الببغاء يرد علي ..لاهل الخبره...

[SALEEM99]

السلام عليكم ورحمه الله وبركاته

عندي ببغاء افريقي محجل بحجل ذهبي وعيونه توها باديه تتحول من اسود الى رمادي..كم عمره...؟؟
ولاهم من هذا كله اني اردد عيه كلمت يعقوب وطقطه وتصفير من يوم ماجاني من شهر ونص تقريبا

ولا تكلم الا الحين ولاكن اذا كان بغرفه وانا بغرفه وقلتله يعقوب يعقوب يرد علي بتصفير
مع كل كلمه اقولهايرد علي بتصفيره

واذا كان طالع من الشبك وقلتله يعقوب وهو بغرفه وانا بغرفه وصوتله يعقوب يعقوب يجي لمي وهو يصفر ويطلع فوق كتفي

اسوال ((مامعني هذا التصرف اذا ناديته))؟؟((وهل يرد على كلمت يعقوب بتصفير ماحولت كلام ام ماذا))؟؟((وهل هو في سن يسمح له بالكلام))؟؟؟؟؟؟؟؟؟؟؟؟

ارجو الرد جزاكم الله الف خير واللهم بلغنا رمضان

تحياتي لكم

[@ABDullah@]

و عليكم السلام و رحمة الله و بركاته

اولا:ما معنى هذا التصرف ؟

هو ربط كلمة يعقوب بالصفير لانك كنت تلقنه ياهم مع بعض فصار اذا قلت الجزء الاول يقولك الجزء الثاني

ثانيا:هل هو في سن يسمح له بالكلام ؟

ما عندي فكره عن السن

ان شاء الله تكون استفدت

الله يوفقك ان شاء الله

[SALEEM99]

مافهمت كلامك يالغالي

[NTFA]

أخوي @ABDullah@ قصدة..


مثلا: إذا أنت عطست و قلت الحمدلله وش راح يقلون الناس بيقولون يرحمك الله..


هو كذا الكاسكو حقك إذا قلت يعقوب يقعد يصفر.. عرفت أخوي؟؟..!!


هو يكمل الجزء الثاني .. بـأختصار..


بالنسبة للعمر ما اعرف واجد بالكاسكو إنشاء الله يفيدونك..


تحياتي..

[SALEEM99]

طيب كيف اخلي يقول الحمد لله وانا اقول يرحمك الله

يعني كيف اخليه يقول يعقوب بدل التصفير فهموني الله يرحم والديكم

[زياد محمد]

والله يآخووي بالنسبة لعُمر الطير آن شآءالله والله آعلم :D
من 7 شهور الى 11 شهر تقريبا

وكلآم آخونآ آول رد فعلآ صَحيح آنت تكلَمه وفي نفٌس
الوقُت تصَفرله ..؟ وطيرك توه يبيَله شوويت وقت لاتسَتعجل بالكلآم ..؟
فقُط هيئ له الجَو المريح وآكله زين وآعتنَي بالنظآفة وآنت تشووف ;) تصَبر;)

[عاشق الدره المطوقه]

يمكن يحسب انك تسميه يعقوب

[ريان22]

بالنسبه للعمر

من 7 شهور الى 10 شهور لا اكثر

[اشجان الزمن]

المحجل-الشهير بالهولندي-سبب لي مشكلة؟؟
يعني كان عندي محجل بفضي وكنت مهتمة في وفجأة مرض ومات ويوم سألت صاحب المحل قال: اي مناعتهم ضعيفة :(
ملاحظة: أنا قليلة خبرة

[فارس مجهول]

هلا اخوي... طيرك مبين عليه انه ذكي

ماشاء الله لانه مو سهل اي طير يصفر او يتكلم

امام اي شخص حتى لوكان مربيه ... فاهتم فيه ولقنه صح

هو اول حاجه راح يجيبها تصفير بس بعدين راح ينطقها ..

