قطتي مدمنه شرب الحليب فماهو الحل ؟

[mixture]

السلام عليكم ورحمه الله وبركاته



انا عندي قطتين عمرهم شهرين ونص واحده منهم لا تريد سوى شرب الحليب وضعت لها اللحم و السمك و ايضا مرق اللحم وجميع انواع الطعام ولاكن لا فائده ذهبت الى السوبر ماركت و اشتريت لها رقائق الحلوى المخصصه لققط و لاكن بدون فايده فهي لا تريد سوى الحليب و اللبن لدرجه اصبح جسمها صغير و ضئيل مقارنه باخيها الذي ياكل ويشرب كل انواع الطعام البشري و ايضا الاكل المخصص لقطط ... واصبحت بالفتره الاخيره تذهب الى المطبخ زباله البيت بكثره وياليت تاكل شي وانما تتفرج الى الزباله و تبحث عن الحليب و اللبن فماهو الحل ؟



علما ان اخيها بنفس عمرها و ترك شرب الحليب من شهر و اصبح ياكل اللحم و الحلوى و يشرب المرق ونادرا يهتم بالحليب

[عاشقة الفراشات]

هذاا شيئ عاااااادي جدا

بسبب إنها صغيرهـ في السن وممكن ما أنفطمت من أمها

فخليهاا تكبر وحولها على الداري فوود

[sisi_moon]

ياحليلللها ..

لا كذا مو تماام طبعا

جيب لها سيريلاك

وجيب لها دجاج مسلوق مقطع صغااار او مفرووم مع المرق تبعه

خذ شويه منهم بصبعك وحطه على انفها وفمها وهي بتلحسه وشوي شوي بتتقبله

واقطع الحليب عنهاا .. لاتخاف عليها مراح تموت جوع .. بس دايما سو الحركه الي قلت لك عليها وبتاكل ان شاءالله

[mixture]

شكرا لعاشقه الفرشات و sisi moon على النصائح المفيده انا حاولت بعض المحاولات وهي

1- اني حاولت اطعمها بالقوه و حطيت الطعام في فمها ولاكن هي تخرجه و تفله
2- مزجت الحليب مع قطعه صغيره من مرقه ماجي بنكه الدجاج عشان تتعود على اكل الدجاج بس مافي فايده
3- منعت عنها الحليب مده 9 ساعات و النتيجه جننتني تنقز علي اذا انا قاعد اتفرج التلفزيون و تموي بصوت ضعيف واذا امي كانت ماره من الصاله تمشي وراء امي وتتعلق بالثوب حق امي و تمشي وراي فين ما رحت و تفتش كل الاماكن في المطبخ
4- حبستها في قفز مع الاكل و الماء مده يوم بس بدون فايده الاكل خرب و جددت الاكل و الماء بس كمان بدون فايده
5- امي قالت حط فلفل الي يجي مع الاندومي في الحليب عشان تكره الحليب و تقعد تاكل الدجاج ((بس خفت اجربها و تصير تبطل تشرب و تاكل اي شي))
6- هي تعرف شكل علبه الحليب و اول ما تشوفها تجري لعندي على طول بس حطيت جوى العلبه مرق بدال الحليب بس ما في فايده شربت شوي وتركت الصحن الي في مرق و جلست تعض علبه الحليب وتموي تبغاني افتح العلبه لها
7- حاولت اعطشها و اشربها المرق بس مافي فايده

ملاحظه / اذا حطيت الاكل تقعد تشم الاكل و تسوي حركه غريبه وهي انها توخر عن الاكل و تحفر الارض مع ان بيتنا مافيه تراب بس هي تحاول تحفر الارض عشان تدفن الاكل زي لمى تدفن القطط البراز او البول حقها بالتراب والي مو فاهم انا جاهز اصور القط بمقطع فيديوا عشان توضح له الفكره ... و الى مر عليه هاذي الحاله يساعدني

[sisi_moon]

