ســـؤال .. ارجــوو الرد بسرعه

[مشاغــب]

السلام عليكم ورحمه الله وبركاته


المهم

انا شريت لي قطوه صغيرونه عمرها شهر ونص

بس ابي اسألكم بعض الاسأله

شنو أوكلها .. هي اكلت اليوم دجاج والحليب عيت عنه


وشنو الاكل الي يضرها ..؟؟؟


وهل عادي اسبحها ولا لا ..؟؟؟


وعلى فكره امس وكلتها اكل خاص ورجعته ..

وفيها سهال .. وفضلاتها تبقى شوي عليها ..

كرمكم الله

[فطوم]

اخوي القطه صغيره ويمكن هالأكل جديد عليها..
لاتعطيها حليب ابدا لانه مضر بالقطط واستبدله بالروب وموكامل الدسم لانه مضر لها...

انصحك تعطيها دراي فود بدل اللحوم لان مفيد ويمسك البطن مايسبب اسهال :)

[مشاغــب]

يسلمووو مفطووم على الرد السريع


بس عندي استفسار اي دراي فود عادي اي واحد ولا معين

[قطقوطه]

الاخت فطوم ما قصرت
بالنسبه انك تسبحها او لا
لا تسبحها قبل لا تطعمها اول تعطيمه بعمر شهرين اللي هي الرباعيه اذا طعمتها ياها اصبر اسبوع وروشها بعده

والاكل عندك الاكل المخصص للقطط الصغيره مكتوب عليه (كتن) وحاول انك تعالجها من الاسهال والترجيع ظروري علشان لا يصير معها جفاف

[مشاغــب]

مشكوووره على الايفاده يا قطوطتي

وانا اليوم ابي اشتريلها الدراي الفود المكتوب عليه كتن


وهي بالمس ما رجعت الحمدلله بس معاها سهال


بس شنو الاكلات الي اقدر اسويها لها في البيت

[سـارة]

مبروك عليك القطة الجديدة

وانا أتفق مع فطوم و قطقوطة في اللي قالوه..

وبالنسبة لإنك تعطيها أكل من البيت فممكن تاكل دجاج مسلوق-بدون بهرات-..

وعلى العموم فالأكل الأفضل لها هو المخصص للقطط الصغيرة ..
ويوجد طعام رطب-غير جاف- أكياس صغيرة من ويسكاس مفيدة لها .

[قطو_Q8te]

ماقصرو كل الاعضاء معاك صراحه
بس دايما افضل اول مانشتري القط ناخذه عالبيطري يعطيه تطعيم ضد الدود واضطراب المعده
اهو عموما بيطعمه لك ضد الدود ويقولك تعال بعد اسبوعين ياخذ تطعيم اضطراب المعده
عطه بفك السفينه بهالعمر يحبونه حيل و شرائح جبن " سلايس " الي مع الهمبرجر وايد يحبونها
واذا عيش مسلوق ومهروس بعد يحبونه

[صاحبة وفا]

عن الطعام اللي فالبيت اللي تقدر تقدمه لها ...دجاج مقلي أو مفور .. او حتى لحم بس مايكون فيها بهارات كثير ويكون مع الاكل شوية صوص لان القطط تحب الصوص وحتى تقدر تعطيها سمك

[صاحبة وفا]

نسيت أقولك لاتعطيه في هذا العمر لحم لأن معدته ماراح تتحمل لأنه بعده صغير