جرب الأذن

[amal117]

السلام عليكم ورحمة الله وبركاته ...

توته تحك أذنها وايد سألتكم قبل فتره وقلتو يمكن فيها جرب الأذن وعقب فتره لاحظت ان فيها شوي فطريات عند اذنها والحمدلله طابت بس للحين تحك أذنها وايد وفيها نقط سود من داخل وقريت الموضوع اللي عن جرب الأذن والفرق بينه وبين الشمع وقمت اخذت واكسول وحطيت شوي في اذنها وصارت تهز راسها وتحك اذنها شوي وجيكت اذنها طلعت نظيفه بس ثاني يوم رديت اطالع الا فيها النقط السودا وهالنقط تنشال بسهوله مو مثل اللي في الموضوع انها تنشال بصعوبه وتتضايق القطوه فـ مادري شسالفه بليزز ساعدوني :( :confused:
..

[! هاويه الطيور !]

الشمع اهو الجرب ^_^
لازم تاخذه ابره من الطبيب البيطري + استعمال القطره 3 ايام متواصله مع التنظيف اذا كنتي عارفه الطريقه او بلاها مجرد وضع 3 قطرات على الاذن
وبعدها كل اسبوع مره

[amal117]

لاا وين نفسه الجرب حشرات صغيره بيضا والشمع عادي :confused:

بس مشكووره خيتو ماقصررتي :o

[enta 3omri]

نصيحتي لك لا تهملين القطوة

ولازم تودينها لبيطري فاهم وشاطر

انا قطوتي جلست شهرين اذانها ملتهبه

وبالاسبوع مرتين او ثلاث مرات اوديها للبيطري

ويوم وديتها لبيطري ثاني قال لي الدكتور اللي قبل كان يستعمل لها

مرهم حق الجرب وفيه ماده كبريتيه

وخلاها عنده 4 ايان واخذتها وربي صارت قطوة ثانيه ولله الحمد تشافت

عشان كذا لازم تنتبهين

[آنـــــو]

فرق بين شمع الأذن الطبيعي ،، وجرب الأذن المرضي ..


واكسول مابتنفع لأنه للتنظيف الروتيني وهالشي ذاكرته بموضوعي

تنضفين فيه الشمع بس ..


أما الجرب له علاجات بتحصلينها عند البيطري تستمرين عليها 3 أسابيع ..

جرب الأذن من علاماته تنظفين اليوم .. اليوم الثاني تحصلين أوساخ بسرعه يرجع

علشان كذا يبيله قطره خاصه ومدوامه على العلاج

أنا طريقتي كنت أدهن بفازلين الجزء الظاهر من الأذن ،، ويضل بالأذن 3 الي 4 أيام مايقدر يمسك بالجلد الجرب

وبنفس الوقت أستعمل لهم القطره الخاصه ..

وتتشافى قطوتك أن شاءالله

[amal117]

شكله جررب اللي فيها :(

مشكووورين باوديها ان شالله البيطري ويارب تطيب