موضوع غريب و عجيب و مش فهماها!!

[roosario55]

السلام عليكم و رحمة الله و بركاته,
أسفة على الغياب الطويل و إن شاء الله مش حايحصل تاني.
أنا كانت أسماك المولي تعيش عندي طويلاً و لكن فجأة.......... أصبحت كلها تموت سواء القديمة أو الجديدة خلال 4 أيام أو 5 من وضعها بالحوض, والحالة التي تصاب بها هي:- السباحة بشكل عمودي و كأنها يصعب عليها الوصول للسطح, بهتان ألوانها, تقشر ألوانها, الضعف الشديــــــد!!
و لقد لاحظت أن أسماك المولي بدأت في الموت بعد إحضار سمك الأنجيل لحوضي!!!!
لكن أنا فعلاً تأكدت من ذلك وجربت أكثر من مرة أنا أحضر سمك المولي ولكنه كان يموت!!
علماً بأن أسماك المولي هي الوحيدة التي يحدث لها ذلك.
أرجو الإفادة أفادكم الله.
شـــــــــــــــــــــــــــــــــكراً.

[redshark]

اختي العزيزة روزاريو

اولا قلبي معاكي في الي حصل لحوضك

والموضوع واضح الانجل نقل للمولي مرض الفنجس او الفطر وده لان الانجل وجميع اسماك الشيكلدس ليها قدرة على حمل الميكروب المسبب للفطر ولكن لا يظهر عليها المرض

او انه ممكن يكون اتنقل للمولي من خلال الدود الحي


طيب سوال : ليه المولي بالتحديد مش انواع تانيه

المولي بحكمه موطنه الاصلي مياه بين المالحة والعذبة ولذلك افضل شيء للمولي وضع معلقة ملح صغير لكل لتر مية

لكن ده في حالة ان المولي لوحده

طيب ايه العمل في حوض اختنا العزيزه روزاريو ؟؟؟؟

نعمل حمامات ملح لسماك المولي الي عايشه ونركز الحمام بمعني معلقة ملح كبيره لكل ربع لتر مية ونغطس السمكه فيها خمس دقايق

ونرجعها الحوض وعلى فكره مية حمام الملح لازم يكون نصها من الحوض والنص ميه من الحنفيه

سوال : طيب بعد ما المرض يزول ان شاء الله من السمك معني كده انه راح خلاص

لا طبعا لان الامراض في الاحواض تختلف لانه المياه بتاعت الحوض كلها اصبها الفطر يبقي يلزم تطهير المياه
وده عن طريق نزع نص مية الحوض واستبدالها بمية جديده دون اضافة مزيل كلور وحتى لا يتعارض مع الدواء وبنحط دواء ضد الفطر زي الساليكس نقطة لكل تلاته لتر او زي ما موضح على العبوه بس اتاكد من الدوء فعلا سليم مش مخفف او مغشوش

وتاني يوم اكرر الموضوع اسحب نص مية الحوض واحط نفس الجرعه من الدوا وان شاء الله مش حتلاقي اي اثر للمرض

كمان ارفعي درجة حرارة الحوض درجتين او تلاته وزودي درجة الاوكسجين في المياه

وتامري يا اختي العزيزه

[roosario55]

شكراً جداً يا RedShark على الرد.
لكن أنا جربت كل اللي إنت قولته دا قبل كده و كمان قولت أشتري المولي بعد تغيير ماء الحوض بالكامل و تنظيف الحوض لكن للأسف مفيش فايدة!!!
بس أنا نفسي أفهم ليه المولي بس!!!؟

[redshark]

اختي العزيزة روزاريو 000 انا ذكرتلك لاننا اخدنا المولي في بيئة غير بيئتة وده ضعفة المولي تحديدا لازم من اضافة الملح في حوضه بالطريقة اللي فاتت
وعشان احافظ على مناعته وكمان انصحك اختي بانك تزودي الاوكسجين في الحوض

وترفعي ذكور المولي يعني خلي بس ذكر واحد لانه العراك بين الذكور بيولد جروح والفطر بيطلع عليها والاهم هو الملح

[roosario55]

شكراً يا Red Shark على الرد,
لكن أنا جربت كل اللي قولت عليه قبل كده لكن للأسف المولي حصل له كل دا بعد ما أحضرت الأنجيل و المشكلة إن مش حاينفع أزود الملح الأن لأنه بيأثر على الأنجيل.
حانتظر حتى يموت الأنجيل ثم أبدأ في تربية المولي مرة أخرى.
تســــــــــــــــــــــــــــــــــــلم.