قطوي محتاج مساعدة

[petsi]

السلام عليكم :)
أعضاء منتدى تو زو :o
انا عندي سؤال بخصوص قطوي بنكلي
اول شي بنكلي حالتة الصحية جيدة ويزو الطبيب البيطري بستمرار
لكن اليوم لاحظت عليه شي غريب .... ما كلا اي شي ولا شفته يلعب ويركض كالعاده . طول الوقت نايم وتنفسه مب طبيعي يعين بطنه يتحرك سرعه كأنه يلهث. وما يتحرك الا اذا انا حركته من مكانه ورفعته.
فممكن مساعدتكم واذا كان مريض شو ممكن يكون المرض اللي فيه ؟ وهل هالعلامات اتدل عالمرض؟ :(

[! هاويه الطيور !]

عليكم السلام


صعب علينا احنا بالمنتدى تشخيص الحاله من مجرد كلام لازم صوره او فيديو على الاقل


بس من كلامك ممكن يكون فيه " حراره " ياليت تلمسين اذنه واذا في حراره باذنه مرتفعه لازم الطبيب البيطري
فورا


بعض القطط تلهث ويهتز الجسم وتغمض عينها وتفتح فمها وتخرج لسانها اما بسبب المكان الحار جدا

او بسبب اللهوء طوال الوقت والجري


وطمنينا عليها :)

[petsi]

مممممم شكرا على ردج .... انا مسكت اذنه وماحسيت فحرارة يعني دفى بس مب حارة لكن جسمه اللي حار وانا اقصد بالتنفس السريع يعني حركة بطنه سريعه كأنه كان يركض او يلعب او يلهث من الحر مع انه لا ركض ولا شي بس طول الوقت نايم.
واذا كان فيه حراره شو ممكن يعطيه الطبيب ؟ ابرة ولا شو ؟
............... بالمناسبة انا ولد.............

[sisi_moon]

اذا استمر على هالحال وديه للبيطري يشيك على صحته

يمكن معه شي بعيد الشر عنه

[! هاويه الطيور !]

عارفه انه بطنه يهتز
بس تاكد انت هل المكان بارد في مكيف ولالا ؟


وهذي بعض المعلومات


درجة حرارة جسم القطط الطبيعية هي 38.6 ْ م ( 101.5 ْ ف ) مع فارق 0.5 ْ م زيادة أو نقص ( 1 ْ ف ) ، وإذا تجاوزت درجة حرارة الجو الـ 36 ْ م ( 97 ْ ف ) فإن حرارة أجسامها تبدأ في الارتفاع ، وتبدأ القطط في اللهث لتبريد أجسامها..




اكيد الطبيب يعطيه ابره ااذاا عنده حراره طبعا بيقيس الحراره اولا وبعدها يعطيه


وهل ياكل القط ولالا
ممكن الارتفاع الحراره او انخفاضها تدل على مرض اخر فـ لازم تشوف القط تصرفاته

[petsi]

اشكركم على اهتمامكم بقطط الاعضاء
اختي هاوية الطيور : هيه المكان بارد وفيه مكيف و اشكرج عالمعلومات اللي قدمتيها لي واذا عن موضوع الاكل فالقط ما اكل شي طول اليوم رغم اني قدمتله الاكل بس هو رافض انه ياكل .

اختي سيسي مون: انا على حظي اني كنت حاجز حق القطو موعد تاريخ 2-8-2009 حق التطعيم السنوي يعني حتى لو اتحسنة حالته انشاءالله انا باخذه للبيطري بكل الاحوال واشكرج على تعاونج.

[! هاويه الطيور !]

دام وصلت حالته انه يرفض الطعام
لازم طبيب انطر الساعه 10 الصبح اليوم ووده حرام تخليه جذي يتعذب
امبين في حراره او مشكله ثانيه

بخصوص المكيف اذا بارد بارد اول خطوه تقصر شويه لانه ااذاا بارد القطط تاخذ برد
ممكن يجيها حراره ممكن غازات ممكن اسهال


لانه الخمول ورفض الاكل سببها الحراره نوعا ما

[petsi]

ممممممممم لا شكلي بطلعه برا الحجرة يكمل نومته فالصاله .... انشاءالله انا باجر باخذه للبيطري ويكون مافيه شي.
وشكرا