تسجيل الدخول

مشاهدة النسخة كاملة : قصتنا مع القطة..قصة حلوة وحزينة شوي


صبح وليل
27-06-2009, 02:27 AM
كانت تزورنا في البيت قطة من قطط الشوارع ونعطيها اكل لغاية ما تعودت علينا بس ما كانت تخلينا نمسكها المهم.
هذة القطة صارت حامل وجابت عيال واحنا مانعرف مكانهم ابدا
وهي معودتنا كل يوم على الغدا توقف عند الباب عشان نعطيها المقسوم واستمرت حتى بعد الولادة وقمنا نزيدها
آخر الايام كان شكلها متغر حتى لونها فيه سواد قلنا اكيد مريضة
اختفت يومين واستغربنا وينها اختفت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المهم بعد يومين وامي تتجول في حوش البيت حصلتها تحت السيارة قريبة من مكان عيالها نايمة وتحتضر خلاص النهاية رحنا كلنا جري عليها وكانت تطالعنا ..وانا اقولها لاتخافي بنعتني في عيالك وبنهتم فيهم
وطبعا في نفس الوقت كانو عيالها يصيحون بصوت عالي من الجوع وهي تسمعهم ورحنا لهم ننقذهم كانو صغار وايد يادوب عيال اسبوع واحد كان يتسلق الجدار باضافره عشان يطلع لانها حاطتهم في حفرة لتمديدات الكهرباء وعليها غطا مثل غطاء المجاري وشوي فيه فتحة من قدام بين الجدار و غطا المجاري المهم مسكنا المسكين وحاولنا نطلع الباقين ما قدرنا لانه الغطا ثقيل وايد وجات الخدامة واخوي ونتعاونا وطلعناهم وخذتهم عند امهم قلت لها لاتخافي طلعنا عيالك وهم بأمان .
بعدها بفترة ماتت الام.
خذنا العيال وتوهقنا فيهم كيف يرضعون؟؟؟؟
رحنا الصيدليات ندور ابدا ما حصلنا رضعات تكون الماصة صغيرة
راحت امي الله يطول بعمرها خذت رضاعة عادية وقصتها وخاطتها بخيط ابرة طبعا الحليب كان يتسرب بس سي افضل من لا شي.
واستمرينا بالعناية فيهم بس بعد فترة عودناهم يشربون الحليب من الوعاء
وكبرو وصارو ممكن يعتمدون على نفسهم
طردتهم امي من البيت ...امي ما تحب القطط لانهم ياكلون عنها صصان الدجاج
وبعد ما تخب اوساخهم
كيف طردناهم؟؟
امي وقفت تاكسي وعطته فلوس وقالت له خذهم لسوق السمك ونزلهم وعطته فلوس

Luis
27-06-2009, 02:38 AM
يا حرااام مرة يكسرون الخاطر..:(

والله يجزيكم الجنه ان شاء الله على عنايتكم فيهم..:)

تحياتي,,

صبح وليل
27-06-2009, 03:03 AM
يا حرااام مرة يكسرون الخاطر..:(

والله يجزيكم الجنه ان شاء الله على عنايتكم فيهم..:)

تحياتي,,

الله يجزينا وياك الجنة ونعيمها
تسلمين على المرور

أصــاايــل
27-06-2009, 05:39 AM
جد رحمتهم

ومشاء الله امك ماقصرت معهم

راعتهم واهتمت فيهم الى ماكبروا واعتمدوا على انفسهم

والحمد لله طالما ماتحب القطووه
وراح ينبسطون بسوق السمك

parro0ts
27-06-2009, 06:42 AM
حراااااااااام ><


بس زين مناك بتلاقين كل واحد درام من كذر ما بياكلون


الله ايطول في عمركم ان شاء الله


و الله يرحم القطه الي ماتت ><

صبح وليل
27-06-2009, 10:37 AM
جد رحمتهم

ومشاء الله امك ماقصرت معهم

راعتهم واهتمت فيهم الى ماكبروا واعتمدوا على انفسهم

والحمد لله طالما ماتحب القطووه
وراح ينبسطون بسوق السمك

حراااااااااام ><


بس زين مناك بتلاقين كل واحد درام من كذر ما بياكلون



الله ايطول في عمركم ان شاء الله


و الله يرحم القطه الي ماتت ><


تسلمون على تشريفي في مضوعي والرد عليه