فيه طيور تتكلم من الشهر الرابع ياغالي او اقل .. كل طير

وعلى حسب ذكائه فمثلا عندي طيري .. يقول اسمه بالتصفير

وهو لسا داخل على الشهر الثالث .. فالمسئله تختلف من قدرة

طير لاخر ... تقبل تحياتي

[SALEEM99]

يعني هل معنا التصفير انه يحاول يتكلم؟؟؟؟؟؟؟؟؟؟؟؟؟

[ريان22]

التصفير ماله شغل بالكلام

هذا يدل ان الطير جريئ لا اكثر

كل الطيور تصفر لكن اللي تكلم شي ثاني

حاول تكلمه وتجلس معاه بيتكلم

[SALEEM99]

معليش طولت عليكم الاسئله بس يعلم الله ا ماعندي الا انتم اسئلكم تحملوني شوي

هو يطلع صوت بعض الايام مثل صوت الفرخ فهمتو علي

[كاسكوكيه]

ما شاء الله .. شكله ببغاءك يعقوب قابل للتدريب .. حاول تركز على كلمه معينه كل مره.. يعني لا تخلي الموضوع يختلط عليه..

مثلن.. يوم تقول له يعقوب.. شو تريده يسوي؟؟؟ يطير لعندك؟؟ يقول نعم؟؟ حط خطّه في بالك.. وركز تدريبك للطير عشان يكون ناجح و تكون النتايج مثل ما انته تريدها..

يعني لو قلت له يعقوب و طار لعندك اظن هاي احلى شي.. مثل ما تنادي انسان و يجيك

طيب.. عشان التصفير.. حاول تفصل التصفير عن الاسم.. يعني مثلن تقدر تعلمه "انته حلو" و يقوم هو يصفر.. مثل ما نحن يوم نشوف شي حلو وايد بعض ردات الفعل تكون تصفيره.. ممكن تدرب الطير على هالحركه

يعني باختصار حاول يكون تدريبك له مركز و مدروس ^_^

والله يوفقك امين :)

[Mr.7MoOdY]

ماشاء الله الطيير رائع

هو له قابلية للكلام بس الحق علييه ابدا علمة

[SALEEM99]

قبل كل شي ابيه يتكلم قبل ماربط الكلام بتصفير انا ابيه يتكلم هذا اهم شي

كيف ابدل التصفيره بكلام؟؟؟؟

[فارس مجهول]

ياغالي ... الطير معروف قبل مايبدى

يتكلم تشوفه يستمر بالتصفير وبكثره

بدايتها راح يجيبها تصفير زي ماقلت لاتخاف

ان شاء الله راح ينطق بس انت لقنه صح وبصوت عالي

والاحلى والاجمل .. انك تربط هالتلقين بالفعل مثلا

لما تدخل عليه .. تقول السلام عليكم .. ولما تروح

مع السلامه... لما تبدل صحون الاكل تقول بسم الله

وكذا ... عشان لما تجيه من لحاله بعدين راح يتكلم

زي مادربته .. وياغالي لاتستعجل طيرك مبين انه جرئ

[SALEEM99]

السلام عليكم ورحمه الله وبركاته
صباح الخير شكرا لكل الي ردولي وماقصرو بيض الله وجيهكم

والي عنده اضافه لايبخل علينا

شكرا

[nasser1430]

اخوي سالم 99 ... كلام الاخوان كله صحيح 100 × 100

وبالنسبة لطيرك عمره من 8 إلى 11 شهر ... وبهالسن ما يعرف إلا التصفير هي لغة التفاهم بالنسبة له .. أما الكلام فهي قدرة إلهيه من رب العالمين تختلف من طير لطير .. وما دامه يصفر في الوجه ... بإذن الله راح ينطق .. مثل ما صار مع الاخت ( كتكوتة صغنونه ) .. تراها عجزت من طيرها حتى بعد الصبر الله أكرمها بإن طيرها بدأ بالكلام .

بس يبيله صبر وَ طول بال ... وتلقينه بصوت واضح بس مهوب صوت مرتفع الصوت الطبيعي كأنك تسولف مع إنسان .. وحاول إنك لا تكثر الكلمات عليه ... يعني في بداية التعليم ركز على كلمة وحده أو ثنتين عدة أيام .. قل له كلمة وحدة قصيرة يعني من ثلاث إلى أربع حروف مثل ( بابا ، مين ، سلام ، صوت القطو ( ميو ) ... يعني كلمات حتى نطقها على الطفل الصغير سهله فما بالك بالطير .

بس أهم شيء الصبر الصبر الصبر ... وطولت البال ..

تحياتي والله يوفقنا وإياك ...