اتمنى الكل يدخل يساعدني..

[رسام مشاعر]

السـلام عليكم ورحمه الله وبركاته ..


صبحكم الله بالخير جيمعـا ...


اخواني : انا عندي ببغاء توني شاريه من يومين تقريبا..


كاسكو افريقي ، عمره سنه وشهر تقريبا ، عنده تصفير بسيط مو دايم ،،


بالنسبه للببغاء الليف جـدا ما يعض بس عنده جعر بسيط ، وخواف مره يعني اذا جيت احك راسه

يوخر اصبعي بلسانه ما يعض ابدا ،، وبالنسبه للمشكله اللي اقولها صدره مو كبير مره على عمره.

يعني صغير مو كبير شكله معصقل يعني .. ما ادري وش فيه هل يحتاج اوديه لدكتور بيطري..


او اعطيه بعض الفيتامينات ، لاني سئلت شخص ، قالي عطه تفاح وشوي خيار ..

وايضا : لو احد يقدر يساعدني كيف اخليه يطلع على اليد وياكل من يدي يا ليت...

وكيف اعلمه الكلام اللحين ومتى ، وكيف الطريقه اللي اخليه يتكلم ويصفر..


وســلامتـكم...


اتمنى اللي عنده خبره بالموضوع يساعدنا ، لو بكلمه ...


الله لا يحرمـكم الاجـر. ، انا في انتـظاركم اخواني..

[كيـكو]

وعليكم السلام ورحمه الله وبركاته

هلا اخوي رسام بنسه لطيرك توه صغييره مشاء الله والحمدلله انك طحت في طير أليف ولايعض
وإذا كان مايعض ان شاء تقدر تسوي كل شي وإذا كان على الجعره لأنه ماتأقلم عليك واصبر عليه
وإذا على شكله يمكن لانه مصيود ولاتغذى كويس وانصحك تاخذ له فيتمينات وتكثر له من الفواكه
وإذا حبيت تدرب طيب فأنصحك تدخل موضوع سمسار لانه مشاء الله كل الي دخلو عنده طلعو بفايده وانا منهم كان طيري لايطلع على يدي ولايسمح لي احك راسه لاكن الحمدلله بعد سبوعين
من التدريب صار ياكل من يدي وصرت امسح عليه :D
اسفين على الاطالع واتمنى اني افدتك
تحياتي

[حياتي كلها كاسكو]

السلام عليكم

مبروك عليك ويتربى بعزك...

أول شي لازم تخليه هالاسبوع مرتاح وتغذيه زين باتباع مواضيع التغذية في المنتدى الحلو

وبعدها تطلعه على القفص يوميا حسب وقت الفراغ بس لا يقل عن ساعه وتمسح عليه على طول طبعا وخله

جمبك دايم وحطه بمكان تمرون

فيه أو تجلسون فيه عشان الجعره تروح ويتعود عليكم شوي شوي وحاول معه تطلعه على يدك بهدوء وانت تسوي

هذا كله تكلم معه لأن المفروض انه يتكلم بعمر 6 شهور تقريبا دايما كرر عليه ألو لأنه سهله أو أي شي سهل

وان شا الله ما يجي شهر الا وهو يتكلم بس حاول انك تركز على كلمه وحده ولا تستعجل عليه الصبر حلو

وطبعا ما يمنع انك تعطيه دش العصريه وهو على القفص في الشمس وتخليه ينشف مع الجو السعودي

بس أهم شي وانت ترشه لا تجي مويه على وجهه ولا تخوفه وبالنبه للأكل بيدك ألحين لو تعطيه بيذبه

فلازم يكسب الثقه أول شي بعدين تأكله بيدك ان شا الله وفي ناس تجوعه عشان ياكل من اليد بس ما أحب

هالفكره خله على هداوه مدام انك بتربيه ...

آسف عالاطاله وأتمنى انك استفدت وأي شي تبيه أي سؤال ولا استفسار لا تتردد اخوي وأتوقع مواضيع

المنتدى تكفي وتوفي والأعضاء موجودين . وشكرا

[رسام مشاعر]

حيـاك اخـوي كيكو : بيض الله وجهك ما قصرت كفيت ووفيت ..


بس استفسار بسيط اعطيه فواكه مثل ايش تراني بهالامور غشيم..


تفاح يعني كل يوم والا كيف ؟ اي الاوقات اعطيه ..

[رسام مشاعر]

حياك اخوي حياتي كلها كاسكو .. الله يبارك فيك

وإن شاء الله كلامكم راح اطبقه حرف حرف ..


جزاكم الله خير جميعا..