تفاحه طالبه مساعدتكم

[تفاحه حمرا]

السلام عليكم .....

اخواني طلبتكم وان شاء الله ماتردووني ...

عندي كاسكوو عمرره 4 شهوور يعني صغيير........

وابي اعرف متى الوقت المناسب عشان اقص جنااحه ...؟؟؟

للعلم انه حاليا مقصوص جناحه يعني مايقدر يطير ..........

في ناس قالو انتظري شهر ونااس قالو ثلاث شهور.....!!

بصراحه ماعرفت اسمع كلام منوو ...

ياليت اسمع رايكم :)

[ببغائي ميمي]

ماادري بس انشاء الله يساعدونك اهل الخبره


بس ليه تقصون جناحة خلوة يطير حلاتة الطير يطير اما يمشي كنه ارنب لا

:)

[تفاحه حمرا]

ماادري بس انشاء الله يساعدونك اهل الخبره


بس ليه تقصون جناحة خلوة يطير حلاتة الطير يطير اما يمشي كنه ارنب لا

:)


مشكور اخوي ع الرد السريع ..

بس وين اخليه يطير .. في القفص ولا في الغرفة ..؟؟ :)

[ريان22]

لا تقصيه الا لما تشوفيه بدأ يطير بالغرفه او يحاول الطيران

وقتها قصيه

ونصيحه لا تقصيه انتي

وديه بيطري ولا احد له خبرة

لانه لو انتي قصيتيه بيكرهك

[عاشقة الطيور]

وعليكم السلام ورحمة الله وبركاته

ياهلا والله بتفاحه نورتي القسم :)

اولا الله يحفظه لج ان شاءالله

ثانيا صراحه ماادري امته بالضبط يطلع ريش جناحه من يديد بس انتي بنفسج بتلاحظين نمو جناحه واذا اكتمل قصيه

والسموحه على القصور

[تفاحه حمرا]

اخوي رياان

اكييد مستحيل انا اقصه .. لانه مااتحمل أأذيه بشي ..........


اختي عاشقة الطيوور

تسلمين ع الرد ....... والقسم منوور فييج وبباقي الاعضااء ........

ومشكورين ماقصرتوووووو ولله ...

[ببغائي ميمي]

مشكور اخوي ع الرد السريع ..

بس وين اخليه يطير .. في القفص ولا في الغرفة ..؟؟ :)










انا بنت مو ولد :)

انا ببغائي اخلية يطير بالغرفة عادي :D

[كاسكـــو]

وابي اعرف متى الوقت المناسب عشان اقص جنااحه ...؟؟؟

للعلم انه حاليا مقصوص جناحه يعني مايقدر يطير ..........











تقولين مقصوص جناحه حالياً

خلاص اذا مقصوص ماراح يطلع ريش من جديد الا بعد النتف

او بعد مايبدل الببغاء ريشه يعني يشيل بنفسه الريش المقصوص

[سكر]

هلا تفاحة حمرا << مع أني أشوفك خضرا :D

القص ماله عمر معين,,, في أي عمر تقدري تقصي جناحة

لأن الغاية من القص انه ما يطير,,,

وإذا هو الحين ما يطير أجل لا تقصيه,,, خصوصاً انه مقصوص,,,

وانتي حققتي الغاية خلاص,,,

أما إذا ان القص القديم, ما منعه من الطيران,,,

قصيه سواء عند بيطري أو انتي بنفسك,,,

ولا تخافين ما بيكرهك,,, أهم شي تقصيه بهدوء وتنتبهي أثناء القص,,,

ولما تقولي انك ما تتحملي تآذيه,,, !!! قص الريش ما يعور,,, مثل ما تقصي شعرك,, مافيه ألم ولا شي,,,

وطيوري أقص أجنحتهم,,, ولا عمري شفت طير يكره احد بسبب القص,,,

هو يكره بسبب أسلوب القص إذا كان فيه خشونه,, أو ألم,,,

ربي يوفقك في تربيته


وألف مبرووك على الببغاء,, ربي يحفظه لك

تحياتي

[ابو محمــد]

هلا تفاحه حمراء
ما دام مقصوص لاتفكرين تقصينه حتى تشوفين يبدل الامواس اقصد اخر ثنتين من الريش .
والتبديل تقريبا كل سنه.

