

الله يخليك ويخلي لك طيرك


هذا عمره تقريبا 10 شهور الى سنه لانه افريقي غير محجل بس الاكيد انه اقل من سنه لان عيونه لسى فيها شوي رمادي على الاطراف


وشاكر لك مرورك وتعليقك وسؤالك
PrEsIdEnT
05-07-2009, 01:32 PM
ما شاء الله تبارك الله اخيراً قريت يومياتك كاملة ^^...

الله يخليلك ويلي ويحفظه وعقبال يسولف معاك ان شاء الله ...

والله يوفقك PrEsIdEnT صاير استاذ اللحين الله يحفظك ويخليك ...
.
.
.
تقبل مروري في آحلى موضوع يوميات يا عسل ...


اول شي حياك الله اخوي معن


ثاني شي يشرفني انك تمر موضوعي وتقرى يوميات ولي


ثالث شي انا ما كنت اعرف اي شي في الببغائات كل الي استفدته من هالمنتدى العظيم


اذا في تهنئه وشكل فهي لاعضاء هالمنتدى الغالي بدون استثناء


حياك الله وشاكر لك مرورك وتعليقك
hawi56
06-07-2009, 11:16 PM
مشالله مسلسل رااااااااااااااائع لازم يتصور على ام بي سي :)

اخوي اجل تمرين الطلوع على اليد شويه .... عشان الطير لا يتربش
PrEsIdEnT
07-07-2009, 02:40 PM
مشالله مسلسل رااااااااااااااائع لازم يتصور على ام بي سي :)

اخوي اجل تمرين الطلوع على اليد شويه .... عشان الطير لا يتربش

الحين جالس ادربه ع الثقه المتبادله قبل ما اعلمه طلعه اليد


لانه لمى يثق فيني راح يطلع على يدي من نفسه
مطلوب أفريقي
07-07-2009, 06:02 PM
ماشالله تبارك الله

انا دايم يوميا اغطي القفص لما ينام بقماش اخضر مقلم ..

انا امس نشبت فيه نشبه صار الحين يعصب لما يشوفني وما يطيقني ههههههههه

جننته
PrEsIdEnT
08-07-2009, 03:47 PM
ماشالله تبارك الله

انا دايم يوميا اغطي القفص لما ينام بقماش اخضر مقلم ..

انا امس نشبت فيه نشبه صار الحين يعصب لما يشوفني وما يطيقني ههههههههه

جننته

عامله بحنان كأنك تعامل طفل صغير


وشوف كيف راح يستجيب معك


انا الحين جالس اكتب الموضوع وحاطه جنبي عشان ينكسر حاجز الخوف بيني وبينه


طبعاً يحاول الهروب وكل ما هرب رجعت جبته وحطيته جنبي


لين يتعود ويدري انه الهروب ماراح ينفعه بشي


ارق تحيه وانتظروو ا الجديد
.: الأسيف :.
08-07-2009, 08:59 PM
حبيت اباركلك بالمية رد على موضوعك

الظاهر ان كل منتدى اللبغائات يتحرون اخبار ويلي ^^
PrEsIdEnT
08-07-2009, 09:50 PM
حبيت اباركلك بالمية رد على موضوعك

الظاهر ان كل منتدى اللبغائات يتحرون اخبار ويلي ^^

هلا اخوي الاسيف حياك الله


والله يبارك في عمرك ان شاء الله وفي طيورك بعد


وياريت كل الاعضاء يحط له موضوع خاص بطيره او حيوانه الاليف عشان تعم الفائده للجميع
روهلات المعالي
09-07-2009, 06:16 AM
يوميات بمنتهى الروعه

وتفيدًا كثيرًا
PrEsIdEnT
09-07-2009, 11:30 AM
يوميات بمنتهى الروعه

وتفيدًا كثيرًا

يسرني كثير انك استفدت منها


ويشرفني تواجدك في موضوعي
hawi56
10-07-2009, 04:01 AM
انا زعلت والله حمستونا للمسلسل وقطعتوه فجأه

كملو الحلقات فين الكتاب فين المخرج؟؟؟؟؟فين الممثلين؟؟؟
PrEsIdEnT
11-07-2009, 02:49 PM
انا زعلت والله حمستونا للمسلسل وقطعتوه فجأه

كملو الحلقات فين الكتاب فين المخرج؟؟؟؟؟فين الممثلين؟؟؟

لبى قلبك والله


للحين جار التمرين على طلوع اليد


وطلع ع يدي بس للحين خايف اول ما يطلع ويصير اليف 100 %


واول ما يجد جديد بنزل رد ان شاء الله
PrEsIdEnT
18-07-2009, 02:52 PM
بسم الله الرحمن الرحيم


