يا جماعه قطوتي صغيره فيها اسهال وصارت تعملها في كل مكان

[MR.coOol]

قطوتي صغيره فيها اسهال وصارت تعملها في كل مكان

حظيتها بالكراج

ووقفت عنها اكل معلبات

مادري شفيها يوم صارت ماتروح حمام بس تسويها في كل مكان


نوع اسهال شكله لزج بكمية قليله وريحته نتنه ..

المهم قطعت عنها اكل معلبات وحطيت لها جبن مثلثات ..

المهم انا موبعارف شنو فيها وشلون اوقف اسهال وخصوصا بيطري عندنا كثير غالي ..

وعمر القطه اقل من شهرين

وعلى فكره القطه تاكل بشكل طبييييعي جدا ونفسيتها مفتووحه للأكل ..

مشكله حطيت لها دجاج مسلووق ماتحبه ماتاكله

تحب اكل معلبات والحليب احيانا

[pinky]

هلا خيوو ..

اقططع عنهآ الأكل 9 سآعآت ..

وبعدين اعطيهآآ دجآج ..

ولا اي شي المهم ما يكوون اكل لززج ..

واقطع عنهآ المعلبات ..

شكلهـ اسهآآل حآآد عشاآن كيذآآ ما تقدر تمسك نفسآ وتسويهآ بأي مكآن ..

عند البيطري بودرهـ حقت اسهآل عطآني اياهآ يوم كآن تووفي فيه اسهال حآد ..

استمريت عليهآ خمسهـ ايام ووقف الأسهآل الحمد اللهـ ..

واذا رحت للبيطري قولهـ ابي بودره حق الأسهآل ويعطيكـ اياهآ ..

تحطهآ مع المويه حقتهآ مره بالليل ومرهـ بالصبااح .. ~|

لمده خمسس اأيآم ..ْ

والأسسهآآل أكييد مآخذهـ بررد ..

ولا روششتهآ وحطيتهآ قدآم المكيف ..

نشفهآ كوويسس بالأستشوآآر وبعد ما تنشفهآآ خليها نصص سآعـهـ بغرفه وصكر عليهآ البابـ وطبعآ المكيف مآ يكون مفتووح ..

عشاان تنششف تمآم ..

وبسس ..


اي سؤاال انا حآظرهـ .. :)

[pinky]

خيوو المعلبآآت اللزجهـ والحلييب هي تسبب اسهآل ..

البيطري مو مرهـ غاالي ..


قولهـ بسس يكشف عليهآآ ويعطيهآ دوآء .


البيطري حق تووفي عطآهـ ابرهـ الي توقف الأسهآل والأستفرآغ ..

ومشآآللهـ صحته تمآم ..


نصيحهـ *

اقطع عنهآ المعلبآآت سوآآءً كآنت مريضه ولا مو مريضهً

[Luis]

انا اوافق اختي بنكي تماااااام..:)

ومثل ماكانت تصحح لي آنو..:D

شوف نوع اسهالها ديدان (بكتيري)

ولا اسهال عااادي..

[pinky]

لـويسس ~ ..

شكلهـ من وصفـهـ موو عآدي ..

لاأنوو تسويهآ بأي مكآآن .. اتوقع اسهآآل حآد

[Luis]

لالا ماقصد عاادي يعني عااادي..:p

قصدت انه اسهال برد.. بس نسيت اكتبه..:D

وبعدين اذا ماكان دود وش بيكون غير برد..:D

وانتي للحين ما سافرتي..وش مجلسك..:p

>>> يمزح معك..

[عاشقة الفراشات]

اممممممم

طيب أعطيه دااري فوود


من روياال كانن

وأعطيهـ دجاج+خضاار

يعني نووع شوي ووديه للبيطري بسرعهـ

[MR.coOol]

بكرا بودي بيطرياليوم امي تبكي على قطوه

وحطبت لها دراي فود خاص بالقطط الصغار ..

وبكرا بوديها بيطري

[sisi_moon]

توها نونو هي .. مااتقدر تمسك نفسها

ولا اسهالها مو مره قوي .. القوي يكون ساااائل وبلون اصفر فاااتح .. لان من كلامك فهمت انها مجرد ليونه

عالعموم

المعلبات + الحليب يسببون اسسهال ويلينون المعده فـ حاول تقطعم

ثاني شي زي ماقالت بنكي بالنسبه للجو البارد والتحميم ..

وماعرف لو رحت البيطري الحين ولا لا ؟.

عالعموم فيه دواء اسمه كابتين للإسهال .. هو تبع الاطفال بس مره تمام للقطط

اعطيها منه لمده خمس ايام .. بس اذا مر اليوم الثالث او الرابع بدون تحسن .. جيب لها دواء ثاني اسمه كلافوكس

وبالتوفيق ياربي

[MR.coOol]

توها نونو هي .. مااتقدر تمسك نفسها

ولا اسهالها مو مره قوي .. القوي يكون ساااائل وبلون اصفر فاااتح .. لان من كلامك فهمت انها مجرد ليونه

عالعموم

المعلبات + الحليب يسببون اسسهال ويلينون المعده فـ حاول تقطعم

ثاني شي زي ماقالت بنكي بالنسبه للجو البارد والتحميم ..

وماعرف لو رحت البيطري الحين ولا لا ؟.

عالعموم فيه دواء اسمه كابتين للإسهال .. هو تبع الاطفال بس مره تمام للقطط

اعطيها منه لمده خمس ايام .. بس اذا مر اليوم الثالث او الرابع بدون تحسن .. جيب لها دواء ثاني اسمه كلافوكس

وبالتوفيق ياربي


لو سمحتي ممكن تقولين لي كم مره باليوم اعطيها ؟؟ شكثر يعني ؟؟ يعني هل قط معلقه صغيره .. الخ

[MR.coOol]

على فكره الاسهال شوي لزج لونه بني غامج ..

المهم القطوه صارت تلعوز روحها يعني حتى رجولها فيه براز ومن ورا بقعه كبيييره

على ماعتقد زاد عليها الاسهال

وللحين ماوديتها بيطري

[خبيرهـ الحيوانات]

اخويـ MR.coOol ... :)
في حالة المرض لاتعطيها المعلبات ولا الحليب زي ماقالت sisi_moon
القطوة محتاجة انها تروح للبيطري اكيد زاد عليها الاسهال وهاذي قطوة صغيرة مب نفس القطاوة الكبار والقطوة صغيرة يعني حالتها واصلة للاسهال الشديد لذا لازم توديها للبيطري وبيقولك المشكلة وبيعطيك الدوا المناسب .
اما لكلام الاعضاء صح كلامهم وكلام sisi_moon
اعطيها الدوا مال الاسهال للاطفال ممكن انة ينفع ,
ماتشوف شر وانشاءاللة اتشافى بسرعة
تحياتيـ ;)

[MR.coOol]

المشكله عندنا بالبحرين مايفتحون بيطري الا صبح ويوم الجمعه والسبت مسكرين

[sisi_moon]

هلا اخووي

الدواء اعطيها نص ملم مرتين باليوم

وطبعا موجود بالصيدليه البشرريه يعني لاتتعطل عشان البيطري مسكرر

وبالمره خذ لها من الصيدليه محلول الجفاف .. حطه لها بدال المويه عشان الاسهال مايسبب لها جفاف