الفزعة يا أهل الخبرة

[الخبر مان]

أدري إن سؤالي تكرر ألف مرة بس التردد والحيرة وماتسوي

أنا ودي أقص جناح الببغاء الكاسكو بس ناس تقول خاه لا تقصه عشان مايتغير عليك

الطير ويكرهك وناس تقول قصه أحسن وأنا إحترت والله وش أسوي ريشه معفوس

وأبي يصير مرتب مدري وش أسوي ..

[الخبر مان]

نسيت أسأل عن أفضل مكان في الخبر ولا الدمام يقص الأجنحة باحتراف ؟!

[iam moon]

قصه عادي مايفرق مايزعل ولا شي بس لاتتهور وانت تسويه هع هع,,,وده محلات متخصصخ بالطيور okالله يعينك

[مجنون فلته]

السلام عليكم

اذا انت تبي تقصه خل احد يروح له ويغطي راسه بمنشفه

ويمسكه عدل وانت روح بدون ماتتكلم ولا شي امسك جناحه وقصه

بس اذا انت تعرف قصه اذا ماتعرف وده اي محل يقصه لك واذا بتوديه غط القفص لاتخليه مكشوف

لاتفر مخ الطير :)

[ابو محمــد]

أدري إن سؤالي تكرر ألف مرة بس التردد والحيرة وماتسوي

أنا ودي أقص جناح الببغاء الكاسكو بس ناس تقول خاه لا تقصه عشان مايتغير عليك

الطير ويكرهك وناس تقول قصه أحسن وأنا إحترت والله وش أسوي ريشه معفوس

وأبي يصير مرتب مدري وش أسوي ..


عزيزي لا تردد والقص ما يأثر على الطير ولا يحس فيه ,روح عند عياده

التاج الاخضر في الخبر شارع الامير نواف تقاطه شارع واحد وعشرون

فيه فلبيني ممتاز خله يترك خمس ريشات الاولى ويقص تسع

ريشات بعدها من الجهتين اذا طيرك ما بعد احد قصه قبل ومره وحده

خله يقص اظافره

اتمنى انك ما تردد بعد الكلام اللي قلته.

[الخبر مان]

يعطيكم العافية ياشباب أنا بتوكل على الله وبقصه إن شاء الله بعيادة التاج الأخضر

مشكورين ماقصرتوا

[EVO46]

اخوي اذا الطير اليف بيزعل منك يومين انته ادهن سيره بفول سوداني وبيرضة اما اذا موب اليف خل حد ثاني يقص جناحة انامجرب الي موب اليف يكره كره العمى