السلام عليكم ورحمة الله وبركاته


اخواني الاعضاء المتابعين ليوميات ولي


اسف للتأخير لضروف السفر وزواج اخي


فكانت فيه بعض الانشغالات عن طيري المحبوب ولي كذلك تعب السفر على الطائر فحبيت اريحه شوي من التمارين يكفي الخط والتعب



على العموم مابي اطول عليكم



طبعاً تابعتوا يوميات ولي وكيف كنت اتعامل معه وكثير من الناس كانت تنقد علي وتقولي انك مدلعه


وانا كان عندي قناعه انه دلع الطير يعطيك الي تبي وهذا الي قاعد يصير معي




طبعا تعلم كيف امسح على راسه والآن وصلت لمرحله امسح على جسمه كله وامسك راسه بيدي ولا يعض ولا يقول اي شي


وعلمته كيف ياخذ الاكل من يدي بجميع انواعه مع انه كان ما ياخذ من يدي غير الحب الشمسي او الفول السوداني


وبديت بتدريبه على طلوع اليد


طبعاً كان التمرين متعب بالحيل خاصه انه يجي فيه كثير من العظ وانا ما اخفيكم سراً اني كنت متسعجل على اني اخليه يطلع ع يدي


اول الامر كنت اخذ الطير بزاويه الغرفه واحجره بالزاويه وخليه يطلع على يدي بالغصب وكان يطلع بس للأسف يطلع عشان يهرب مني


بعد كذا حسيت انه هذي الطريقه غير فعاله بديت معه بطريقه ثانيه امسح ع جسمه واهديه وهو بالاستاند وبعدين احط يد خلفه ويد امامه واقوله تعال تعال ويطلع على اليد بعدين امسح على جسمه وعطيه فول سوداني ونزله على الاستاند


اقتنع الطير اني حريص عليه وما راح يتأذى مني واكتشفت انه لمى يكون جسمي ارفع من المكان الي واقف فيه يخاف يطلع على اليد صرت اجلس ومد يدي له ويطلع على طول لمى قوله تعال تعال



ونتيجه هالتعب كله في هالمقطع الفديو


7wHbMc_E2pY



كذلك صورت له صوره وهو على يدي وهذي الصوره

http://www.2zoo.org/get-7-2009-2zoo_org_zmkgfeg8.jpg

طبعاً ما اخفيكم كمية الجروح الي بيدي من عضه بس على قلبي زي العسل وللمعلوميه يعظ لاني كنت اجبره على الطلوع على اليد


والآن ولله الحمد ما يعظ ولو عظ يتأكد ان ايدي ثابته لانه غريزه عند الطير يتأكد بمنقاره من ثبات المكان لي راح يطلع عليه



عاد المرحله الصعبه والي ابي تجارب الاخوان والاعضاء والخبراء فيها هي اجدى وافضل طريقه لتعليم الطير الكلام حتى لو كانت صعبه بس اضمن نتائج



بانتظار ردودكم الي زي العسل على قلبي



اخوكم

PrEsIdEnT
ak321
19-07-2009, 02:25 AM
مبروووووك الف مبرووووك
ما شاء الله تبارك الله
الصراحه طير ولا اروع
والي الافضل انشاء الله
ak321
سمساار
19-07-2009, 05:11 AM
السلام عليكم
اولا ابارك لك هذا المجهود
وقول لك انك ذقت حلاوة النجاح لتدريبك الطير ولي محبوب الجماهير
واتمنى انك تذوق حلاوة النجاح مره اخرى عندما يتكلم الطير ولي
وهو على يدك وتحت مرئى محبيه من الجماهير وبالختام اتمنى لك التوفيق والنجاح
منها للاعلى ان شاء الله
PrEsIdEnT
19-07-2009, 11:00 AM
مبروووووك الف مبرووووك
ما شاء الله تبارك الله
الصراحه طير ولا اروع
والي الافضل انشاء الله
ak321

الله يخليك وشاكر لك مرورك وتعليقك


وعقبالك مع طيرك ان شاء الله
PrEsIdEnT
19-07-2009, 11:02 AM
السلام عليكم
اولا ابارك لك هذا المجهود
وقول لك انك ذقت حلاوة النجاح لتدريبك الطير ولي محبوب الجماهير
واتمنى انك تذوق حلاوة النجاح مره اخرى عندما يتكلم الطير ولي
وهو على يدك وتحت مرئى محبيه من الجماهير وبالختام اتمنى لك التوفيق والنجاح
منها للاعلى ان شاء الله

