ساعدوني على هالعلة اللي عندي

[sarah99]

السلام وعليكم
اليوم تلقيت اول عظة من درتي الله لايسامحها مادريت انة عظها مؤلم لهاذي الدرجة طلعت الدم من صبعي :( طبعا مستحيل انسى هالعظة :(
هالدرة مو راضية تتروض صار لها شهرين ونص تقربيا وانا مخليتها على راحتها وحتى ماتقرب منها واجد علشان ماتخاف وتحس بلأمان بس تاكل من يدي في القفص ادا جوعتها اما برا القفص ماتجي حتى لو جوعتها
ابيها توالف ترى والله طفشت منها قاعدة بس تاكل وتشرب حتى تصفيرقليل ما اسمع لها (أكل ومرعي وقلة صنعه)

اليوم قلت بمسكها بفوطة وبحاول المس على راسها علشان تولف اشوي وبالفعل سويتها وياليتني ماسويتها نفخت صبعي وطلعت الدم منة :(
ساعدوني شلون اروضها والله بعطيها ولد اختي هدية علشان يتوهق فيها :D <<< والله من النذالة اللي عندك::rolleyes:
والله ثم والله لو مو مقصوص جناحها جان طيرتها برا البيت ولا تهمني بعد بس المشكلة مقصوص وانا الحين متوهقة فيها
تتوقعون تتروض لو لا؟ واللي عندة خبرة يقول لي عن كيفية ترويضها الاني مليت منها
علما بأن عمرها على كلام البائع 8 شهور وصار لها شهرين ونص عندي
لاتبخلوا علي بتجاربكم ونصايحكم :(
ومشكورين مقدما

[طير جديد]

اصبر عليها وحاول انك تعطيها وقت كافي

[princesya]

درتك ذكر ولا انثى؟؟اصبر عليها وانشاءالله راح تتروض

[منتج طيور]

خلاص عطن الدره إذا ناي تطيرها ههههههه ....>>أمزح

إذا تبي أولفها لك أنا موجود بالرياض بس تراي ماقد ولفت دره أبد

أولف الكاسكو والأمازوني والكروانات أبجرب بالدره قريبا

[JaX]

اختي عليج بالتفاؤل والصبر

وبعدين حاولي تروضينها بنفسج .. هالعمر يتروض اسهل من الكبير :)

بالتوفيق

[sarah99]

اصبر عليها وحاول انك تعطيها وقت كافي
والله صبرت وما اشوف اي تقدم من ناحيتها مادري يمكن ما اعرف كيف ابدأ معها الاني اول مرة اربي طير :(
مشكور اخوي على الرد وانا بنت مو ولد :D

[sarah99]

درتك ذكر ولا انثى؟؟اصبر عليها وانشاءالله راح تتروض
ذكر وانا سمعت انة الذكر عنيد ومايتروض بسهولة مثل الانثى
الله يهدي ابوي اللي جاب لي در ة وانا طالبة منة كاسيكو أتوقع ترويضة اسهل من الدرة

[sarah99]

خلاص عطن الدره إذا ناي تطيرها ههههههه ....>>أمزح

إذا تبي أولفها لك أنا موجود بالرياض بس تراي ماقد ولفت دره أبد

أولف الكاسكو والأمازوني والكروانات أبجرب بالدره قريبا
والله لو مو جناحها مو مقصوص كان من زمان طيرتها وكنت اعتقد انة بيطلع ريشها بعد القص الا الاخوة هنا يقولون ما يطلع الا اذا نتفت ريشها:(
في ذي الساعة حسيت اني توهقت فيها الا ادا كنت بعطيها احد وافتك منها :D
والله اخوي كنت اتمني انك تولفها لي بس انا بنت وفي الدمام :o
طيب ماتقدر تساعدني كيف ابدأ في ترويضها بما أنك ولفت اكثر من طير فأتوقع ترويضهم نفس الشئ والله ماني عارفة كيف اتصرف معها ومتوهقة فيها :(

[sarah99]

اختي عليج بالتفاؤل والصبر

وبعدين حاولي تروضينها بنفسج .. هالعمر يتروض اسهل من الكبير :)

بالتوفيق

والله اختي طفشتني مرة خوافة وجبانة
مشكلتي اني ماني عارفة كيف اروضها :(
ومشكورة اختي واتمني احد يجي يساعدني من مربين الدرة

[الروح الاسيره]

الصبر ثم الصبر ثم الصبر و طولة البال اختي

انا درتي اخذتها صغييييرة (بس ريشها مكتمل) تدرين توها الآن تجيني لما اقول له تعال <<< علما اني من زمان اعلمه و صارت تهذر و تحاول تتكلم

اثناء ما انتي تروضينها خذيها في غرفة لحالك معها و يكون مكان هادي ولا في شي يشغلها

خلي اكلها المفضل هو المكافأة و استدرجيها بالاكل <<<< على قولتي حمطيها خليها تشوفه بس لا تعطينها الا اذا طاوعت

اهم شي لا تحسسين الدرة انك خايفة منها
لاحظت هالشي على كثير من طيوري لما يحس ان اللي قباله خايف منه او خايف يعضه يصير اشرس و يستقوي

حاولي تولفينها قبل لا تكبر لانه بيكون اصعب

[sarah99]

الصبر ثم الصبر ثم الصبر و طولة البال اختي

انا درتي اخذتها صغييييرة (بس ريشها مكتمل) تدرين توها الآن تجيني لما اقول له تعال <<< علما اني من زمان اعلمه و صارت تهذر و تحاول تتكلم

اثناء ما انتي تروضينها خذيها في غرفة لحالك معها و يكون مكان هادي ولا في شي يشغلها

خلي اكلها المفضل هو المكافأة و استدرجيها بالاكل <<<< على قولتي حمطيها خليها تشوفه بس لا تعطينها الا اذا طاوعت

اهم شي لا تحسسين الدرة انك خايفة منها
لاحظت هالشي على كثير من طيوري لما يحس ان اللي قباله خايف منه او خايف يعضه يصير اشرس و يستقوي

حاولي تولفينها قبل لا تكبر لانه بيكون اصعب
خلاص اخوي بصبر عليها وبحاول اسوي اللي قلت علية اهية تأكل تفاح وحب شمسي بس
ساعات اسوي لها كذا اعطيها التفاح واشيل عنها الحب لشمسي الانها تحبة اكثر واقعد احمصها بة بالعكس انا ماعمري خفت منها اهي اللي تخاف مني
يارب تتروض وانا بشد حيلي معاها
الف شكر لك اخوي ماقصرت ويعطيك العافية
واللي عندة بعد تجارب ونصايح لايبخل علي :(

[سور الذكريات]

هلابج ساره

متخيل وانتي متألمه وتدورين طريقه تصيحين وما لقيتي
ههههههههههههههههههههههههههههههههههههه


بالنسبه للعض انا ايدي اليمن صارت مشخال من الكاسكو ادام الله عزه

والعض هذا طريقه دفاع من الطيور عن انفسها

بالنسبه للطريقه ممكن التجويع هو احد الطرق

وثاني شي لا بد انج تفرضين شخصيتج على الطير بقوه
تعرفين الطير مثل الياهل اذا عطيتيه وجه او عرف انج مثلاً تشيلينه اذا صارح يتعود الصيحه عشان تشيلينه

الطير يبيله شوي صبر وشوي شخصيه قويه وشوي بهارات وكاسة ماي <<<<< صارت طبخه يا سور كلها شويات

هههههههههههههههههههههههههههههههههههههههههه

المهم ساره اصبري على الدره وراح يجيب الصبر حلول ولو طال الوقت