تكفون يأهل الخبرة (( اقف لكم بكل إحترام ))

[فنار النت]

كم عمر هذا الافريقي بالمناسبة ذيله مايل للون العودي بمعنى انه لا يزل ينمو على اللون الأحمر وهو الليف جداً ومتكلم بسرعة بمجرد ترديد الأسم امامه أكثر من عشرة مرات يبدأ بالصفير على نفس لحن الكلمة وبعدها يحاول ان ينطقها حتى ينطقها المشكله ان صوته واطي كيف اجعله يرفع صوته وهذه صورته تكفوووون ,,

http://up4.m5zn.com/9bjndthcm6y53q1w0kvpz47xgs82rf/2009/7/1/11/6lx471221.jpg (http://www.m5zn.com)

[فنار النت]

وهذه صورة أخرى للتوضيح
http://up4.m5zn.com/9bjndthcm6y53q1w0kvpz47xgs82rf/2009/7/1/12/zoagwaflh.jpg (http://www.m5zn.com)

[فنار النت]

تكفون قبل لا اروح اشتريه هو طالب فيه 2500 ويقول صغير
أهو الي بنفس التوقيع صورة مقربه على العيون وبجوده علالية

[كاسكـــو]

هذا ييغاء التمنه

أحد انواع الببغاوات الرمادي ويعتبر اصغر نوع حجماً

وهو يعتبر صوته واطي لصغر حجمه لكن يمكنك تعليمه الكلمه بصوت عالي لكي يقلدك بدرجه الصوت

اتوقع هذا هو الحل الوحيد

واتوقع عمره سنه ونص الى سنتين

وبالنسبه للون الذيل هو لا يكون احمر بالكامل يدخل معه لون مايل للسواد تقريباً وهي كذا ببغاوات التمنه

[كاسكـــو]

يؤ يؤ 2500 لالا غالي

2500 تجيب لك افضل منه حجم وصوت

[فنار النت]

الف مليون شكر لك يالغالي ورينا لا يحرمن منك ابد ويوفقك يارب العالمين للي في نفسك

[بو مصعب33]

السلام عليكم
أخوي حسب علمي هذا هجين بين كاسكو أفريقي والتمنه لأمور واضحه مثل :
1-الذيل العودي يكون ذيل التمنه والكاسكو إذا كان فرخ يكون أحمر وطرف الذيل أسود
2- اللون الداكن لهاذا الطير(أحيانا يكون الكاسكو هاللون)
3- لون منقار الكاسكو يكون أسود والمنقار هذا الطير في لون أحمر
4- ولكن هذا الطير حجمه حجم كاسكو
5- ولايضيق خلقك أحيانا الكاسكو الأفريقي من الكاميرون أو نيجيريا أو إذا كان جبلي يصير هاللون
6- طولت عيك أخوي بالنسبة لعمر الطير حسب الصورة لون عينه أبيض يعني من سنة إلى سنتين
وآسف على الإطالة
ودمتم سالمين

[فنار النت]

يسلمك رب العالمين وإلى الأمام دائماً والشكر الخاص للقائمين على هذا المنتدى

[فواز سالم]

سعرة غالي جدا ولا تستعجل تلقى افظل وبسعر اقل

[كاسكـــو]

ابو مصعب مافيه شي اسمه هجين

هذا نوع معروف اسمه التمنه

[بو مصعب33]

لا أخوي كاسكو في شي اسمه هجين
كثير من الطيور إللي تأي من جنوب أفريقيا مهجنه بين اليلو ناب والدبل يلوهدد ,
اقصد بالهجين طيرين من نفس الفصيلة مثل الأمزون وزاوجون اليلو ناب والدبل يلوهدد .
هذا الطير شكلة تمنة بس الحجم حجم كاسكو,وقد يكون الأب كاسكو والأم تمنه
ان شاء اله ما في زعل
ودمتم سالمين

[بو مصعب33]

وكلام فواز سالم عدل لاتستعجل

[كاسكـــو]

لا أخوي كاسكو في شي اسمه هجين
كثير من الطيور إللي تأي من جنوب أفريقيا مهجنه بين اليلو ناب والدبل يلوهدد ,
اقصد بالهجين طيرين من نفس الفصيلة مثل الأمزون وزاوجون اليلو ناب والدبل يلوهدد .
هذا الطير شكلة تمنة بس الحجم حجم كاسكو,وقد يكون الأب كاسكو والأم تمنه
ان شاء اله ما في زعل
ودمتم سالمين

الامازوني يهجن صح وبعضهم يبحث عن امازوني بيور يعني اصلي صافي

لكن ماعمرنا سمعنا عن شي اسمه افريقي بيور

يعني معلوماتك خطاء يابعد قلبي ولا تزعل

وانتظر رد الباقي

[بو مصعب33]

إن شاء الله أكون غلطان
ومشكورين

[مجنون فلته]

عزيزي اذا هالطير ب 2500 تعالي بعطيك كاسكو يركب على اليد ب 1000 ريال هالسعر لك انت بس

[naasooh]

النوع تمنه
أما
السعر فألأعضاء أنشاء الله فادووك فيه

[زينه ونحول]

ايييييييييييييه ... لاعب عليك صاحب المحل ..

انا شاريه ببغاني بــ 500 ريال مع القفص والأكل والفيتمينات ..

ببغاني له عندي شهـــر و11 يوم ... والف علي .. مايجعـــر بعد ماكان يجعر جلس فترة تقريباً يومين وبعدها وقف تجعير ..

بعد أسبوعين بدأ يصفر ... والحين اللي هو بعد شهـــر تكلم بنفس نغمـــة صوتي أنا كلمة ( مين ) ..

وان شالله يتحسن أكثر وأكثر ويصير يوقف على يدي ..

بس لاحظي الفرق بالسعــــر ..

صحيح ببغانـــي عمره فوق السنتين .. بس مواصفاته حلوه دامهـــا بـ 500 ريال بس ..

[اغلى الناس]

لا تستعجل بتلقى الاغلى والاحلى ...

[فنار النت]

شيء يفرح القلب وحسستوني اني بين اخواني والله لا يحرمنا منكم ومن ردودكم والتفصيل كذلك
وعلى فكرة رحت للأخ الي عنده الببغاء وكلمته بنفس المنظور ونزلت معاه حتى صار سعره 1500 ريال وهو متكلم وانا سامعه ووليف ياكل من اليد وياكل كل شيء فواكه خضار ويحب اللعب وتوكلت على الله وأخذته سعره على ما اعتقد جميل والله يوفق الجميع وإلى الامام دائماً .