[حب استطلاع]

ريان22
ونصيحه لا تقصيه انتي

وديه بيطري ولا احد له خبرة

لانه لو انتي قصيتيه بيكرهك

سؤال يا ريان
جربت تقص بنفسك وكرهك طيرك؟
ولا أنت شخص تردد إللي قاله غيرك؟!!


وطيوري أقص أجنحتهم,,, ولا عمري شفت طير يكره احد بسبب القص,,,


يا سلام عليك يا سكر
يا ليت إللي يرددون إن القص يأثر على نفسية الطير يشوفون ردك
ونشيل من رؤسهم خرافة القص

[تفاحه حمرا]

ببغائي ميمي
مشكورة الغلا ع الرد ..
وصعب اخليه يطير لانه اخاف يسويها ويشرد عني :D
ترااه مشااغب ودلووع :) من جذي ابيه 24 ساعه معاي لوول ...


كاسكـــو
مرسي ع الرد اخوي ... وانا مافكر اقصه الحين لانه اصلا مافيه ريش!! بس كان سؤالي هل في مدة معينه عشان اقص فيها الجناح مثلا كل شهر او كل كم فتره تقريبا..!! بس الاخوان ماقصروو في الاجابة .. واشكرك ع الرد ..


سكر
كنت سابقا حمرا بس الله يخلي مشرفنا جميل حولني لخضرا لوول :)

والله صعبه ياخوي اقصه بروحي .. لاني للأسف قلبي ضعييف فهالامووور .. وقبل سنتين اذكرر قالي احد البيطرين اذا مااكنتي تعرفين كيف تقصينه لااا تقصينه بروحج ووديه عند بيطري .. انا ماقدر احس بااحساسه عشان جذي ماقدر اجاازف :)



ابو محمــد

اشكرك ع الرد وماقصرتوو كلكم ....


حب استطلاع

ممكن ادخل معاكم بالنقاش :D

الطير بشكل عام يفهم .. :) ويقدر يميز من الي يأذيه في المعامله ومن الي يعامله بحنيه ... اعتقد كلامهم جزء منه صح ... ونا طبعا اكتشفت هالشي لانه اخوي الصغير شوي دفش مع الكاسكو الي عندي .. فهو صار يكره اخوي وكل مايشوفه يشرد عنه ... :) اما انا واخوي الثاني يوم نمسكه عاادي مايروح بعييد ... وهذي النظرية تثبت انه فعلا الكاسكووو ماينسى !! وهالنظرية اقدر اسميها نظرية تفاحه واخوانها :D ...


اشكركم جميعا ع الردود

[حب استطلاع]

حب استطلاع

ممكن ادخل معاكم بالنقاش :D

الطير بشكل عام يفهم .. :) ويقدر يميز من الي يأذيه في المعامله ومن الي يعامله بحنيه ... اعتقد كلامهم جزء منه صح ... ونا طبعا اكتشفت هالشي لانه اخوي الصغير شوي دفش مع الكاسكو الي عندي .. فهو صار يكره اخوي وكل مايشوفه يشرد عنه ... :) اما انا واخوي الثاني يوم نمسكه عاادي مايروح بعييد ... وهذي النظرية تثبت انه فعلا الكاسكووو ماينسى !! وهالنظرية اقدر اسميها نظرية تفاحه واخوانها :D ...


اشكركم جميعا ع الردود


الموضوع موضوعك وصدري رحب للنقاش
بشرط يكون هادف وبناء :D
لو رجعت لردك باللون الأحمر
قلتِ الطير يفهم
ما نختلف عليها
والدليل إنه إذا حصل المدرب المتمكن أبدع في أشياء غير ترديد الكلام
ولنا في الببغاء (( أليكس )) أكبر مثال
نجي لمسألة إن الببغاء ممكن تتأثر نفسيته بسبب قص ريش الجناح
وهذا أنت قلتي إللي يأذيه
والقص يا تفاحه ما فيه أي أذى للطير
وزي ما قال سكر زيه زي قص الشعر
إللي يأذي الطير هو النتف
ونرحب بأي مداخله دون الخروج عن صلب الموضوع :rolleyes:

