goo
15-06-2009, 05:19 PM
السلام عليكم يا أعضاء المنتدى الكرام
المره دي يا جماعه انا حابب أفتح معاكم نقاش في موضوع مهم جدا وهو تقليب الكلب.
احنا ليه يا شباب بنفرق في المعامله بين الكلب البيور و الكلب الغير بيور؟ ويا سلام بقى لو كان الكلب بلدي، نلاقي آخر اهمال وصاحب الكلب مش طايق يبص في وشه ولا بيهتم بيه ولا بيأكله كويس، ويستخسر يصرف عليه أو يطعمه أو حتى يحن عليه بكلمه او بطبطبه بسيطه.
هو مش الكلب البلدي روح زيه زي الكلب البيور؟ وكل واحد فيهم له الحق في الحياة والاهتمام و الرعاية؟ يا شباب لازم قبل ما نفكر نعمل كده مع اي كلب نفتكر ان ده روح، وربنا هيحاسبنا على الروح دي وعلى معاملتنا ليها.
وبعدين مهو الكلب الهجين اللي بنقول عليه بلدي بفهومنا الدارج برضو بيفهم، وعنده وفاء وبيحب صاحبه، وقابل للتدريب، طبعا مش كل الكلاب كده، زي بردو ما بنلاقي في الكلاب البيور كلاب غبيه ومش عايزه تدرب أو كلاب جبانه جدا من فصيله شرسه جدا، ولكل قاعدة استثناء. يعني ممكن الواحد يجيب كلب بلدي من الشارع ويربيه و يدربه ويطلع أحسن من اجدع كلب بيور، ومخلص لصاحبه لأبعد الحدود.
فياريت يا شباب محدش يفرق في المعامله، ولو جالك كلب مش بيور ياريت مش تشيل منه، او نفسيتك تتعب وتنعكس على معاملتك معاه، وافتكر دايما انه روح، وانه ممكن يكون أحسن من اي كلب بيور لو حبيته وحنيت عليه أكيد هيديك حب وحنان واهتمام ووفاء نادر. وبلاش نقول على الكلاب اللي تقليبها مش اوي كلاب زباله او كلاب زفت، لان دي بردو خلقه ربنا، وحرام علينا اننا نهين في خلقة ربنا، وكمان الكلب ذنبه ايه انه طلع واخد صفات كذا نوع.
http://img7.imageshack.us/img7/8215/1144224f520.jpg (http://img7.imageshack.us/i/1144224f520.jpg/)
نفسي الكل بجد يحس يعني ايه كلب، وكفايه بس انك تبص في عنين الكلب وتشوف كمية الحنان و الوفاء اللي فيهم وصدقوني هتنسوا المواصفات و البيوريتي و الحاجات دي كلها ومش هتحس بحاجة غير المشاعر الجميله و النبيله اللي شايفها في عين الكلب وساعتها هتعرف بجد يعني ايه كلب وهتكون جدير فعلا بانك تربي كل . . .
و أتمنا أن أكون لم أطول عليكم . . . .
المره دي يا جماعه انا حابب أفتح معاكم نقاش في موضوع مهم جدا وهو تقليب الكلب.
احنا ليه يا شباب بنفرق في المعامله بين الكلب البيور و الكلب الغير بيور؟ ويا سلام بقى لو كان الكلب بلدي، نلاقي آخر اهمال وصاحب الكلب مش طايق يبص في وشه ولا بيهتم بيه ولا بيأكله كويس، ويستخسر يصرف عليه أو يطعمه أو حتى يحن عليه بكلمه او بطبطبه بسيطه.
هو مش الكلب البلدي روح زيه زي الكلب البيور؟ وكل واحد فيهم له الحق في الحياة والاهتمام و الرعاية؟ يا شباب لازم قبل ما نفكر نعمل كده مع اي كلب نفتكر ان ده روح، وربنا هيحاسبنا على الروح دي وعلى معاملتنا ليها.
وبعدين مهو الكلب الهجين اللي بنقول عليه بلدي بفهومنا الدارج برضو بيفهم، وعنده وفاء وبيحب صاحبه، وقابل للتدريب، طبعا مش كل الكلاب كده، زي بردو ما بنلاقي في الكلاب البيور كلاب غبيه ومش عايزه تدرب أو كلاب جبانه جدا من فصيله شرسه جدا، ولكل قاعدة استثناء. يعني ممكن الواحد يجيب كلب بلدي من الشارع ويربيه و يدربه ويطلع أحسن من اجدع كلب بيور، ومخلص لصاحبه لأبعد الحدود.
فياريت يا شباب محدش يفرق في المعامله، ولو جالك كلب مش بيور ياريت مش تشيل منه، او نفسيتك تتعب وتنعكس على معاملتك معاه، وافتكر دايما انه روح، وانه ممكن يكون أحسن من اي كلب بيور لو حبيته وحنيت عليه أكيد هيديك حب وحنان واهتمام ووفاء نادر. وبلاش نقول على الكلاب اللي تقليبها مش اوي كلاب زباله او كلاب زفت، لان دي بردو خلقه ربنا، وحرام علينا اننا نهين في خلقة ربنا، وكمان الكلب ذنبه ايه انه طلع واخد صفات كذا نوع.
http://img7.imageshack.us/img7/8215/1144224f520.jpg (http://img7.imageshack.us/i/1144224f520.jpg/)
نفسي الكل بجد يحس يعني ايه كلب، وكفايه بس انك تبص في عنين الكلب وتشوف كمية الحنان و الوفاء اللي فيهم وصدقوني هتنسوا المواصفات و البيوريتي و الحاجات دي كلها ومش هتحس بحاجة غير المشاعر الجميله و النبيله اللي شايفها في عين الكلب وساعتها هتعرف بجد يعني ايه كلب وهتكون جدير فعلا بانك تربي كل . . .
و أتمنا أن أكون لم أطول عليكم . . . .