سااااعدوني ... ليش هالسمكه فجأه صارت ((مفترسه)) ...!!؟؟!؟

[عَروب]

السلام عليكم ورحمة الله وبركاته ...

أول شي أنا كان عندي مجموعه من السمك الصغير اللي كبروا مع بعض في حوض صغير ...
مشكلتي في هذي السمكه

http://i8.tinypic.com/25i9rg8.gif

http://i8.tinypic.com/25i9jdd.gif

الصراحه انا بروحي مستغربة من هذي السمكه كانت على أحسن ما يكون ...
لكن من نقلتها للحوض الكبير صارت تاكل (( القولد فيش )) مو ربعها اللي كانوا معاها بالأول ...
لا السمك الجديد اللي شريتهم من قبل جم يوم ...
في البدايه عبالي إنها بس جذي تلعب ...
لكن مع الأيام اكتشفت وحده من القولدفيش تنازع الموت ولا زعانفها مختفيه بس الأطراف موجوده ... مع الوقت ماتت ...!!!
فتوقعت إن السبب الكلور او إنها مريضه ...
لكن شفت إن رفيجتها اللي من نفس النوع وهم يديده ... مثلها زعانفها متقطعه ...!!!
وأمس بس اللي عرفت السبب ...
إن هالسمكه اللي بالصوره ... ماشاءالله عليها قاعده تتغذى على زعانف هالسمج ...
أمبيييييييييييه ...
ولا تلحقهم وتعض فيهم ... يمااااااااااي صج شكلها كان عنيف ...
وحرام باجي السمج اليديد ينحاشون منها عشان لا تعضهم ...!!
والسمكه الثانيه ماتت من نفس الحاله ...

أبي اعرف الحين شنو المطلوب مني ...
والله ما كانت جذي مفترسه كلللللش ...
وخاصه إنه حيل شكلها حلو بالحوض لما تسبح وتاكل ...

هاااااااااا ...
شسوي ي ي ي ...
قبل لا تقضي على باجي السمك اليديد ...
لأن السيناريو قاعد يتكرر من يديد فيهم ...!!!!

[فطوم]

اختي في انواع من الاسماك مثل البلاتي والجروامي وغيرهم تحب تعض ذيول وزعانف بقيه الاسماك وانا كان عندي سمكه فايتر جميله جدا وبعد فتره ششفتها منتفه واعتقد السبب كان البلاتي

حاولي تتجنبين وضع هالاسماك مع اسماك لها زعانف وذيول كبيره

[chad]

انه بعد صارت لي نفس هذي المشكله
و الاحسن انك تتخلصين من السمكه لان لوما تخلصتي منها يمكن تنتشر الامراض
بين اسماكك (( و يمكن نوع هذي السمكه ما يعيش مع القولد فيش ))

و تحياتي

[2zo0o]

أختي هذي السمكة على ما اظن سيلفر دولار وماتعيش ولا تتوائم مع القولد فيش فنصيحة رجعيها لراعي المحل ولا بدليها بغولد فيش ولما تشترين سممك قولي لراعي المحل ممكن هذي السمكة تعيش مع الأسماك اللي عندك
وتقبلي تحياتي

[ولد_البحرين]

هلا اختي هذي السمكة من نوع البارب barb واغلبية التايغر بارب عدوانية بعض الشي لكن السمكة اللي تملكينها المفروض اقل عدوانية بس بشرط نوع الاسماك اللي معاها بالحوض .

[عَروب]

السلام عليكم ورحمة اله وبركاته ...
ألف ألللللللللف شكر لكل يالأعضاء اللي ما قصروا ...
وتجاوبوا مع استفساري ...
واللي ما ابخلوا علي بالحلول للمشكله ...
واقول لهم ... ربي يجزاكم الجنه ...
وييسر أموركم دنيا وآخره ...

فطوم
اختي في انواع من الاسماك مثل البلاتي والجروامي وغيرهم تحب تعض ذيول وزعانف بقيه الاسماك وانا كان عندي سمكه فايتر جميله جدا وبعد فتره ششفتها منتفه واعتقد السبب كان البلاتي

حاولي تتجنبين وضع هالاسماك مع اسماك لها زعانف وذيول كبيره
هلا أختي فطوووووووم ...
لا السمكه اللي عندي مو البلاتي غير
وهذي صورة البلاتي
http://www.2cah.com/pandora/X_maculatus_weiss.jpg
بس اشلون السمكه الصغيره تسوي في الفايتر ج جذي ...
بروحه الفايتر عنيف بدون شي ...!!!
سبحان الله ...
وما عرفت شنو الجروامي ولا قدرت اطلع صورتها للمقارنه ...
على العموم قواج الله ما قصرتي على الرد الحلوووو ...

chad
انه بعد صارت لي نفس هذي المشكله
و الاحسن انك تتخلصين من السمكه لان لوما تخلصتي منها يمكن تنتشر الامراض
بين اسماكك (( و يمكن نوع هذي السمكه ما يعيش مع القولد فيش ))

و تحياتي
حياك الله أخوي chad ...
وتسلم على الرد ...
بس أنا سمكتي أصلا كانت مع القولد فيش من أول ما شريتها ...
وماكنت جذي عدوانيه ...!!!
وما أقدر أتخلص منها لأنها مو مريضه العيب في سلوكها ...