سمسااااااااار حبيب قلبي


لولا الله ثم انت وباقي الاعضاء ما وصلت الي انا وصلتله


طبعاً ما انسى فضلك علي ونصائحك الفعاله خاصه نصيحة انه التمرين يكون بالاستاند افضل فعلاً كان كلامك صح 100%

ثاني شي الله يبارك فيك ويعطيك الف عافيه

والله يسمع منك يارب ويتكلم ولي لانه ذكي ويتلفت ويحاول ينطق الكلمه بس مشكلته ما يصفر قدامي يمكن لو اطلعه الصباح يتكلم ؟؟
عاشق الطيور1
04-08-2009, 04:40 PM
مشكور
ابو محمــد
04-08-2009, 08:05 PM
الف الف مبروك وعقبال ما نشوفه يتكلم وتستاهل كل خير .
PrEsIdEnT
04-08-2009, 09:34 PM
مشكور

حياك الله وشاكر لك مرورك
PrEsIdEnT
04-08-2009, 09:35 PM
الف الف مبروك وعقبال ما نشوفه يتكلم وتستاهل كل خير .

اللهم امين


ويعطيك العافيه يا ابو محمد ع مرورك وتعليقك


لكن الحين وقت صيف وسفرات وللحين يبي له ترويق عشان اعلمه الكلام خاصه انه فيه جعره خفيفه لسى ما بعد تركها
ابو محمــد
04-08-2009, 09:42 PM
لكن الحين وقت صيف وسفرات وللحين يبي له ترويق عشان اعلمه الكلام خاصه انه فيه جعره خفيفه لسى ما بعد تركها

بالنسبه للجعره لا تفكر فيها ابد راح تروح مع الوقت ولاتعطيه اي اهتمام يعني اذا دخلت يدك في القفص وجعر لاتشيل يدك واعتبر تجعيرته نغمه رمانسيه ,,,
قل ليش ,,,

لأن اذا رجعت يدك راح يفهم انك ما تبغى الازعاج وانك خفت منه وراح يكررها.

اليوم ما ادري وش عندي صاير فيلسوف زمانه.
hawi56
05-08-2009, 05:33 AM
<<<<<<<<<< متابع لكل جديد في المسلسل ( يوميات ويلي)
وفي انتظار سيزون 3
PrEsIdEnT
05-08-2009, 06:53 AM
بالنسبه للجعره لا تفكر فيها ابد راح تروح مع الوقت ولاتعطيه اي اهتمام يعني اذا دخلت يدك في القفص وجعر لاتشيل يدك واعتبر تجعيرته نغمه رمانسيه ,,,
قل ليش ,,,

لأن اذا رجعت يدك راح يفهم انك ما تبغى الازعاج وانك خفت منه وراح يكررها.

اليوم ما ادري وش عندي صاير فيلسوف زمانه.

اول شي ياحلاه فلسفتك بالعكس اول شي انا بستفيد


ثاني شي الاعضاء الي يمرون ع هالموضوع راح يستفيدون


ثاني شي الله يطمنك انا شايل هم هالجعره بس انا اشوفها تزيد لانه اهل البيت لمى يمرون عليه ويجعر يبعدون عنه عشان كذا اخذ عليها ابو الشباب


لكن يا انا ياهالجعره وزي ما دربناه من الصفر ماراح تعوق هالجعره ان شاء الله
PrEsIdEnT
05-08-2009, 06:54 AM
<<<<<<<<<< متابع لكل جديد في المسلسل ( يوميات ويلي)
وفي انتظار سيزون 3

الله يحييك هاوي


يعطيك العافيه ع المتابعه لكن انا مشغول بهالصيفيه والله عنه وما دربته ع حركات جديده والعيب مني انا الي مقل من هالناحيه
-_s3d_-
05-08-2009, 08:42 AM
مبروك وعقبال لما يتكلم .
تقبل مروري ,,,
PrEsIdEnT
05-08-2009, 10:30 AM
مبروك وعقبال لما يتكلم .
تقبل مروري ,,,

الله يبارك فيك وشاكر مرورك
zone1997
16-09-2009, 10:44 PM
مشكووور
عاشق الكاسكوو
17-09-2009, 12:59 AM
مشكوور اخوي على اليوميات او يعطيك العافيه
LoLo katy
17-09-2009, 01:40 AM
مشآء الله عليك||

الله يخليه لك ~



وعبآأل الكآسكو حقي " |