وين ألقى فروخ كاسكو أعمار صغيرة أيام أو أسابيع

[nasser1430]

السلام عليكم

وين ألقى فروخ كاسكو أعمار صغيرة أيام أو أسابيع

يعني تغذيتها عن طريق اليد .

اللي يعرف يا ليت يدلني ... تحياتي ...

["مجرد علامة"]

السلام عليكم ورحمة الله

أنا ما اشجعك نهائياً

هذي الفترة من العمر صعبة جداً ولاأظن تجد من يبيعك هذه الفراخ بهذا السن

عالبركة اخي العزيز الله يوفقك

نصيحة من اخ لك اتمنى تأخذها على محمل الجد ....

*** إبتعد أنتبه وأحذر من شراء ببغاء غير مفطوم "unweaned" !!!!

الفروخ الصغار تربيتها غير سهلة وتحتاج الى عناية خاصة من قبل شخص محترف

أتمنى ان تأخذ لك طائر مفطوم "يستطيع ان يأكل بنفسه" وابتعد عن الإبر والسيريلاك وهالسوالف
ووفر على نفسك وعلى الطير المعاناة والإرهاق

هذا رأيي الشخصي ونصيحة لك مجانية

والله يوفقك

[nasser1430]

"مجرد علامة";992231]السلام عليكم ورحمة الله

أنا ما اشجعك نهائياً

هذي الفترة من العمر صعبة جداً ولاأظن تجد من يبيعك هذه الفراخ بهذا السن


شكراً أخوي ( مجرد علامة ) وأنا والله عارف إن تربية أي طير وهو فرخ صعبة جداً جداً ومرهقة ومهيب مضمونه .. وبأي وقت يمكن يموت الطير .. وخاصةً الكاسكو وما شابهه من الطيور الناطقة .

بس أنا بغيته مجرد هواية وتضييع وقت ... وفي نفس الوقت جميل جداً إنك تربي طير وهو صغير .

تحياتي لك .. ولاهنت على النصحية .

["مجرد علامة"]

الله يوفقك وييسر أمرك

انا حبيت اني اوفر عليك معاناة فقدان الطير او ان تتسبب له بحروق الحوصلة او التهابات او عادات غذائية سيئة بسبب الفطام

كل هالأشياء توفرها على نفسك بشراء طير صغير ومفطوم بنفس الوقت

وترى خطأ حكاية ان الطير اللي بتفطمه بنفسك بيكون طائر افضل









وفالك البيرق :)














يارب عفوك

[الآسطورهـ]

الفروخ الي من انتاج البلد تقدر تحصلها وهي مو مفطومه

وبالتوفيـق

[فارس مجهول]

ياغالي .. شوف اذا ماعندك وقت فراغ

ابعد عن الفروخ بتاتا لانها محتاجها عناية واهتمام بالتغذيه

انا عندي الان كاسكو ماخذه وعمره شهرين انتاج محلي

والى الان ينغر .. فلازم تكون منظم وقتك والاهم يكون عندك وقت للاهتمام فيه[/
والاهم انك صعب تحصل عليه في عمر اسابيع اوايام.. لان الطير في هالوقت

محتاج عنايه شديده وحضانات .. والطير مايؤخذ من امه الا بعد اكماله لاسبوعين

عمر شهر ونص شهرين معقوله اما بها العمر صعب

[بندولة حب]

خوفتو الرجال على غير سنع كل انسان وقدراته ياناس يقولكم هوايه وتضيع وقت يعني فاضي للطير المفروض نشجعه الله يكتب لك الصالح وتلقى مبتغاك

[الكاسيكو]

مرحبا بكم جميعا الاخ فارس مجهول انت تقول انك اشتريت فرخ انتاج محليا فياريت تعطينا رأيك بك صراحه فيه من جميع النواحي سواء الصحه او الشكل او التدريب وكل الامور . اما من ناحيه التغذيه فهذا شئ طبيعي اي مخلوق وخاصه عندما يكون صغير يحتاج الى عنايه اكثر لمده معينه حتى الانسان فأنت تتعامل مع روح وليس مع جهاز بأمكانك تخزينه .

ملحوظه : طائر الاخ فارس مجهول مسحوب من امه وعمره خمسه ايام ويوجد صوره له بذلك وياريت يتكرم ويضع صور الطير الذي عنده الان وقدا بدأ في الطيران وهو بصحه جيده فأين مصدر الخوف .

