بعض الملاحظات على سلوك ببغائي ارجوا الاجابة عنها

[mns2009]

السلام عليكم
أسف لنقطاعي عن المنتدى لفترت ثلاث شهور
أن شاء الله يكون جميع الأعضاء بخير
في كم ملاحظة على ببغائي حيرتني أرجوا الأجابة عنها
1: أشوفه في بعض الأيام يأكل برازه أعزكم الله
2: أيام يرجع الي في بطنه مرة احس انه يرجعها اراديا و مرة لا ارادية اشوفه يطلع الحب مع القليل من اللعاب
3: عنده لهثة بس يلعب شوي يجلس يلهث
مع العلم ان عمره 8 شهور عيونه توها تتغير للرمادي
و ارجوا ان لا احد ينصحني اوديه للبيطري لانهم لا يفقهون شيئ

[ريان22]

والله يا خوي ما اقدر افيدك الا بنقطه واحده وهي اذا لعب يجلس يلهث

هذا الشي طبيعي اغلب الطيور اللي كانت عندي كانت يسير فيها كذى

اذا لعب شوي ولا جلست تتكلم كثير على طول تجلس تلهث ابعد عن الطير شوي تلاقيه قاعد يشرب مويه

والنقاط الثانيه بيجون الاخوان يفيدوك فيها ان شاء الله

[ملك الكاسيكو]

مرحبا اخوي..

سلوكيات ببغائك تتطابق بعض الشئ مع ببغائي وهو ايضا في عمر 8 او 9 شهور..احسه يتعب بسرعة واعتقد انه يتعب اكثر اذا كان الجو المحيط به حار.وعملية الاسترجاع احسها ارادية فيه لان ساعات اشوف يحرك رقبته من الامام للخلف بحركة سريعة.. مع العلم انه هالشي مايأثر على نشاطه وحيويته... فاتوقع ان يكون هالشي طبيعي.. وكذلك انا عندي نقطة مادري هي طبيعية اولا؟؟ اشوفه اذا بنام مايلف رقبته وره ظهره مثل باقي الطيور..بس ينزل تحت قاعدة القفص وفي الزاوية.فهل هذي النقطة تحصل معاك بعد؟

[mns2009]

مرحبا اخوي..

سلوكيات ببغائك تتطابق بعض الشئ مع ببغائي وهو ايضا في عمر 8 او 9 شهور..احسه يتعب بسرعة واعتقد انه يتعب اكثر اذا كان الجو المحيط به حار.وعملية الاسترجاع احسها ارادية فيه لان ساعات اشوف يحرك رقبته من الامام للخلف بحركة سريعة.. مع العلم انه هالشي مايأثر على نشاطه وحيويته... فاتوقع ان يكون هالشي طبيعي.. وكذلك انا عندي نقطة مادري هي طبيعية اولا؟؟ اشوفه اذا بنام مايلف رقبته وره ظهره مثل باقي الطيور..بس ينزل تحت قاعدة القفص وفي الزاوية.فهل هذي النقطة تحصل معاك بعد؟

الله يخوي كأنهم أخوة حتى طيري مايلف رقبته بس يضل واقف على العامود ويميل للامام بس ينام
بس لسه ما لقيت جواب شافي لاسئلتي