السلام عليكم الرجاء من الكل الدخوول وبالذات اصحاب الانتاج

[عبووووووودي]

بسم الله الرحمان الرحيم


السلام عليكم يااعضاء تويوزو المحترمين

يخواااني انا والحمد لله بعد الاستخاره والمشاوره
قررت اني انتج طيور

المهم يخواني انا طلبت جوز يلوناب منتج ومشروط والحمد لله

والجوز راح يكون عندي بعد كم يوم
والله يخواني الجوز قيمته 23 الف
لاكني يخواني مااعرف حاجه عن الانتاج وقلت بجرب حضي وانشالله ربي يوفقني

ابغي منكم خدمه وماراح انساها منكم

يوجد عندي في البيت بالدور الثاني غرفه 4 *3

وفاضيه ولا فيها حاجه فكرت اني اسوي فيها كل حاجه

اتمني من احد المنتجين يوقف معايه
ابغي اعرف وش نوع القفص ولا ايش احط لهم بالظبط
وهل القفص حديد ولا بلستيك
وياليت لو يكون بالصور الشكل
وكل شي
انا شريت مكيف صحراوي هاذا على كلام صديق لي عشان مايمرض الجوز
وراح اشتري عازل حراري وعازل صووت وكل الادوات من حضانات وكل حاجه

بس يلي محيرني طريقه القفص وهل احد يعرف واحد حداد او نجار يسوي لي القفص يعني له خبره
يكون بمكه او جده لني انا من مكه
وكيف طريقة الاكل وهل احد لهم عش او شجر
يعني ابغي اعرف كل حاجه الله يسعدكم يارب
ولا اسوي لهم غرفه بالحووش وهل الغرفه الطول اربع امتار والعرض ثلاث امتار تكفي ولأ
رغم الغرفه يلي بالدور الثاني مجهزه من كلوو مكيف وشباك وكل شي

اتمني احد يوقف جنبي ويساعدني وقسم بالله ماراح انسي له المعروووف
ونذر عليه يلي بي ساعدني واول انتاج راح اعطيه من الانتاج باذن الله
والله على مااقول شهيد
وسامحووووووني على الوصف والتعبير مااعرف اكتب ولا اتكلم
متوهق بقوه احس نفسي تطورط بالسالفه كلها
لاكن الله يوفق الجميع يارب

[جبل عمر]

وسع صدرك ,,المساله بسيطه,,كل ماعليه هو تفصيل قفص المنيوم 2 متر في 2 متر و2 عصا خشب على طول القفص وعش ..وكوب للاكل وكوب للماء..وضروري الشمس الخفيفه تجيهم والظلام ..حاول ان تكون الغرفه هاديه ويوجد فيها رطوبه ..ولا توجه المكيف الصحراوي على القفص مباشره..كميرا مراقبه صغيره لا سلكيه لتتابع التحركات والتلقيح..ابحث عن شخص جرب اتفريخ حاول زيارته وكسب كميه من المعلومات..المهم ان يكون الاكل مدعوم بالنظافه والفتيميانات..والمكان نظيف خالي من الحشرات,والمساله سهله جدا لا تعطيها اكبر من حجمها

[عبووووووودي]

جزاك الله الف خير يغالي
وبالنسبه للقفص الحمد لله بسويه المنيون على كلامك وانشالله انه يظبط باذن الله
لاكن ابي اسالك على الكميرا للمراقبه اذا تقصد ان الذكر يلقح فهوا باذن الله يلقح لنه مشروط
وماخذ من واحد معرووف جدا انا
وبالنسبه لصاحب التفريخ فوالله ماعرف احد فيهم انا ولا كان سالتك
ومشكور مره ثانيه يغالي

[عبووووووودي]

اسف ولا كان سالت

[houston]

موفق
والاخوان هنا ماراح يقصرون معك

[عبووووووودي]

houston منور يغالي والاخوان ماعليهم قصور انشالله

[محترف فاشل]

بالتوووووووووووووووفيق يالغالي عبووودي

وانا حطيت نفس الموضووع لكن نوع الطير دره ومحد رد علي :(

ويعطيكم العافيه

[عبووووووودي]

محترف فاشل جزاك الله الف خير

واهل الخير كثير يغالي بس انت لاتسياس بسرعه
وربنا يوفقك

[الحريه]

سلام عليكم 00اتمناء لك التوفيق والنجاح وعدم الياس لن الانسان اد ارد شي يجب عليه الموصله لكي يصل الى الهدف والحمد لله التوزو فيه كل شي وعليك بلبحث في المنتدى وسوف تصل ان شاء الله ولك تحياتي بلتوووووووووووووووفيق ياااااااااااااااااااارب

[عبووووووودي]