[أبو ريـــــــــــــان]

الموضوع موضوعك وصدري رحب للنقاش
بشرط يكون هادف وبناء :D
لو رجعت لردك باللون الأحمر
قلتِ الطير يفهم
ما نختلف عليها
والدليل إنه إذا حصل المدرب المتمكن أبدع في أشياء غير ترديد الكلام
ولنا في الببغاء (( أليكس )) أكبر مثال
نجي لمسألة إن الببغاء ممكن تتأثر نفسيته بسبب قص ريش الجناح
وهذا أنت قلتي إللي يأذيه
والقص يا تفاحه ما فيه أي أذى للطير
وزي ما قال سكر زيه زي قص الشعر
إللي يأذي الطير هو النتف
ونرحب بأي مداخله دون الخروج عن صلب الموضوع :rolleyes:

حب استطلاع
اتفق معك بأن القص لايأذي الطير ولاكن فيه امر لايخفى على الكل وهو ان 90% من الأعضاء مبتدئين وماعندهم خبرة في طريقة التعامل الصحيح بهذه الأمور لذالك من الممكن ان يحصل خطأ من احد في طريقة قص جناح طائرة او يتعامل معه بقليل من العنف وعلى ذالك يلاحظ ان الطائر صار يكرهة ويحط اللوم على من نصحة بقص الجناح بنفسة .

[مطلوب أفريقي]

اختي تقولين مقصوص ليش تقصينه زيادة

خلاص يعني مثل ما قالوا الاخوان اذا مايقدر يطير ليش تقصينه

[تفاحه حمرا]

الموضوع موضوعك وصدري رحب للنقاش


بشرط يكون هادف وبناء :D
لو رجعت لردك باللون الأحمر
قلتِ الطير يفهم
ما نختلف عليها
والدليل إنه إذا حصل المدرب المتمكن أبدع في أشياء غير ترديد الكلام
ولنا في الببغاء (( أليكس )) أكبر مثال
نجي لمسألة إن الببغاء ممكن تتأثر نفسيته بسبب قص ريش الجناح
وهذا أنت قلتي إللي يأذيه
والقص يا تفاحه ما فيه أي أذى للطير
وزي ما قال سكر زيه زي قص الشعر
إللي يأذي الطير هو النتف

ونرحب بأي مداخله دون الخروج عن صلب الموضوع :rolleyes:



اكييد كلامك صح وراجع ردي الساابق انا قلت جزء من كلامهم كاان صح ,,, بصراحه بسأألك انت كيف حكمت على الطير انه مايتأذى وانه قص الجناح مثل قص الشعر .. ..للعلم انه الجناح احيانا يكون متصل بالجلد اكثر من اللتصاق الشعر على جسم الانساان احس مافي مقارنة .؟؟ على فكرة كيف تحكم على الطير لوكان قاعد يتألم ولا لا ...؟؟ مجرد اسئله فبالي :) وابغي اشوف ردك ...بما إنك سمحت انك تدخل بالنقاش معاناا؟ في شي ثاني ابي اذكرره ... انه مستوى اللتصاق الريش بجسم الطير يختلف من مكان لمكاان .. يعني بعض الاماكن يمكن الطير مايحس فيهاا وبعضهاا يمكن تأأثر على صحته ..!!

[تفاحه حمرا]

اختي تقولين مقصوص ليش تقصينه زيادة

خلاص يعني مثل ما قالوا الاخوان اذا مايقدر يطير ليش تقصينه

هو فعلا مقصوص .. بس كنت حابه اعرف متى الوقت المناسب عشان اقصه مستقبلا !!

واشكرك ع الرد ..

[مطلوب أفريقي]

الوقت المناسب لما يغير ريشة اختي ..

ومافيه وقت محدد

المشرفة هنا تقول سيكو له سنتين مابدل ريشه

يعني ماله وقت معين اختي بس لما يطلع

واعرف ناس يقولون المقصوص مايطلع ابد ..!