2zo0o
أختي هذي السمكة على ما اظن سيلفر دولار وماتعيش ولا تتوائم مع القولد فيش فنصيحة رجعيها لراعي المحل ولا بدليها بغولد فيش ولما تشترين سممك قولي لراعي المحل ممكن هذي السمكة تعيش مع الأسماك اللي عندك
وتقبلي تحياتي
مشكووووووووور أخوي 2zoOo ...
هذي صورة سيلفر دولار ... مو نفس سمكتي ...
http://freshaquarium.about.com/library/graphics/fw0016.jpg
وأصلا راعي المحل اهو بنفسه قايل لي أنه مافي مشكله من إني أحطها مع باجي السمج ...
وتسلم والله على الرد ...

ولد_البحرين
هلا اختي هذي السمكة من نوع البارب barb واغلبية التايغر بارب عدوانية بعض الشي لكن السمكة اللي تملكينها المفروض اقل عدوانية بس بشرط نوع الاسماك اللي معاها بالحوض .
هلا قيك أخوي ولد_البحرين ...
وحياك الله ...
ما ادري شقول لكن إنت صح ...
لما بحثت عن السمك تحت مسمى بارب ... لقيت سمكتي ي ي ...
وهذي صور عنها ...
أول ما شريتها كان لونها سلفر كلها ...
http://fins.actwin.com/fresh-pics/tinfoil_barb.jpg
لكن كل ما تكبر يتحول لون زعانفها للون البرتقالي مثل منتوا شايفين بالصوره ...
http://fins.actwin.com/fresh-pics/schwanenfeld_barb.jpg
والله ما ألومها على عدوانيتها مدامها تايقر ...!!!
وما أقول الله يعطيك العافيه على الرد ...
عالأقل عرفت إسمها ...

وبالأخير ...
شكلي بعزل السمكه العدوانيه (( barb )) وأمري لله ...

[redshark]

اختي العزيزة عروب 000

سمكتك اختي من نوع التانفويل بارب وهي من فصايل البارب والمعروف ان فصيلة البارب يمكه عصبيه ولا يجب تربيتها مع الجولد

يعني الجولد بتعمل معاها زي مصارعة الثيران بذيلها والبارب مش بتتاخر تاخد عضة ورا عضة وعشان كده انصحك اختي انك تراجعي المجموعه الي بتربيها كمان اختي البارب وخصوصا التايجر والتانفويل والروز بيحبوا المياه السخنة والجولد بيحب المياة البارده

عروب قولي مجموعة السمك عندك وانا انسقهالك

لكن ارفعي اي اسماك بارب ولا تحطيها مع اسماك الزعانف الطويلة زي الانجل والجولد والفيتر

[عَروب]

redshark
اختي العزيزة عروب 000

سمكتك اختي من نوع التانفويل بارب وهي من فصايل البارب والمعروف ان فصيلة البارب يمكه عصبيه ولا يجب تربيتها مع الجولد

يعني الجولد بتعمل معاها زي مصارعة الثيران بذيلها والبارب مش بتتاخر تاخد عضة ورا عضة وعشان كده انصحك اختي انك تراجعي المجموعه الي بتربيها كمان اختي البارب وخصوصا التايجر والتانفويل والروز بيحبوا المياه السخنة والجولد بيحب المياة البارده

عروب قولي مجموعة السمك عندك وانا انسقهالك

لكن ارفعي اي اسماك بارب ولا تحطيها مع اسماك الزعانف الطويلة زي الانجل والجولد والفيتر
ههههههههههههههههه ...
هاهااهاااهاااااااي ي ي ي ي ي ...
والله عجييييييييييييب مثال الثور ....
ههههههههههههههه ...

مجموعة أسماكي (( وااااااااايد )) ...
4 قولد فيش
3 زباله
4 شارك
1 بارب
1 ما أعرف نوعها جنها سمك الميد
3 سمك صغير شفاف وبظهره خط ملون ... كل وحده لها لون ...
6 هم سمك ما اعرف نوعه يشبه سمك الزبيدي بس عنده زعانف تحت بطنه طوال ...
4 كوي
وبس س س س ...
زحمه موووو ...!!!

[redshark]

ايه ده كله ده سوبر ماركت اسماك الزينه وكل ده في حوض واحد؟

اختي اسحبي الجولد فيش والكوي وخليهم بحوض لحالهم وما تحطي ليهم يخان وطبقة الحصى في الحوض تكون رقيقه ويكون في فلتر قوي

والحوض التاني خليه لاسماك التروبيكال زي البارب و الشارك وباقي الاسماك السريعه زي الشارك

[عَروب]

redshark
ايه ده كله ده سوبر ماركت اسماك الزينه وكل ده في حوض واحد؟
هههههههههههههه ...
والله العظيم نقدتني على عمري ...
:confused: :D :confused:

لا بس والله جد أنا مفكره أشتري حوض جديد بس حق أسماك البارب فيش ...
لأاني جد جد جد أحبها واااااااااايد حلو منظرها بالحوض ...
خاصه لما يحين وقت الأكل ... والله فظيعه ما تخلي أحد ياكل غيرها من سرعتها في السباحه ...

وتسلم والله أخوي redshark ...
على الإهتمام والنصائح ... سمعاً وطاعه ...
وربي يجزاك الجنه إن شاء الله ...
وعساك عالقوه ...

[redshark]

اختي العزيزة عروب 000 اشتقت اعرف عملتي ايه في سمكك واخبار السوبر ماركت ايه ههههه

لو احتجتي اي استفسار قولي