مشكله في كرواناتي

[a111]

السلام عليكم

شريتلي جوز كروان لوتينو وحطيتلهم عش تفريخ مساحته 30×30×30 والفتحه 9 سم
وعرض الخشبه 18 ملم

من تقريباً اكثر من شهر بس ما أنتج

والجوز احس انتهم غير متألفين اذا قرب الذكر من الانثى تطقه ( تنقره ) فما العمل عشان يتألفون

وأنا قد فصلت الذكر عن الانثى 3 أيام في هذي 3 أيام الذكر صار يغرد كثير بعد 3 أيام رضعتهم بس
ما تغير شي الانثى شرسه مع الذكر ولا تغير شي

اذا كان ما في امل يتألفون هل اغير الذكر أو الانثى ؟

وانا ماسئلت هذي الاسئله الا اني واثقه من اجابتكم علي

وشكراً مسبقاً

[كوكاتيله]

وعليكم السلام

أخوي هل إنت متأكد إنهم زوج ؟؟؟

لأن يمكن يكونوا ذكرين

وإذا كنت متأكد إنهم زوج فعليك فصل الأنثى

ووضعها في قفص صغير والذكر يكون في القفص الأساسي إللي فيه العش

ويجب أن يكون القفصين بالقرب من بعض بحيث

يشوفوا الطيور بعضهم

وتكون مدة الفصل إسبوع ثم ترجع الأنثى إلى قفص الذكر

وإن شاء الله ما تحدث مشاكل

ولا تفقد الأمل وإن شاء الله بيتآلفوا وينتجوا

وعليك أن تهتم بتغديتهم

فقدم لهم البيض بالبقسماط

وفواكه وخضروات مثل الجرجير والخس والجزر والتفاح

وعظمة الحبار تكون متواجدة في القفص دائماً

وإن شاء الله تشوف فروخهم :)

وبالتوفيق :)

[a111]

ان شاء الله

جزاك الله خير كوكاتيله

[a111]

فصلت الانثى عن الذكر مدة اسبوع
ومع ذلك هي شرسه عليه من يقرب من عندها تطقه ( تنقره )

[a111]

ياناس ليش ماتردن لهدرجه مافي خبيراء في هذا المنتدى العريق

[ابومحمد.]

حياك

ليش ما تبدل الانثى او الذكر

شوف النشيط منهم وخليه عندك وغير الثاني

وبعدين ماوضحت انك متاكد منهم انهم زوج ولا وضحت اعمارهم وفتحت العش كم بالسانتي

واذا تبي نتبادل ذكور عندي اربعه حط صورك واحط الصور اللي عندي لكن الطيور ماهي صفراء (لوتينو)

[german shepherd]

شي عادي انا طيور قعدو عندي شهرين وفرخوا
والانثى كانت تطق الذكر وهو ينحاش
الحين صار هو الي يطقها
وانا لما شتهم ينطاققون فصلتهم ثلاث ايام لاني كنت مستعجل ابيهم يفرخون:12:
بس ما تغير شي
بعدين قمت وفصلتهم خمس ايام ورجعتهم حق ببعض و مع هذا ضلو يتهاوشون بس اقل
و الحمد لله فرخوا :88: