صور كلبي اليديد

[بو تركي]

السلام عليكم ورحمة الله وبركاته



يا جماعه باركولي شريت كلب يديد



الاســم: T R O Y


النـــــوع: جيرمن شيبرد -- من سلالة ممتازة


الـعــمــر: ثلاث أشهـــــــر



والحين اخليكم مع الصور
V
V
V
V
V
V
V
V
V
V
V

http://www.w6w.net/upload/12-07-2005/w6w_200507120827525944b33d.jpg


http://www.w6w.net/upload/12-07-2005/w6w_20050712082242a3653495.jpg


http://www.w6w.net/upload/12-07-2005/w6w_200507120823278e047e51.jpg


http://www.w6w.net/upload/12-07-2005/w6w_20050712082419315adee8.jpg


http://www.w6w.net/upload/12-07-2005/w6w_20050712082657b56a4eea.jpg



ونشكر مشرفنا العام بو فهد لان اهو اللي التقط هالصور ولا ليش حلوه :ANSmile06

(جم تدفع على الدعايه يا بو فهد)



انتظر ردودكم وابيكم تعطوني رايكم



تحيتي

[NONO]

مبرووووووووووووووووووووووك يا بو تركي

شكله حلو ماشاء الله واشكر الاخ بوفهد على الي التقط هذي الصور

يحقلك تسويله دعايه على الصور

[بوعزوز]

حلو حلو هذا الجلب عجيب او انا اعرف ابوه او امه خصيصن ابوه جاك او امه ليزا هههههههههههه
والله اخوي انت هالجلب دربالك عليه لانه امه او ابوه جلابي او انت خذيته من مزرعة ياسر انت اتعرف واحد اسمه عذبي اكيد المهم حبيبي جلبك ابوه او امه جلابي او انا خصيصن انا مدربهم او اعرف الجلب الي عندك رح يطلع شي عجيب اذا اهتميت فيه عدل
او بالمبارك عليك
مع السلامه

[بو تركي]

الله يبارك فيييج يا نونو وهذا من ذوقج

ولو الصور مو حلوه جان ما سويت دعايه لـ بو فهد






الله يبارك فييك اخوي بو عزوز ومشكوور على مدح الكلب بس مادري والله ويأسفني ان اقول ان ابو الكلب وامه نعرفهم لا جاك ولا ليزا ولا من مزرعة ياسر ولا اعرف واحد اسمه عذبي بس مشكوور على مدح الكلب وانا انشاءالله راح اهتم فيه



تحيتي,,,,,,,,,,,,,

[لحن الخلود]

ماشاء الله ماشاء الله
شنو هذا الزين إختيار صائب والله يهنيك فيه
وخل عنك الكالسيوم والسوالف هذي وحيلك بموضوع تغذيه بالممنوع راح إتلاقيه بالقسم :)
إنشاء الله يفيدك في بعض الاشياء
ولونه روعه ومواريه طيبه
واشكر الاخوان بعد في إبداء رأيهم
وأشكر الاخ بوعزوز وأهنيه إذا كان عنده أشباه لهذه السلاله
وكلاب بومحمد أسد رائعين جدا وهو شخص ذو خبره جميله وتعامل راقي بس ما أعتقد أن كلابه بهذا الجمال :) :) :)
يعطيكم العافيه
والف مبروك يابوتركي على الكلب الرائع
حقا من غير مجاملات جرو رائع (ويستـاهل)

[بو تركي]

مشكووووور يا اخوي الحبيب لحن الخلود عالرد الجميييل ومشكووووووور على ابداء رايك الجمييل

وهذا كله من ذوقك

واشكرك مره ثانيه على الرد الراقي




تحيتي,,

[بوعزوز]

اسف اذا كنت غلطان بس اذا انا غلطان ممكن تعطيني اسم ابوه او امه صح ممكن انا غلطان بس انا يوم السبت بعد جرو لي من ليزا او كان مثل هذا بالضبط او اسف اذا كنت غلطان او ابي اعرف امه او ابوه؟
او مشكورين

[بوعزوز]

اسف اذا اذيتك بس انا بعرف امه او ابوه او اذا ما اتعرفهم عطني الرقم الي على الاذن

[بو تركي]

