مساعده يا اهل الخبره في الكاسكو

[سور الذكريات]

السلام عليكم ورحمة الله وبركاته


اخواني / اخواتي


طبعاً عندي الكاسكو من شريته قطعت معاه شوط لا يستهان فيه


طبعاً الطير حسب كلام الاخوان كبير في السن قالو 3 سنوات


الطير الان يعطيني راسه


واقدر المس رجوله


ويخليني امسح جسمه الظهر كامل


ويرفع جناحه اذا مسحت عليه ويخليني المس جسمه من تحت جناحه

يطلع على اليد ولكن بالقفاز وصار ما يعض القفاز بقوه مثل اول

طبعاً يصعد على ايدي من داخل القفص بدون مقاومه واحيان يجعر ويسكت



طبعاً صار اذا نزلته من الاستاند يروح حق القفص على طول ويدخل القفص
اذا وديته المكان اللي فيه الاستاند انزله بعيد عن الاستاند ويروح يطلع الاستاند بروحه


المشاكل اللي اعانيها معاه الان


01 لا تصفير ولا اي شي يذكر
02 اذا جلست المس راس الطير عادي وبس ارفع ايدي يجاعر ويهرب على طول
والمكان اللي يروحه يقعد فيه شوي ركزو على انه يهرب ليش يهرب
واذا شافني ما قلت له شي يروح القفص على طول
03 احيان اذا قلت له تعال يقرب بس بخوف ويجعر واذا مسحت
راسه يركد احسه مره خايف وينفش ريشه
اذا قربت الين اقوله راسك والمس راسه


احترت معاه واهو صج ماله شهر ولكن اللي محيرني كثير انه ما يطلع ولا صوت الا الجعير فقط






اتمنى توجهوني باللي تشوفونه ولكم تحياتي

[iam moon]

اول شي اخوي الكاسكو يحب الاماكن المرتفعه ولما يكون فوق القفص نادر ما يسمح لاحد يلمسه لانه فوق مملكته فوق بيته فايشعر بالامان وهو يحب القفص اذا ما حصل يش يتسلابه خارج القفص يرجع بيته الي هو القفص فهمت اما الجعير ما اقدر افتيلك:D ما ادري ايش السبب:rolleyes:

[PrEsIdEnT]

اذا تبي تسمع صفيره وتبيه ينبسط طلعه الصباح بدري قبل ما يحتر الجو بالحوش برا حتى لو بالقفص اذا كان جناحه مو مقصوص واسمع اشذى الالحان جرب وقولي وش صار معك طبعا اول ما تطلعه ابعد عنه شوي يمكن يخاف منك اول شي

[عبووووووودي]

عليك بتخويف الطاير منك وصدقني هاذي طريقه تدريب ممتازه وانا متبعها على طيور اكبر من السن يلي عندك والنتيجه بيومين ممتازه

[عاشقة الطيور]

وعليكم السلام ورحمة الله وبركاته

ماشاءالله عليك اخوي صج قطعت شوط لا يستهان به والف مبروك على التقدم ;)

احين المشكله اهي الجعير يعني للحين الببغاء "خايف" ..اذا راح الجعير كل شي بصير تمام ان شاءالله ...وشلون يروح الجعير ؟ استمر على تدريبك له وأطلع على المواضيع المثبته الخاصه بتدريب الافريقي .. وحاول تأكل الببغاء بيدك في البدايه داخل القفص وبعد مايتعود اكله خارج القفص وبجذي بتستغني عن القفاز ... والعض الي بييك من بعد القفاز ممكن يكون مألم لكن صدقني من خلاله بتقدر تقوم سلوك الببغاء

وعن التصفير والكلام .. اربط الافعال بالكلام وتقدر اطلعه الصبح في الحوش مثل ماتفضل اخوي PrEsIdEnT

واذا طلعته تكلم وياه .. وعند تقديمك له الاكل قوله هذي اكل وشنو نوعه مثلا جزر قوله جزر

ونفس الشي أطلع على المواضيع المثبته بتلاقي العديد من الطرق لتعليم الببغاء الكلام

وبالتوفيق

[سور الذكريات]

اول شي اخوي الكاسكو يحب الاماكن المرتفعه ولما يكون فوق القفص نادر ما يسمح لاحد يلمسه لانه فوق مملكته فوق بيته فايشعر بالامان وهو يحب القفص اذا ما حصل يش يتسلابه خارج القفص يرجع بيته الي هو القفص فهمت اما الجعير ما اقدر افتيلك:D ما ادري ايش السبب:rolleyes:



يسلمو يالذوووووووووووووووووووووووووق



وكلامك على عيني وراسي


وتوجيهاتك راح انفذها بحذافيرها


اشكرك لتواجدك العطر بمتصفحي المتواضع

[مطلوب أفريقي]

اذا مانطق الطير بكلمته الأولى بعد عمر 3 سنوات ,, فإنه لن يستطيع التكلم أبداً (( في اغلب الأفريقي ))

والمشكله تقول حتى تصفير مافيه يعني اكيد عنده مشكله يمكن مصيود كبير اصلا وماتعود على شي ..

