وين مربي الحمام

[طائر الحب الذهبي]

وين مربي الحمام

أبي أسالكم

أنا بسوي مشروع انتاج زغاليل في الرياض ( السعودية)


وحاب أستفسر عن أحسن الحمام لسرعة الإنتاج وليس لديه امراض كثيرة

بالله لا تطنشوني

اخوكم حاط 20 الف ريال راس مال هذ المشروع

ودعواتكم

[مكحل الجنيه]

الله يوفقك ان شاء الله بمشروعك ويطرحلك البركة فيه

انصحك اذا بتربي

غزارة انتاج وحجم ممتاز للزغاليل واسعاره معقولة

الحمام الفرنسي الابيض

[طائر الحب الذهبي]

مشكور اخوي ماقصرت وهذا هو الأحسن
بس كمان فيه انواع اخرى
لاني شفت كذا واحد منوع في الانواع

بس مدري الزواجل كيف ، فيه واحد قالي الزواجل كمان نفس اللاحم الفرنسي وامراضه قليلة بس مدري هالمعلومة كيف

انا حبيت انوع في الحمام

يعني بشتري 200 زوج فرنسي لاحم
200 زوج سلفر
200 زوج هنود
200 زوج زاجل
200 زوج قطايف

هل تشوف التنويع احسن
والا امشي على اللاحم الفرنسي الابيض

هو في السوق مطلوب اللحم الفرنسي والسلفر الفرنسي

فمارايك انوع والا امشي على نوع واحد

[مكحل الجنيه]

اعتقد اني فهمتك غلط؟؟؟؟

انت تقصد بالانتاج فروخ بعمر اسبوعين تقريبا للاكل؟؟

او تقصد انتاج زغاليل كبيرة وتبيع بالسوق؟؟؟


اذا مقصدك على زغاليل الاكل مو ضروري انك تنوعها هندي وقطيفي

الفرنسي اللاحم او الزاجل مثل ماقلت زغاليله احجامها ممتازة

وسريع الانتاج وانصحك فيه وخلك على نوع واحد لانه بالاخير انتاج زغاليل للاكل

والفرنسي منه الوان كثير لكن انا قلت لك ابيض...لان له رغبة عند الناس الاكيله خخ

[هكذا اذن]

عندك حمام اللحم الحمام الفرنسي وحمام المودينا

طبعا عشان تنتج زغاليل بسرعه تحتاج حضان فانصحك بالزاجل

اشتري قطيع الحمام من شخص يربي حمام وتنقيهم بنفسك ومب من السوق

الامراض موجوده موجوده فسوي احتياطاتك ترش مبيدات وتطيعيم وتعطي الحمام الكبير ادويه كوقايه

بالنسبه للاسعار ما اعرف كم عندكم بالسعوديه لانه عندنا بالامارات الاسعار ضعف اسعاركم مرات

[طائر الحب الذهبي]

اعتقد اني فهمتك غلط؟؟؟؟

انت تقصد بالانتاج فروخ بعمر اسبوعين تقريبا للاكل؟؟

او تقصد انتاج زغاليل كبيرة وتبيع بالسوق؟؟؟


اذا مقصدك على زغاليل الاكل مو ضروري انك تنوعها هندي وقطيفي

الفرنسي اللاحم او الزاجل مثل ماقلت زغاليله احجامها ممتازة

وسريع الانتاج وانصحك فيه وخلك على نوع واحد لانه بالاخير انتاج زغاليل للاكل

والفرنسي منه الوان كثير لكن انا قلت لك ابيض...لان له رغبة عند الناس الاكيله خخ


اشكرك اخي
لا انت ما فهمتني غلط
انا ابي فروخ اكل وكمان فروخ بيع كبيرة للقطايف والهندي لانه عليها طلب بالسوق وتباع ما بين 10 الى 15 ريال

وصدقت الفرنسي هو المطلوب وسوقه ماشي لو تجيب 500 زوج زغاليل تلاقيه المشتري بسرعة ويمكن ما يحتاج تجيب للسوق هم يججوك للمزرعة

[طائر الحب الذهبي]

عندك حمام اللحم الحمام الفرنسي وحمام المودينا

طبعا عشان تنتج زغاليل بسرعه تحتاج حضان فانصحك بالزاجل

اشتري قطيع الحمام من شخص يربي حمام وتنقيهم بنفسك ومب من السوق

الامراض موجوده موجوده فسوي احتياطاتك ترش مبيدات وتطيعيم وتعطي الحمام الكبير ادويه كوقايه

بالنسبه للاسعار ما اعرف كم عندكم بالسعوديه لانه عندنا بالامارات الاسعار ضعف اسعاركم مرات

