كيف أولف الدرة...؟؟

[عاشق الببغاوات2]

السلام عليكم

أن أشتريت درة جوز غير اليفات أريد كيفية توليفهن وهل الافضل أن أفصلهن عن بعض اذا بغيت أولفهن..وكيفية تعويدهين للكلام وهل الدرة قليلة الكلام بشكل كبير..يعني مثلآ هل فيه درة تتكلم يمر اليوم واليومين دون أن تتكلم أم أن الدرة قليلة الكلام بالنسبة للكاسكو والغيني..؟؟

[kaznofa]

ياغالي طالما هي زوج لازم تحدد اول شئ هل انت تبغاها للتكاثر او التدريب والترويض

بالنسبه للترويض ... اذا كانت الطيور كبيره بالعمر اول شئ لازم تسويه للطائر هو قص الجناح ... لان الطائر الكبير العصبي اذا كانت اجنحته كامله هي سلاحه الوحيد للابتعاد عنك فتلاقيه بمجرد ماتقترب منه يطير ... عشان كذا لازم تقص الاجنحه مبدئيا .... وانتبه روح لمحل يسويها لك اذا ماتعرف

بعد كذا تبدأ في الجلوس مع الطائر فترات طويله علشان يتعود عليك ويعرف انه مافي اي خطر منك

بعد كذا تبدا تدريبه بمحاول رفعه على يدك بهدوء وشويه شويه بتلاقيه يصعد من حاله وعلى هالحاله فتره من الوقت تلاقي الوضع صار معاك تمام والله يعينك حاول تبليس شئ لان عظته متساويه مع لدغه الافعى في الالم :p

طبعا خلال هذي الفتره ابدا بالتدريج تقليل وجبات الطعام له وتقديمها من يدك مباشره وكل ماشفته رفض جوعه اكثر بس انتبه علشان مايروح عليك الطير تجي تلقاه هيكل عظمي




بالنسبه للقدرات الكلاميه

الدره عموما ماتوصف بانها متحدثه جيده ( خاصه الهنديه الصغيره ) وانسى طبعا انك تقارنها بالكاسكو او الغيني لانه مره مافي مقارنه من ناحيه الكلام

عاده الدره ماتنطق باكثر من خمسه كلمات باحسن الظروف ... واذا نطقت ست انصحك تروح تسجلها في جينس على طول :D فمو من العدل انك تقارنها بالافريقي افضل طير متكلم على الاطلاق

يعني الدره طموحها مره وتجلس شهور تدربها علشان تقول كلمه ( مياو )

الافريقي في يوم او يومين يجيب لك صوت قطره الماء او نغمه الجوال

اتمنى اكون افدتك واسف على الاطاله

تحياتي

[PrEsIdEnT]

اذا كانت فروخ اسهل بالتدريب واذا كبار اصعب


اول شي تفصلهم كل واحد بقفص وتقص ريشتهم عشان ما يطيرون وتقص ظفورهم بعد



وتخليهم كم يوم لين يستقرون


وانا انصحك تبدأ مع واحد وتترك الثاني لين تخلص من الاول


اول شي تدخل يدك عليه وتحاول تمسح على راسه و جسمه طبعاً اول مره تدخل ايدك راح يخاف


لذلك مع الوقت راح يتعود على دخلة يدك عليه بالقفص وما راح يخاف ويترك الجعير


بعد ما يوالف على يدك ويصير يركب عليها ما يخاف ابدأ افتح القفص وكمل التدريب خارج القفص


بالتوفيق واذا احتجت اي شي انا جاهز :)

[عاشق الببغاوات2]

شاكر لكم..وهي مقصوصه..واعرف انها ماتقارن بالغيني ولا بلكاسكو..لكن لو كانت تعرف كلمة هلا..هل تكررها دائم ولا يمر اليوم واليومين دون أن تتكلم