خبر صاعق جدا ... !!!!!!

[passposse]

السلام عليكم ..

هلا بالجميع ومرحبا بكم .. اليوم عندي لكم خبر صــــــــــــــــــــــــــــاعق :eek: :eek: :eek: :eek:

مثل ما يعرف الاغلبيه اني اشتريت همسترين روسي النوع .. وطبعا هم حلووين وايد .. وقلت لكم اني اظن الانثى حامل .. وعزلتها عن الذكر وما هنالك ..

هني الصاعقك الي اكتشفتها .. انه هل انثى مو انثى هو ذكر اصلا :eek: :eek: :eek: .. واني كنت اظن انه انثى لاني انا طلبت انثى وذكر .. وع حسب ما شفت من هل ذكر كيف يسوي مناقر الي صار بينهم الهمسترين .. توقعت انه انثى .. لكن بعد ما حاولت وتشجعت اني اقرب منهم طبعا انتوا ادرى العض وجذيه خليتهم يتعودون فتره ع الاجواء بالاضافه اني اتواجد عندهم واتكلم وياهم .. المهم طلعت الذكر الي كنت اعتقد انه انثى .. وبديت اتأكد هو انثى صح ولا ذكر .. انا شفت انه باين ذكر .. لكن رجعت المنتدى وطلبت صوره لأتأكد اذا كانت انثى ولا ذكر >>>> تدرون اول مره اربي همستر فتميت متشككه وايد ..

وطبعا بعد بحث وتمحيص وتتدوير .. تأكد وكان الصـــــاعقه الكبرى انه شكي في محله وهو ذكر مو انثى .. طبعا ما عرفت شو اسوي فيه بعد هل فتره .. شو رايكم انتوا بعد ما تعود علي وتعودت عليه ويعجبوني الثنينه شو الحل .. ذكريين عندي .. :confused: ..

اسمحولي ع اني طولت عليكم بس حبيت انقل لكم الحاله الي انا فيها .. وسلاماتو يا شباب ..

[Mr. MeMo]

اختي الكريمه

حاولي استبدال الذكر بأنثي بدلا
عنه من نفس المحل افضل

واتمني لك التوفيق

[zoom]

هلاا فيج اختي
.
.
كركركركركركر
.
.
المفرووض تتاكدين منه قبل لا تشترينه
.
.
و مثلما قال اخووي mr.mema رووحي بدليه من المحل الي شريتيه منه
.
.
و شكرن .....

[Luis]

أختي شوفي الذكر اللي عاجبك وخليه...

والذكر اللي مابعد يتعود عليكي بدليه بأنثى:)

تحياتي..

[فطوم]

اخي في موضوع مثبت بالقسم لتحديد جنس بعض القوارض يريت تشوفه وتتاكد مره اخرى وتبدل واحد منهم اب انثى مادامك عرفت شكل الانثى شلون محد راج يخدعك:)

[addiction]

الله يعينج بس ميخالف خلي الذكرين او اخذي نثيه او خالصين جذي الموضوع محلول ان شاء الله

[passposse]

السلام عليكم ..

اولا هلا بكل اخواني مشكورين وايد ع الحضور الطيب منكم ..

اخوي Mr. MeMo .. استبدله اكيد بستبدله بس بعد ارجعوا من اول ويديد وتعرفوا ع المستجد ..

اهم شي تكون صغيره بالسن فكيف بعرف هل شي ممكن يرجعون يغشوني .. الله يعين ..

اخوي zoom صحيح انه كان المفروض اتأكد منه .. بس اصلا انا لا اسير اشتريه كنت متفقه مع المحل انهم يجهزونه لي لانه من مكان غير الي انا فيه .. اظني لما اعزلوهم عن المجموعه كان الي اصغر سن مش واضح فيه اذا كان انثى او ذكر عشان جذيه ظنوه انثى ..

وصراحه الي خلاني ما امسكهم واجيك عليهم كنت شوي خايفه اني اشيلهم لا يصير فيهم شي تعرف اول مره الواحد ياخذ وقت ليش ما يتعود ع الشي .. المهم مشكور ع التعليق ..

اخوي Luis انشا الله بشوف ع انه هم الثنينه عاجبيني بس واحد دومه نايم وياكل وجبان والثاني نشيط ولعوب وفضولي .. ممكن ابدل الاول وخلي الثاني ايبله انثى .. يتسلون ويا بعض ..


اختي فطوم اول انا بنت مو ولد .. ثانيه دايما اشيك عليهم بعدني حليلي مصدومه خخخخخ المهم الحين محد يقدر يخدعني بإذن الله .. تسلمين الغاليه ..

اخوي addiction ههههه ممممم ما اعرف اخوي اخليهم بثنينتهم واييب لكل واحد انثى ولا ابدل واحد منهم بأنثى .. محتاره والله للحين .. المهم تسلم اخوي ع التعليق الطيب ..

وسلاماتو ..

[ach3och]

اختي انا انصحج انج
تاخذين قفصين وتفصليهم
وكل واحد اشتريله نثية
او بدلي واحد منهم بنثية
كما قالو الاخوان
:):):):)::):):):)

[passposse]

السلام عليكم ..

هلا فيك اخوي ach3och .. مشكور ع الحضور الطيب ..

واشكرك ع النصيحه الي ابديتها لي ..

اكيد انا اخذ بأراء اخواني .. لكن افكر لو كل واحد منهم انثه انا بسوي حضيره للهامستر اذا كل انثه بتييب كم واحد وشو رايكم انه الي يبي همستر ياخذ من عندي خخخخخخ ..

بشوف انا كيف ويصير خير .. سلاماتو ..