وش رايكم في هذا الببغاء عرض علي ب 1000

[الشـــــهد]

طبعا الببغاء ما يجعر الا اذا حاولت امسكه

متخوف مني كثير

راعيه يقول انه يتكلم ( لكن له عندي يوم ما سمعته يقول شي )

يقول السلام عليكم

انا ابيه لولدي عمره 7 سنوات ولكن خايف عليه وش رايكم

هذي الصور
http://www.2zoo.org/get-6-2009-2zoo_org_npa7lurp.jpg (http://www.2zoo.org)

http://www.2zoo.org/get-6-2009-2zoo_org_r2xfsl8o.jpg (http://www.2zoo.org)

http://www.2zoo.org/get-6-2009-2zoo_org_xsnsh0u8.jpg (http://www.2zoo.org)

[سور الذكريات]

الشهد كل اوقاتك ان شاء الله عسل وشهد

والله يسعد صباحك اخوي


بالنسبه للطير هل هو اليف ويطلع على اليد مثلاً

اوانه باقي يبيله توليف واعتقد اذا انه يتكلم فهو بالعاده يكون اليف

ولكن تأكد من العمر والسعر اره مناسب جداً اذا انه يتكلم


بالنسبه لكونه ما تكلم من يوم خذيته اليما الحين اهو اكيد متغير عليه جو البيت والناس الجدد

فهذي مقدور عليها وسالفة انك تمسك الطير انتبه من العض ولا تحاول تمسكه

اسال صاحبه الاول شنو اسم الطير وشنو الكلمات اللي كات يقولها له وقت الاكل ووقت ما يبيه يطلع على اليد وشغلات كثير اعرفها من البائع



اتمنى لك جمعه مباركه واوقات سعيده وكل يوم وحياتك ابها

[xX7oSaMXx]

سعره حلوه بـ1000 ريال ويتكلم

لكن كم كلمه ؟

وطبيعي مايتكلم عندك لأنه ماتعود عليكم لزم يرتاح عليكم وابشر بالكلام

والطير على حسب العيون انه كبير لون العيون صفرا يعني عمره سنه ونص تقريبا

واذا الطير اليف مره مره يصلح لولدك لكن اذا ماهو اليف خطر على ولدك يمكن يعضه




والطير ماشاء الله شكله جامبو

وهذا الي عندي انا والشباب ان شاء الله راح ينصحونك ويعلمونك عن كل شي واي شي تبيه احنا حاضرين يالغالي :)

[الشـــــهد]

الببغاء اذا كان في الأرض يطلع على اليد

أما اذا هو داخل القفص مستحيل

صاحبه الاول يقول انه يتكلم كلمات بسيطة 2 كلمات تقريبا

بالنسبه له مو أليف مرررررررره


ألف شكر على المرورر

[ابو سفر]

ياشهد ..اهلن وسهلن ...

مو مهم الطير يكون وليف بس اذا يتكلم توكل على الله وخذ الطير ...بس اهم شي تسمعو يتكلم بنفسك قبل الشراء..

وبالتوفيق ان شاء الله ..

[رامبو خان]

مبروك عليك اخوي ولو انه كبير لكن انت خذته
وبما ان راعيه يقولك تكلم ولاهو تكلم عندك فالسبب ان المكان جديد عليه
وعلى الله يوفقك فيه وتفرح فيه ان شاء
لكن انا افضل انك تخليه فيه ممر حتى الرايح والجاي يشوفه وهو يكون في مكان يحس فيه بالامان
وماتجي يمه الى ان يحس بالامان
وبما انه كبير احتمال راح تواجه صعوبه في ترويضه لكن مافي شي صعب
والطير مبين ماشاء الله عليه في صحه ممتازه وريشه مرتب

[الكوت@]

السلام عليكم

أخوي الطير من عيونه كبير في السن يمكن عمره حول 3 سنوات
بالنسبه للسعر مرتفع أنا ساكن في الأحساء ويباع عندنا في هذا العمر ما بين 500 إلى 650 ريال

قبل فتره 3 شهور أشتريت كاسكو عمره حول 8 شهور بسعر 900 ريال

هذه مداخلتي بالنسبه للسعر

مع السلامه

[ابو عـبـد الرحمن]

هو والله ياخوي حلومره مرتب زين بس العمر كبير يعني حوالي السنه ونصف اواكثر بعد

بس والله مرتب مشاءالله

[xX7oSaMXx]

السلام عليكم

أخوي الطير من عيونه كبير في السن يمكن عمره حول 3 سنوات
بالنسبه للسعر مرتفع أنا ساكن في الأحساء ويباع عندنا في هذا العمر ما بين 500 إلى 650 ريال

قبل فتره 3 شهور أشتريت كاسكو عمره حول 8 شهور بسعر 900 ريال

هذه مداخلتي بالنسبه للسعر

مع السلامه


بس لا تنسى انه يتكلم


وعلى حسب الي قريته ان الببغاء اذا صار في وسط القفص يحسنه قوي ومسيطر على شان كذا يجعر

واذا صار برا القفص يكون انت الي مسيطر عليه ويبيله شوي لين يتعود وان شاء الله ماراح يجعر