["مجرد علامة"]

بس أنا بغيته مجرد هواية وتضييع وقت

اخي الحبيب هذي ارواح مو لعبه وتضييع وقت

المواقع الأجنبية وهي تبع ناس غير مسلمين تحذر وبشدة من شراء فراخ " غير مفطومة "

وكلما جيت موقع للبيع يقول لك "ملاحظة : نحن لانبيع طيور غير مفطومة "

هذا وهم ناس لاملة ولامذهب
كيف عاد حنا يالمسلمين ، الموضوع ياخي الحبيب اكبر من مجرد تسلية اقرأ مواضيع وفيات الطيور بالموقع
اغلبها فروخ

ورح شف اليوتيوب وشف شلون اطعام الفروخ الشغلة ماهي خذني جيتك

وتذكر الأحاديث الشريفة تحكي لنا شلون دخلت النار امرأة بسبب هرة وكيف دخلت الجنة مومس سقت كلب


وهذي مجرد نصيحة من اخ لك يعلم الله مابي لك الا الخير

ولا أريد تخويفك "على غير سنع"


الله يرضى عليك تقدر تلقى فروخ مفطومة وعمرها صغير 6 او 7 شهور

وربي يوفقك

















يارب عفوك

[PINK COCKATOO]

انا انصحك تأخذ واحد توه مفطوم .. ! ..
بحكم تجربتي اشوف ان فروخ الكاسكو حساسه جداً .. وومكن تموت في أي وقت . .

[مجنون فلته]

السلام عليكم

اخوي انصحك بمفطوم بس اذا انت تقدر على هالشي

فتحمل بالطير كثيرا وبالتوفيق

اعتقد بالسعوديه فيه محلات لتفريخ وياريت احد يزودنا بالمعلومات والأسعار

وبالتوفيق للجميع

[@الزير@]

يالييييييييييييييييييييييييييت شباب زودونا

[كاسـ jeddah ـكـو]

ياجماعه الرجال طلب اماكن تواجدها مافيه داعي تصعبونها بنظره .. مو كفايه انها صعب الواحد يحصلها هههههههههه

بالنسبه اخوي اذا بغيت الفروخ وهي بهذي الاعمار ماتعدت الشهر .. شي نادر يلزمك تشوف مزرعه او تسال احد الاخوان ومن لديه الخبره عن اهل التفريخ بالافريقي .. او اذا تأزمت الامور تشوف المحلات الكبيره وتسال عنها لأن بعض المحلات تستقبل حجوزات ويوفرون لك الطلب بعد مده

[فارس مجهول]

طبعا ... انا حاب اوضح نقطه للاخوان .. ومنور اخوي ابومصطفى الموضوع

انا ماقصدت اخوف الاخ .. لكن صعب تاخذ طير عمره اسابيع اوايام لانه يبغى

له عنايه... بس ممكن في عمر شهر او شهرين ..العمر مناسب

هي تجربه ممتعه ... للي عنده وقت فاضي ... لانك راح تجد طائر

عمرك ماراح تنساه... والطير تبعي اخوي الكاسيكو الان ينطق

ولله الحمد... وانصحك بالانتاج المحلي .. لتأقلمه على

اجواء منطقتنا ... لانه اضمن وافضل من الطيور المستورده

لان الطيور المستورده ... ممكن من 30 طير 5 منهم

راح يعيشون باذن الله .... وكل حاجه بأجرها لان الطير

اللي ماعتمد على نفسه... انت عنده بكل الدنيا امه وابوه وحبيبه

وكل حاجه ... تقبل تحياتي

ف ا ر س م ج ه و ل

[بندولة حب]

يسلم فم الفاهمين يا فارس مجهول وياليت اللي ماجرب لايتفلسف على الفاضي ويامجرد علامه الله حط الامل بنفس كل انسان بهاالدنيا ولولا الأمل كان ماعاش ولا انسان حياته الطبيعيه كان كل شخص قال وشله اشتغل وشله اجيب طير وربيه وانا بموت انا شخصيا جربت تربيت طيرين وهم لسا فراخ وماياكلو الا سرلاك واحد دره وواحد امزوني وماشاء الله تبارك الرحمن انفطمو ولا شفت اللي تقولون من خزعبلات كله بقدرت ربي واهتمام الشخص وقدراته مع الطير والله يوفق صاحب الموضوع ويلقى مبتغاااااه

[nasser1430]

اشكركم جميعاً بدون إستثناء على الردود الطيبة ... ويعلم الله العلي العظيم إن القصد مهوب التسلية وتضييع الوقت بأرواح هالطيور ... أبداً والله .. بس القصد بدل تضييع الوقت في شيء لا يرضي الله ولا رسوله ولا المسلمين .. قلت أقضي وقتي في شيء ينفع ويسلي ... وخصوصاً هالأيام وبدون نقص بأحد ولا تشأوم والعياذ بالله زمان أقشر وأنتم عارفين .

كفانا الله وإياكم كل شر ... ومرة ثانية شاكر ومقدر بصدر رحب كل آرائكم .. ولا هنتم يا أحلى أعضاء في أحلى منتدى .

تحياتي وسلامي لكم ...