الله يجزاك خير على النصائح

وبصراحة مثل ماقلت الأسعار عندكم بالامارات غاليه مرررررررره لاني اشوف العروض عندكم مره غاليه

عندنا نشتري الامهات شرط انتاج من 25 الى 30 ريال للزوج من مكانهم
واذا مو انتاج يعني ضف من العشة ويجيبهم السوق يجيب الزوج 18 ريال

الفرنسي الفرش تقريبا 50 ريال للزوج

[حمام البحرين]

انت شنو الي في بالك للتربية؟؟؟
للاكل؟؟
اذا للاكل اللاحم ارخص واكبر نوع وهو مخصص للاكل فقط
اما اذا كنت بتربي زاجل وقطيفي عشان تبيع على الهواة
يبي لك تشتري طيور جيدة يعني الي اسعاره توصل للااف من الريالات لانك اذا اشتريت طيور ضعيفة محد راح يشتري وتفشل

[الأفريقي]

اخوووي انا اعرف وااحد في الريااض عنده قطاايف على مستوى جباار وقوي من السوود والوان الي يحبها قبلك وانتااجه سريع سريع انا مااخذ من جوزين مااشااء الله عليهم كملو شهر الى وبااضوا والحين فقسوا وموجودين عندي بالبيت ,, اذا بغيت اتااقبله مستعد اعطيك رقم جواله لاني انا ويااه جالسين انسوي انتااج بالريااض ووبالشرقيه فخذيت الجوزين تجربه عندي بس الحمدالله الوضع كله تمام والحين بيزدون انشااء الله بس حط في بالك انا السعر غاالي بس خذ حمام مضبوط بمعنى الكلمه ,, ونزل صورهم في المنتدى وبتشوف ارااء الأعضااء تحيااتي لك , اخووي اذا بغيت شي راسلنلي على الخااص

[طائر الحب الذهبي]

انت شنو الي في بالك للتربية؟؟؟
للاكل؟؟
اذا للاكل اللاحم ارخص واكبر نوع وهو مخصص للاكل فقط
اما اذا كنت بتربي زاجل وقطيفي عشان تبيع على الهواة
يبي لك تشتري طيور جيدة يعني الي اسعاره توصل للااف من الريالات لانك اذا اشتريت طيور ضعيفة محد راح يشتري وتفشل

مشكور اخوي على اهتمامك

انا مشروعي انتاج فروخ للأكل ،
وماني من محبي الاهتمام بالطيور الغالية
هاذي بخليها مرحلة ثانية في حال مشى المشروع الأول

واشكرك مرة اخرى

[طائر الحب الذهبي]

اخوووي انا اعرف وااحد في الريااض عنده قطاايف على مستوى جباار وقوي من السوود والوان الي يحبها قبلك وانتااجه سريع سريع انا مااخذ من جوزين مااشااء الله عليهم كملو شهر الى وبااضوا والحين فقسوا وموجودين عندي بالبيت ,, اذا بغيت اتااقبله مستعد اعطيك رقم جواله لاني انا ويااه جالسين انسوي انتااج بالريااض ووبالشرقيه فخذيت الجوزين تجربه عندي بس الحمدالله الوضع كله تمام والحين بيزدون انشااء الله بس حط في بالك انا السعر غاالي بس خذ حمام مضبوط بمعنى الكلمه ,, ونزل صورهم في المنتدى وبتشوف ارااء الأعضااء تحيااتي لك , اخووي اذا بغيت شي راسلنلي على الخااص

الله يجزاك خير اخوي على اهتمامك

وان شاء الله بيكون بينا تواصل

بس انا بشتري بالجملة ما احب اشتري تفريد ولا احب اشتري شي غالي

زميل لي في السوق يشتري بالجملة ويفرد بسعر نااااار في نفس السوق

عنده خبره اكثر

لكن انا مشروعي انتاج فقط
لاني موظف ومقدر ادخل في الحمام الغالي لانه يبيله اهتمام اكثر

لكن المشروع هذا الي هو مشروع الانتاج بيكون صعب في البداية وبعدين بيصير سهل

والتواصل موجود باذن الله بيننا

[مكحل الجنيه]

مودينا ؟؟ انا اخبر المودينا للزينة عمره ماحد اكله :D

والزاجل يحضن للفرنسي :D


اخوي مختصر الكلام انت تبي تبيع فروخ اكل

احجام كبيرة وغزارة انتاج وتبي كميات وباقل اسعار

الحمام المقصود.................... الفرنسي

وحاول تنقي الوان ابيض والوان فتحة


والفرنسي مايحتاج اي نوع يحضن فروخه لانه حضان ممتاز

والله يبارك لك بمشروعك مقدما

[الأفريقي]

