مشكلة لا بد من حلها؟

[mr_sauoood]

السلام عليكم ورحمة الله وبركاتة

الحقيقة عندي ببغاء جنني اول ما جبته جلس شهرين ثم بدى يصفر بعدها بأسبوع تقريبا رجع يسكت تحس فيه خوف وتحس فيه ربكة ياكل من يدي بس تحس فيه خوف فأنا أسأل وش الحل لهذا الببغاء والمشكلة الثانية أن أظافرة طويلة فكيف أنا أقص أظافرة ويعطيكم الف عافية

أخوكم/ mr_sauoood

[m.n.a.n.g.h]

السلام عليكم هاذا شي طبيعي يمكن علشان في ازعاج ويروح الازعلج طبعنا احيانن يكون خايف واحينن لا

[parro0ts]

اخوي هو لازم الطير جي يحتاج الى شهور ليتعود و بالنسبه للاظافر فهو امر عادي اذا كنت خبير ابردها بالمبرد بس انا بصراحه ما انصحك افضل لك و للببغاء انك اتوديه للبيطري

[-_s3d_-]

الطير يبيله فترة من الزمن علشان يتعود على البيت وأهله .
عليك بالصبر,والمعاملة الطيبة, وراح أتشوف النتائج قريبا’’.
وبالتوفيق,,,

[-_s3d_-]

وبالنسبة للأظافر خلي واحد خبير يقصها أو يبردها وأنت شوفه علشان المرة القادمة تقصها أنت.
تقبل مروري,,,

[مجنون فلته]

السلام عليكم

اخوي بالنسبه للأضافر يبيعون بمحلات الطيور مبرد تخليه ستاند داخل القفص بدل العصا اهي للأظافر والمنقار

سعرها تقريبا من 80 الى 100 ريال علقها بالقفص والباقي على الطير

يمكن اول يوم ماتشوفه واقف عليها بس ان شاء الله يوم ثاني بيحلل فلوسك وبيوقف

[mr_sauoood]

مشكورين أخواني على النصائح ويعطيكم ألف عافية


بالنسبة للببغاء الحين له عندي 3 أشهر بالضبط هالمدة مو كافية إنه يتأقلم وعلى فكرة البيت هادي جدا لأن ما فيه إلا انا وزوجتي فقط...

أخوكم/mr_sauoood

[ابو محمــد]

عزيزي يمكن الطير كبير لان بعض الطيور تأخذ وقت من تغيرها المكان وبالنسبه للأظافر لا تبردها

ولا تقصها الا اذا عندك الاسعافات الاوليه ومقص الاظافر الخاص للطيور وبودره وقف النزيف

وشكرا..

[مجنون الامازون]

عزيزي (mr_sauood) بالنسبة لاستفساراتك .. اذا كان ممكن تقولنا ايش نوع طائرك .. عشان اقدر افيدك ان شاء الله ..