الحريه جزاك الله الف خير يغالي

[lll_o]

ربي يوفقك يا عبووودي

بس اذا انتجت لاتنساني<<< مسوي خويك هههههه

لا والله جد اذا انتجت قولي و بأذن الله بشتري من عندك بس والله 23 الف غالي كثير لو انك جربت بي طير الكروان

فتره بعدها تكون مجرب و عارف لو تدفع 40 الف تكون ضامن انك راح تنتج و تجيب الي دفعتو على العموم ربي يوفقك دنيا و اخره

[0القاضي0]

أبدلك على من يساعدك وإن شاء الله مو مقصر معك

وله تجربة سابقة في انتاج البلوفرونت

وبيدلك هو بعد على اللي ساعدوه

وهو (( مازن الحازمي )) أحد الأعضاء اللي معنا راسله على الخاص وإن شاء الله مو مقصر

و الله يوفقك يا عبودي


وترى الفكرة ذي في راسي وإن شاء الله أنفذها

بس أبي بعض الأمور تترتب أول ثم أبدأ

وقتها لا تنساني تراني أبنشب لك يا حلوووووووووووو


تقبل مروري

[جبل عمر]

أقصد بكميره المراقبه انك تتابع السلوك والافضل انك تشاهد عميه التلقيح بنفسك..اذا كنت تفهم بالانجليزي يوجد مواقع اجنبيه,,وفي اليوتيوب فيديو عن كيفيه تفريخ اامزوني ابحث عنها باللغه الانجليزيه,,حاول كسب معلومات اكثر من خلال السؤال خصوصا للمنتجين,,المهم صمم القفص المناسب للامزون من ناحيه باب الدخول للاكل والماء وصندوق العش وباب دخول الامزون

[ريان22]

انا قلتلك على خويي سألته يقولي لازم تكون الارضيه تراب والقفص كبير

ولازم لازم التنويع بالاكل فواكة وخضروات من جميع الاصناف

الله يوفقك

[عبووووووودي]

حياكم الله ياشباب

كفيتو ووفيتو
وانشالله اليوم بدا المرحله الاولي من المشروع القفص وراح اوافيكم بكل الصور
ولو فيها اخطاء عاد ماتقصرو معي انتم

القاضي على راسي يغالي والله يوفقك يارب loo فدا راسك الطير وصاحبه ياحلوو

ريان الله يجوزك ثلاث يارب خخ

جبل عمر للسف ياصديقي لا اعرف انجليزي لاكن انشالله راح تمشي الامور بسهاله يارب

وبالنسبه للخ مازن الحازمي انشالله انه يوقف معي

[0القاضي0]

الله يوفقك يالغالي


وتراني متحمس للفكرة معك ويمكن أكثر منك


وادعيلك ربي يوفقك

وقريب سأكون شريك لك في نفس الفكرة

ولكن أببدى على قدي بالبلو فرونت

أنت ما شاء الله عليك بادي من راس الهرم ( اليلو ناب )


ننتظر جديدك

[مكحل الجنيه]

اخوي عبوووودي

مثل ماقالولك الاخوان

ماجد الحازمي راح يفيدك كثير

وهو عضو بالمنتدى واحد ابناء مكة

يعني جيران وراح يفيدك اكثر من غيره

[شرحبيل]

الله يوفقك يا عبوووودي وان شاء الله مشروعك بينجح بإذن الله

شد حيلك وبالتوفيق من قلبي

["مجرد علامة"]

بالتوفيق يا اخ عبوووووووووودي

وعقبال الحضنة الثالثة والرابعة


واذا بغيت اي خدمة ترجمة تحت امرك


















يارب عفوك

[راينو]

الله يوفقك
كان ودي اساعدك ولو بشي قليل
بس والله ما عندي خبرة بالانتاج

[احمد321]

السلام عليكم. عبووودي
ودي تخبرني ايش اخر الاخبار ؟
لاني مثلك ناوي انتج .

[*غلا*]

اخوي قريت مقال انه ممكن صندوق العش حق الافريقي ينفع للامازونيات
اتفضل
http://www.dewaniparrots.com/images/African%20Grey%20Parrot/African%20Grey%20Parrot%20(48).jpg

الطول 50 سم
الارتفاع 35سم

العرض 35سم

قطر الفتحه 10سم

وربي يوفقك ويبشرك باللي يرضيك :)

[مجنون فلته]

http://www.avesint.com/images/yna1-00.jpg

بالتوفيق اخوي

[عبووووووودي]

الله يجزآكم خير يخوآني


وآلله يوفق كل من سآعدني

وآبشركمـ

آلغرفه وكل شي آنتهي وآلحمد للـه

دعوآتكمـ بس

بآلتوفيق للجميـع