الله يجزاك خير اخوي على اهتمامك

وان شاء الله بيكون بينا تواصل

بس انا بشتري بالجملة ما احب اشتري تفريد ولا احب اشتري شي غالي

زميل لي في السوق يشتري بالجملة ويفرد بسعر نااااار في نفس السوق

عنده خبره اكثر

لكن انا مشروعي انتاج فقط
لاني موظف ومقدر ادخل في الحمام الغالي لانه يبيله اهتمام اكثر

لكن المشروع هذا الي هو مشروع الانتاج بيكون صعب في البداية وبعدين بيصير سهل

والتواصل موجود باذن الله بيننا


اخووي الرجاال عنده بالجمله وكل الي تبيه موووجوود ,,,...,,, وانشااء الله بيرااعيك وانت وااحد من اخوان المنتدى يعني لاتوصي ولاتشيل هم يعني بخليه يضبطك صح ,,,...,,,وماتطلع منه الى وانت رررراضي

[طائر الحب الذهبي]

مودينا ؟؟ انا اخبر المودينا للزينة عمره ماحد اكله :D

والزاجل يحضن للفرنسي :D


اخوي مختصر الكلام انت تبي تبيع فروخ اكل

احجام كبيرة وغزارة انتاج وتبي كميات وباقل اسعار

الحمام المقصود.................... الفرنسي

وحاول تنقي الوان ابيض والوان فتحة


والفرنسي مايحتاج اي نوع يحضن فروخه لانه حضان ممتاز

والله يبارك لك بمشروعك مقدما

صدقت اخوي مافي مثل الفرنسي بس انا حبيت انوع عشان كل نوع له زباينه والي قلت عليها انا كلها مطلوبة بالسوق سواء امهات او فروخ او طبات

والي يميز الفرنسي الابيض سعره وطلبه في السوق

والله يبارك في دعواتك ويرزقك من اوسع ابوابه

[طائر الحب الذهبي]

اخووي الرجاال عنده بالجمله وكل الي تبيه موووجوود ,,,...,,, وانشااء الله بيرااعيك وانت وااحد من اخوان المنتدى يعني لاتوصي ولاتشيل هم يعني بخليه يضبطك صح ,,,...,,,وماتطلع منه الى وانت رررراضي

انت في الجيب متواصلين باذن الله

بس الان قاعد اجهز للمكان وبياخذ مني وقت تقريبا شهر

واشكرك على اهتمامك والتواصل موجود بس مثل ماقلت المكان قاعد اجهزه

[broonz44]

السلام عليكم انا اقول الزاجل انتاج اكثر وياكل اقل من اللاحم الفرنسي بختصار

[marsh]

مشاريع الاكل جيده ومربحه الله يوفقك عليك بالفرنسى الاحم الحجم الجامبو والجوز اذا حصلت منتج وجامبو اذا على 100 ريال توكل واشتر وابدا المشروع 100 جوز فقط وبعدين يمديك تتوسع والله يوفق الجميع

[طائر الحب الذهبي]

السلام عليكم انا اقول الزاجل انتاج اكثر وياكل اقل من اللاحم الفرنسي بختصار

الله يجزاك خير اخي على النصيحة
وانتي سبقتني بمسالة كنت ابغى اسال عنها
الا وهي كما قلت الأكل
يعني الزاجل بياكل اقل من اللاحم
وهذه تحسب من ميزانية المشروع
الله يجزاك خير

[طائر الحب الذهبي]

مشاريع الاكل جيده ومربحه الله يوفقك عليك بالفرنسى الاحم الحجم الجامبو والجوز اذا حصلت منتج وجامبو اذا على 100 ريال توكل واشتر وابدا المشروع 100 جوز فقط وبعدين يمديك تتوسع والله يوفق الجميع

جزاك الله خير

بس اخوي الجوز الانتاج باقل من هالسعر ، بس مو الجامبو
بس انا لاحظت إنه سعر فروخ اللاحم العادي و الجامبو قريبه من بعض لذلك صعبه اشتري ب 100

والشي الثاني بالنسبة للعدد ما احب ابداء بالقليل لانه انا ما ابي اجمع امهات
ابي اقل شي ابدا ب 500 جوز لانه في طلب فروخ بالسوق بكثره
والشي الثاني اقدر اطلع امهات جدد بعدد اكبر من 500

واشوف كل ما كثر العدد كل ماكان ربحك اكثر والتجارة بتتحرك بسرعة

واشكرك كل الشكر على الاهتمام

[عزوز الحربي]

خذ فرنسي ابيض