الا بالنتف بس والله اعلم

[iam moon]

انتظرر 3 اشهر افضل ونصيحه لا تقصه احسن انتفه عند الدكتور

[الذئبة الغامضة]

مشكووووووورة

[زياد محمد]

ماادري بس انشاء الله يساعدونك اهل الخبره


بس ليه تقصون جناحة خلوة يطير حلاتة الطير يطير اما يمشي كنه ارنب لا

:)

آجل حلآة الطير يطير ههههه
شكله مآعمَرك شريتَي طير غالي وطآر عليَك خخخخ عشآن تعرفين ان الله حق :D

[حب استطلاع]

حب استطلاع
اتفق معك بأن القص لايأذي الطير ولاكن فيه امر لايخفى على الكل وهو ان 90% من الأعضاء مبتدئين وماعندهم خبرة في طريقة التعامل الصحيح بهذه الأمور لذالك من الممكن ان يحصل خطأ من احد في طريقة قص جناح طائرة او يتعامل معه بقليل من العنف وعلى ذالك يلاحظ ان الطائر صار يكرهة ويحط اللوم على من نصحة بقص الجناح بنفسة .


أبو ريان أنا أتكلم بالعموم
لأن الأخوان عممو في ردودهم بأن القص يؤثر على نفسية الطير
وصدقت في حكاية إن البعض ممكن يجهل طريقة القص وبالتالي ينعكس ذلك على طيره

[حب استطلاع]

اكييد كلامك صح وراجع ردي الساابق انا قلت جزء من كلامهم كاان صح ,,,

أخوك شايب والشوف عندي شجر :D

بصراحه بسأألك انت كيف حكمت على الطير انه مايتأذى وانه قص الجناح مثل قص الشعر .. ..للعلم انه الجناح احيانا يكون متصل بالجلد اكثر من اللتصاق الشعر على جسم الانساان احس مافي مقارنة .؟؟

إحنا نقول يا تفاحة قص مو نتف
وشكلك تتكلمين عن النتف
النتف أكيد مؤلم للطير
وأنا أتكلم عن قص الجزء الأخير من الريش ( نهاية الريشه مو الجزء المتصل بالجلد )

على فكرة كيف تحكم على الطير لوكان قاعد يتألم ولا لا ...؟؟

لو يتألم الطير كان يصدر أقل شي صوت يبين إنه تألم

مجرد اسئله فبالي وابغي اشوف ردك ...بما إنك سمحت انك تدخل بالنقاش معاناا؟

أرحب بأسئلتك التعجيزيه

في شي ثاني ابي اذكرره ... انه مستوى اللتصاق الريش بجسم الطير يختلف من مكان لمكاان .. يعني بعض الاماكن يمكن الطير مايحس فيهاا وبعضهاا يمكن تأأثر على صحته ..!!

أرجع وأقول يا تفاحه شكلك مضيعه وتفكرينا نقصد النتف
وفضيلتنا الله يمسيه بالخير يتكلم عن القص
بالتوفيق للجميع...

[تفاحه حمرا]

اخوي حب استطلاع اشكرك ع الفايده الي طرحتها بنقاشك ..:) واسئلتي كاانت مجرد اسأله اتمنى ماتفكرني اني احاول اوصل لشي معين يوم قلت انه "اسئلتي تعجيزيه" انا طبعي احب اسئل واسمع اكثر من راي عشان استفييد ... وماقصرتوو كلكم ...اشكركم اخواني وان شاء الله في ميزان حسناتكم بكل حرف افدتو فيه غيركم :) .

[حب استطلاع]

اخوي حب استطلاع اشكرك ع الفايده الي طرحتها بنقاشك ..:)



لا شكر على واجب أختي

.. واسئلتي كاانت مجرد اسأله اتمنى ماتفكرني اني احاول اوصل لشي معين يوم قلت انه "اسئلتي تعجيزيه" انا طبعي احب اسئل واسمع اكثر من راي عشان استفييد ...

لا يجي في بالك
والكلمة قلتها من باب المزح

وماقصرتوو كلكم ...اشكركم اخواني وان شاء الله في ميزان حسناتكم بكل حرف افدتو فيه غيركم .

الله لا يقصر بعمرك
وإن شاء الله قدرنا نفيد
لو الشيء البسيط

بالتوفيق لك وللجميع،،