اييي فهمت حركتهاا

هذي الحركه تبين انها رافضه الأكل

بس ماعليييك مرردها بتاكل مستحيل بتقزر عمرها على الحليب

بس بعد انت لاتيأس وجرب كل شي

والحركه الي قالت عليها الوالده .. ممكن تنفع جربها

لان بهارات الاندومي ريحتها قويه حييييل فـ لما تقرب تشرب الحليب راح تستنكر الريحه ومابتشررب

جرب يمكن ينفع

بس ان شفتها جربته وكملت شرب وخره عنها طبعا مو زينه لها البهارات .. هدفنا بس انها تبعد عن الحليب من ريحه البهار

و جرب بعد تقطع عنها الحليب .. بس هاا .. قوي قلبك مهما تشوفها تبي حليب لاتعطيها .. مراح تموت جوع

بتضطرر تاكل شي ثاني لا حدها الجوع

بس طبعا خليها تاكل شي طررري مو قاسي .. لانها متعوده على الحليب سايل

[Luis]

يا قلبي عليها..:o

هذي مرة راكب راسها الحليب..:p

الله يعينك أخوي..وقوي قلبك مثل ماتقول سيسي..:D

القطط الصغيره تعور القلب لما تبغى شي..الله يعينك ويصبرك..:o

[mixture]

شكرا يا sisi moon على المساعده والله يكثر من امثالك

انا ابحاول احط الفلفل في الحليب وانشالله تضبط الحركه وان ما نفعت راح امنع الحليب عنها بالقوه وانشالله تضبط
اهم شي ادعولي

[mixture]

يعطيك العاافيه يا luis

والله ما ادري وش اسوي فيها طفشتني الحليب بسرعه ينهضم وهي كبرت على الحليب المفروض تاكل لحم عشان انظم لها وجبات بدال الحليب الي ما منه فايده تخيل حتى وانا نايم في الليل او الظهر تمشي على وجهي تصحيني وان تغطيت تمشي على البطانيه الي انا متلحفها وما تسكت وتوقف ازعاج غير لمى اصب لها حليب بالصحن لدرجه صرت احط الحليب بدرج الحاسب الي بغرفتي عشان ما تزعجني في الليل وكل ما بغت حطيت لها
والله ما ادري وش اسوي فيها

[Luis]

ههههه..:p

تصدق نفس اللي عندي..تعلمت على الدراي فود وابتلشنا..:D

تنام معي على المخده..وبس يطن براسها تبي دراي فود..أنواااع الإزعاااج..:p

مرة تجي على وجهي ومره على بطني..ومرات تلحس برجيلي (تكرمون)..

بس شتسوي..لازم تتحمل مواءها اللطيف..ولا تخليها تستميلك وتستعطفك..

وزي ماقالت لي مرة خبيرة قطط.. (كن أنت المالك..وليس القط) ;)

[mixture]

كن أنت المالك..وليس القط ... والله هاذي ما جات على بالي بس خلاص ابوريها العين الحمراء وانشالله تدمن على اكل اللحوم و يصير جمسها احسن من الان ... بس ادعولي

[آنـــــو]

دلووووووعه هالقطوه .. تعرف كيف تاخذ اللي تبي

خليك صااارم وأذكى منها ..

تدري ممكن تصرفك هذا يأثر على أطباعها لما تكبر .. تصير حناااانه وزنااانه ودلوعه

أي حاجه تبغاها راح تمووء وتعور راسك حتى تاخذها ..

الحليب أخلط معه مويه ويوم عن يوم خففه حتى يصير بس مووويه

وأيضاً جرب أخلط شوووية حليب مع سيريلاك وزياده مويه مجرد بس يكسبه ريحه وتاكله

وأشتري لها معلبات فانسي فيست وأخلطها مع الدجاج المسلوق

ودراي فود رويال كانن للكتينز ..

لأن ماينفع كذا أبداً تعيش على حليب ..

وخبرنا وش يصير معك ..