لا لا لا شدعوه تتأسف انت شسويت بس انت كنت مشبه ومافي ازعاج ولا شي


اول شي الكلب شاريه من اسبوعين تقريبا

وانا انشاءالله باقرب وقت راح اييبلك اسم امه وابوه بس اللي اعرفه ان ابوه اسمه نترو او اترو
وابوه لما كان عمره 8 اشهر اخذ بطولة التشيك بالجمال ولي عمره سنه و4 اشهر واهو ياخذ هالبطولة على طول


وراح اييبلك معلومات اكثر عن اسم امه





تحيتي,,,

[ShevaHund]

مبروك يا بوتركي
ماشاء الله و يتربى ابعزك انشالله:)
دير بالك عليه

[بوعزوز]

صح اخوي انا اصلن انا الي بعته نثيه او الي عندك ذكر هههههههههههههههههههه صج اني مخدي عادي اعذرنا اخوي او نفس ما قال اخوي ShevaHund دربالك عليه عدل او شكله بيطلع وحش ههههه

[بو تركي]

ههههههههههههه عادي


ومشكورين كلكم ومشكور ياخوي ShevaHund




تحيتي,,

[قناص]

بالمبارك

ودير بالك على الوحش

[nevada]

ماشاء الله خوش كلب....
عاد ما اوصيك دير بالك عليه....

بوعزوز الكلب هذا من رس أودن و الشقرا اللي يملكهم الاستاذ جاسم الحشاش....

[3yoon]

مافي صور يا اخ بوتركي

يمكن انت محملهم على موقع وراحوا ياريت تحطهم مره ثانيه

شكرا ...

[بو تركي]

* الله يبارك فيك يا قناص

* ومشكووور عالمرور يا اخوي نيفادا

*ويا اخوي عيون انت تامر واحنا نطامر افا عليك جم 3yoon عندنا





تحيتي,,

[العقرب الأمبراطوري]

مبروك بوتركي

ذكرتني بأيام الطفولة يوم كنا نربي الكلاب على السطوح

[Big Boss]

:cool: مبروك اخوى وتستاهل
بس ديربالك عليه من الشمس
والحشرات ولا تخلى فى البدايه يتعلم على الناس :bdaysmile

[بوعزوز]

في معلومه خطره لفتت بالي توه قالها لbig boss او اهيا خاطئه او خطره جدا اهو ايقول بعده عن الناس ابي اعرف هالمعلومه انت من وين يايبها لانه الجلب اول ما اي البيت اول اسبوع اتعلمه على قوانين البيت عندك او لها تدريبات خاصه هذه القوانين او من ثاني اسبوع او اكثر من اول ما يبته لازم قد ما تقدر اتطلعه اماكن جديده مو متكرره او تمرره عند الناس بس في شرط مهم محد يلمسه ولو شنو ايصير صح اصغير بس محد يمسكه او انا هذي المعلومه الي اقولها مو بس جذي من كيفي انا عندي مدربين عالميين على اتصال انا معاهم في التدريب او اقدر اعطيك ارقامهم او اسألهم بنفسك او في شي ايسوونه علشان محد يمسكه ايلبسونه لبس مثل الجاكيت على الجلب مكتوب عليه working dog او هذا بره في اوربا او امريكا يعني محد ايحاجيه او يلمسه مهما كان عمره.
انا بس كنت بعطي هالمعلومه لانها صج خطره لانك اذا بعته عن الناس للحظه تدري شنو رح ايصير رح ايصير Aggressive dogs او انت عبالك تدريب هذا النوع من الجلاب سهل تدريبه شنو ايعور القلب.
انا كنت بصحح لأخوي big boss علشان لا يطيح بخطأ طاحو فيه الكثير من العرب.
وشكراا

[zgerty]

:) الف الف الف مبروك على الجلب :cool: يا بوتركي وانشالله الله يخليلك ياة :bdaysmile

[طلالو]

مبرووووووووووووووووووووووك يا بو تركي

[رياني]

يتربى بعزك اخوي

[رياني]

كلب جميل
يتربى بعزك

[micho]

لمتظهر الصور عندي

[محترف كلاب]

الصور مش باينه ارجو رفعها من جديد

[عزوز]

الصور موطالعه

[محترف كلاب]

ارجو رفع الصور مره تانيه عشان الصور مش ظاهره وانا عايز اشوفها بصراحه

[بحريني رومنسي]

مبروووك اخوي بو تركي والله يخليه لك
و يتربى في عزك
بس مافي صور
وتحياتي العنيفه لك وسلملمـــــ،،،