سوال مهم وانا خايف وزوجتي خايفه الحقوني جزاكم الله خير

[نيمو]

السلام عليكم ورحمة الله وبركاته


سوالي الي ابيكم تجاوبوني عليه بخصوص النساء والي عندها او عنده خبره ومجرب يجاوبني

انا توني عريس واشتريت كاسكو نيمو ابو جعره :boxing:

لكن :think:

والله اني خايف وزوجتي خايفه بس من شو :confused:


انا اقلكم :angry:




زوجتي اعطتني معلومه حصلت عليها من احد صديقاتها بان الكاسكو والطيور بصفه عامه من ببغاء او غيرها :eek:


تاثر عليها في حدوث الحمل وان حدث حمل بفضل الله قد يسبب اثر ع الجنين ويضر به :(


وانا الحمد لله مؤمن بقضاء الله وقدره :)


وياليت بس النساء او الرجال الي كان مربين كاسكو او اي ببغاء ورزقهم بمولود وكان لديهم ببغاء من قبل حدوث الحمل يحدثونا عن قصتهم ويطمنوني واطلب منكم جميعا تدعولي بان ارزق مولود صالح صحيح البدن والصحه :)


وجزاكم الله خير :ANSmile06


ارجو مشاركتكم :ANSmile06

[NONO]

الصراحه أخوي أنا ماعندي اي معلومه عن هذا
بس اعتقد ان الببغاء مايأثر على الحمل اذا كانت زوجتك تخاف من الببغاء
فاحمل الببغاء في القفص وحطه بعيد عنها،أخوي اذا كنت تبغي تتطمأن من الخبر
خذ زوجتك الي الطب المختس بالحمل واستفسر عن الموضوع وان شاء الله راح تلاقي الجواب
واتمني من الله ان يرزقكم بمولود صالح صحيح البدن والصحه (ان شاء الله)

[rashid]

انا املك طيور من قبل ما يأتيني طفل والأن والحمدالله عندي طفلين والثالث جاي بطريق ما حدث شئ لهم من الببغاء .ولكن في صغر الطفل ابعد عنه الطير يعني خله في غرفة ثانيه لان ممكن يأتيه حساسيه من ريش الطير.

[نيمو]

اخواني نونو وراشد الله يجزاكم بكل خير على مشاركتكم لي واتمنى لكم التوفيق لما تتمنوه في الدنيا والاخره

واتمنى من الإخوه الاعضاء المشاركه ليستفيد الجميع

[بوهزاع]

هلا بالاخ نيمو توكل على الله ورب البغبغاء وعليك بالاعتناء بنظافته وكما قالوا الاخوان ابعد المولود لما الله يرزقك عن البغبغاء تجنبا للحساسية وانا عندي تجربة شخصية مع الطيور المولود الاول كان طبيعي والثاني بدا يصفر والثالث بدا يغرد والرابع قام يقلد الاصوات اللي يسمعهم :)

تحياتي لك وهذه دعابة بسيطة

[هيبه اسد]

اخوي نصيحتي بع الطير او وخره عن البيت كله
لانه مضر على الطفل ويمكن يموت الطفل منه

[قناص]

عزيزي نيمو . .

ما شاء الله أغلب الأعضاء أبدوا رايهم بالموضوع . .
وانت تستاهل . .

وأنا شخصيا سعمت كثيرا بأن الطيور والحيوانات قد تاثر على الحامل . . ولكن حتى هذه الساعة لم أسمع بأن هناك أحد قد وقع عليه الضر أو حصلت لزوجته مشكلة من الحيوانات أو الطيور . .

وعلى ما يبدو انه مجرد كلام يقال أو انها حدثت مره واحده فاعتقد الناس بأن الطيور والحيوانات تأثر على الحامل . .

وهذا رأيي الشخصيا ولا أاكد على ذلك . .

ونسأل الله العلي القدير بأن يرزقكم الذرية الصالحة . .

وشاكر لك عزيزي . .

[نيمو]

مشكورين جميعكم

بعضكم طمني وبعضكم خوفني زياده وبالدات كوكاتو كلامه يخوف وخطير ارجو من لهم تجربه يشاركوني ويطمنوني او ينصحوني


جزاكم الله خير

[هيبه اسد]

اخوي انا ابيلك الخير فئضن انه مضررر
وهذا شي راجع لك

[blind]

اخوي حسب علمي ان القطط هي من تأثر على الحامل والاطفال
ولاكن اقطع الشك بليقين واذهب الى الطبيب البيطري

[دلع بحريني]

صراحه انا ماعندي خبره في هالمواضيع


بس اللي اعرفه ومتاكده منه انه القطط تاثر في الحمل

لكن الطيور ما عمري سمعت في هالشي !!!


لكن المهم شنو ...

انته الحين تبي الطير ولا تبي سلامت زوجتك وحملها ؟؟؟


اكيد سلامت زوجتك وحملها

زوجتك صحتها وسلامتها في فتره الحمل ... اهم من الطير


الطير تقدر تعوضه لكن زوجته ولا الجنين اللي بطنها اذا صاده شي ما راح تقدر تعوضه او تبدله


فعشان لا تسبب حق روحك مشاكل انته في غنى عنها


وخصوصا انته متخوف من هالشي


خلاص يبه الطير مب ضروري وبيعه احسن لك وحق زوجتك

وهذي مجرد رايي الشخصي والقرار بالنهاية يرجع لك

[رحال الشرقية]

توكل على الله ورب طيرك

الي الله رايده بيصير سواء هنك الطير او بدونة

تحياتي لك

[عسوله جدة]

والله اخووووووووووووووي بصراحه اول مره اسمع عن دي المعلومه

[كوكاتيل مشاغب]

السلام عليكم ورحمه الله وبركاته
اخوي العزيز اتمنى لك ولزوجتك حياه سعيده ومين قدها ماشاء الله الله يخليك لها ويخليها لك ويابختها اللي زوجها مثلك والله يرزقكم بالمال والبنون ان شاء الله
بالنسبه للحمل وتأتير الحيوانات الاليفه عليه على حسب اللي اعرفه مافي اي خوف من الطيور لان وحده من قريباتي تبي تربي قطوه والدكتور منعها قالها ان القطوه ممكن تأثر على الحمل بسبب جراثيم تحملها وهي تبي تربي اي شي لانها تحب الحيوانات فاشترت طيور الحب والدكتور ما مانع فهذا دليل ان الطيور لا تأثير لها باذن الله على الحمل