[toootyme]

جرب معاها تونه القطط تحب ريحه التونه وكمان جرب تخلط قطعه جبنه مثلثات مع اللبن في الخلاط وزودهم ميه حاول معاها لكن ماتسيبها كده

[قناص.2009]

ههههههههههه
وقللبس على الصغـآر

المهـم :D

حآول معاها بكـل الطـرق
انا بعد قطـوتي كـذاا بس سويت طريقتي وانضبطت

الطـريقهـ :
1 : اول شي لازم تسوي الطريقه تدريجيا خـصوصا انها صغـيرهـ وما تفهـم اهمم شي تدريجيا مو بالغصبب تدف راسها على الشي هـذاك الي بقوله

2: ششـف اول شي عطها حليب زي ماتبغى عطها كثير وخليها تشربو
3: قلل من كمية الحليب شـوي
4: قلل مرهـ ثانيه من الكميه
5: قلل مرهـ ثالثه من الكميه
6: قلل مره رابعه من الكميه
7: قلل مره خامسه من الكميه
8: قلل مره سادسهـ من الكميه
وبعدين بتشوف انك قللت مرررهـ بتجي لك تتمصللح انننتبه تعطيها غير حـقهآ وبعدين قلل قلل لما يخلص مقدار الحليب
وبعدين جـب لهـآ سريلاك وحاول تأكلها كل يوم انتبه تعطيها حلييب >> اذبحكك
وبعدين عـقب ما تتعود على السيريلاك أبدأ اعطيها لحم او دجاج مسلوق قططعه قطع صغييرهـ مرره وحآول تأكلها بيدك عشان تحس بالعـطف وتتعود بس انتبــهـ تدللعها ترى إذا ماعطيتها تقلقك >> بعض القطاوه نشببه
بعدين ابدا اعطيها في الشهر مرهـ تقريبا من التونه مو سمك إذا ما عندك تونه اطبخ لها سمك وقطعه لها واعطيها بشويش
في الشهـر مرررررررررهـ انتبه تكثرر >> يسبب تساقط الشعـر
وبعدين عـودهـآ على اكلها الخـآص جب لها من اي محـل حيوانات اكلل مخصص بس لا تكثر مره من اكل البيت مره وحده في اليوم تقريبا من اكل البيت عشان ما تتعود على اكل البيت وماتصير تحب اكلها الخـآص
وابدا اكلها من اكلها الخـآص بشويش إذا ماكان عندهـآ اسنان قويه كافيه على انها تكسر الحبآت انت اكسرها اربع كسرات واعطيها إذا كانت بعد ما تتحمل غطس الحبات في شويه مويه عشان تصير على الأقـل لينه شوي تقدر تكسرها بأسنانها
وبعدين إذا شفتها تعودت على اكلها الخـآص واكل البيت الي هو مرهـ يوميا ابدا عطها الحليب مره في كل شهـر ما يصلح تكثرر

بعدين شـف إذا ما نفعت معاك الطريقه اعرف انها ما بعد انفطمت لازم تشرب الحليب لا تجيب لها حليب البيت العـآدي الي هـو الطـآزج لالا ما يصلح في حليب للقطط الصغاار اعطها مثلا منه ولا تكثر لها من اكل البيت إذا كانت انفطمت

ويآآرب تنفع هـذي الطريقه >> ترى يدي انكسرت من الكتآآبهـ

[mixture]

احب اشكر عاشقه الفرشات و سيسي و لويس و انو و toootyme و القناص 2009 جزيل الشكر بصراحه كفيتوا ووفيتم الله يجزاكم كل خير و يكثر من امثالكم يارب

انا راح اجرب كل المحاولات الي قلتو لي عليها بما فيها الفلفل الي مع الاندومي واول نتيجه تضبط معاي راح اقولكم عليها وان فشلت كل الطرق راح ابتكر طرق جديده الين اقنعها تترك الحليب الفتره هاذية عشان جمسها يتحسن ويصير يقاوم الامراض الي تفتك بالصغار