بقول وانتو حكمو

[ببغائي ميمي]

شوفو يااعضاء

انا والله مالي خبره بالببغاوات بس لاني احبهم اشتريت مثل ماتدرون

كاسكو افريقي اسمها ميمي




بس شوفو المشكله انه لما انا اقرب يمها هي ماتخاف مني كثير بس تخاف وتصرخ لما احط يدي على راسها وغير لما يجي احد غيري تصرخ واااجد لو يقرب بس يمها تحرك جناحها تبي تطير وبس حتى لو تصقع في الجدران اما انا لا ليش ؟؟؟


السبب اني انا لو تصرخ ميمي اتركها على طول اما غيري لو تصرخ لبكرة لا يجبرها ولا يتركها


ماادري تصرفي انا عدل ولا غلط وشلون ..

هي الحين بس توقف على اليد ولا كل مره بعض المرات
بس غيري توقف غصب وهي تصارخ وخايفه بس توقف


ماادري ابيها تتعلم امسح على راسها انا اقولكم انا مااجبرها ابد



طيب هنا هل تصرفي عدل ولا تصرف غيري هو العدل ... واذا كان كلانا غلط ارجو توضيح الطريقة الصحيحة ..............

[ابو محمــد]

اختي ببغائي ميمي الموضوع بين من عنوانه الطير جديد وما بعد تأقلم عليك وعلى البيت عطيه

مهله يتعود على المكان وراح تشوفين تحسن انشاء الله.

وطريقتك عدله ميه ميه لا تحاولين تجهدين ميمي وكل يوم الصباح غيري الاكل والماء وكلميها

بشكل خفيف وراح تشوفي تجاوب وانصات.

اتمنى اني افدتك.

[مجنون الامازون]

اختي العزيزة .. بالنسبة لطريقة تعلم الببغاء ترك الجعير .. هي انك ما تسيبي الطير يجعر كذا راح يحس انو فرض صيطرته .. وما راح تقدري تعليميه شئ

اول ما تقربي منو وتشوفي يصرخ حاولي تتكلمي معاه .. واذا كان على يدك حاولي تمسكي راسه ولم يجعر حاولي تقولي كلمة (بس حبيبي) او (حبوووا بابا) .. وصدقيني راح يترك الصراخ ..لانو هذه الطريقة تخليه ينسى الصراخ ..
و يحس انو في احذ يبادله ..

تحياتي ,,

[ببغائي ميمي]

يعني الحين احاول اني اتقرب يمها اكثر

طيب طريقة اني اذا صرخت او تبي تعظ اضربها بخفيف على منقارها ولا لا

[زياد محمد]

آخت ميَمي النسآء آسآس الحب والحنية ;)

تصَبري عليه ودلعيه وسَولفي معآه كآنه طفل هههههه والله جَِد

وسَوف تلآحظين الفرق وحاولي مايتقرب آحد حوله هالآيآم لين يولف عليكي ;)

[ببغائي ميمي]

والله انا تاركتها على كيفها بس هالايام احسها خوافة اقل شي صرخت احس ماعندها سالفه :)


وحاطتها فوق يعني تطالعنا وهي فوق بس يديني توصل لها اذا رفعتها فوق بعد

مشكورين جميعاااااا ع الردود

[مجنون فلته]

السلام عليكم

ببغائي ميمي

اذا تبين الطير يصير معاكي ميه ميه

احرميه من الفول السوداني كم يوم ولاتحطينه له بالأكل

وخلك انتي يوميا اعطيه ثلاث اربع حبات وابتعدي عنه شوي

وكل مره تعطينه قربي منه شوي لأنه اكله المفضل

وان شاء الله شوي شوي تقوى علاقتكم

بهالطريقة وطريقت الأخوان ان شاء الله بيكون طيرك احلى واحلى

[-_s3d_-]

الموضوع مسألة وقت وان شاء الله يتعود عليكي وعلى البيت .
وبالتوفيق ...

[ببغائي ميمي]

صايره خوافة هالايام بس اقرب تصارخ اول ماكانت كذااا مدري شفيهااا


ايه وصحيح الفول السبال تموت فيه تحبة بس ماعندي :)

[ببغائي ميمي]

احس مليت منهاا

:(

ودي ابيعها وماودي ابيعها مدري شسوي ..

[مجنون الامازون]

معليش يا ميمي طويلي بالك عليها .. لا تكوني كذا متذمرة .. راعي انها كائن حي تشوفك شئ غريب عنها عشان كذا تجعر وتخاف .. لا تبيعيها .. خليكي قريبه منها .. حاولي تنزيليها من القفص كل شوية كل ما تجعر امسحي على راسها وقولي (حبوووااا) .. والله راح ترتاح لك .. وربنا يوفقك