يعني خلاص ما ااتوقع يتكلم .. يمكن يصفر ..!

بالتوفيق اخوي اتمنى انه يتكلم ويبربر معاك ^_^

[كاسكـــو]

لا تصفير ولا اي شي يذكر

التصفير مثله مثل الكلام لازم يتعلم الطير التصفير

لكن ملاحظه الافضل تدريبه على الكلام والطير اللي كلامه اكثر من تصفيره يكون غالي بالسوق

02 اذا جلست المس راس الطير عادي وبس ارفع ايدي يجاعر ويهرب على طول
والمكان اللي يروحه يقعد فيه شوي ركزو على انه يهرب ليش يهرب
واذا شافني ما قلت له شي يروح القفص على طول
03 احيان اذا قلت له تعال يقرب بس بخوف ويجعر واذا مسحت
راسه يركد احسه مره خايف وينفش ريشه
اذا قربت الين اقوله راسك والمس راسه

واضح الطير باقي في نفسه خوووف حاول تكسر هذا الخوف اللي فيه

والببغاء يتعلم بأي عمر

انا عندي ببغاء الحين داخل على السنه الرابعه ولحد الآن يلقط ويتعلم ويردد

[سور الذكريات]

اذا تبي تسمع صفيره وتبيه ينبسط طلعه الصباح بدري قبل ما يحتر الجو بالحوش برا حتى لو بالقفص اذا كان جناحه مو مقصوص واسمع اشذى الالحان جرب وقولي وش صار معك طبعا اول ما تطلعه ابعد عنه شوي يمكن يخاف منك اول شي




براسيدنت


الله لايهينك ومشكور على التواجد الغالي والجميل


والمشكله اني ساكن دور سادس ومافي حديقه
وحاولت احطه في البلكونه عشان يشوف السيارت ويغير جو والله لايهينك يالذووووق

[سور الذكريات]

وعليكم السلام ورحمة الله وبركاته

ماشاءالله عليك اخوي صج قطعت شوط لا يستهان به والف مبروك على التقدم ;)

احين المشكله اهي الجعير يعني للحين الببغاء "خايف" ..اذا راح الجعير كل شي بصير تمام ان شاءالله ...وشلون يروح الجعير ؟ استمر على تدريبك له وأطلع على المواضيع المثبته الخاصه بتدريب الافريقي .. وحاول تأكل الببغاء بيدك في البدايه داخل القفص وبعد مايتعود اكله خارج القفص وبجذي بتستغني عن القفاز ... والعض الي بييك من بعد القفاز ممكن يكون مألم لكن صدقني من خلاله بتقدر تقوم سلوك الببغاء

وعن التصفير والكلام .. اربط الافعال بالكلام وتقدر اطلعه الصبح في الحوش مثل ماتفضل اخوي PrEsIdEnT

واذا طلعته تكلم وياه .. وعند تقديمك له الاكل قوله هذي اكل وشنو نوعه مثلا جزر قوله جزر

ونفس الشي أطلع على المواضيع المثبته بتلاقي العديد من الطرق لتعليم الببغاء الكلام

وبالتوفيق






عاشقه


الف شكر لتواصلك وتوجيهك وتشجيعك الرائع

لا خلا ولا عدم يالذووووق

وكلامج راح اخذه بحذافيره وراح انفذ بكل دقه

والمواضيع مريتهم وبعد افادوني كثير


الف شكر للتشجيع لا هنتي

[سور الذكريات]

اذا مانطق الطير بكلمته الأولى بعد عمر 3 سنوات ,, فإنه لن يستطيع التكلم أبداً (( في اغلب الأفريقي ))

والمشكله تقول حتى تصفير مافيه يعني اكيد عنده مشكله يمكن مصيود كبير اصلا وماتعود على شي ..

يعني خلاص ما ااتوقع يتكلم .. يمكن يصفر ..!

بالتوفيق اخوي اتمنى انه يتكلم ويبربر معاك ^_^




هلا بك اخوي

الله يجزاك خير


ولو انك حطمت مجاديفي بقوه


تحياتي