الزبرا يتكلم

[sdda7]

بصراحه مثل ما قلت بالعنوان
مهب مره ولا مرتين اللي اسمعه فيها يتكلم ويقول اسمه واضح وبنفس النغمه اللي انا متعود اناديه فيها اسمه جوجو يمكن تقول ان الطير نغمت تغريده قريبه من الاسم
بس ارجع اقولك سمعتها واضحه اكثر من مره ومعي الوالده الله يحفضها شهدت الحدث
اللي اعجبني انه نفس اسلوب الببغاء تكرار الكلمه اسلوب النطق مثل الكوكتيل تقريبا
وانشالله بحاول اصوره وهو يقول اسمه واضح وابنزله

ويمكن تقولون اني انخدعت بسمعي بس فيه اكثر من واحد سمع انا والوالده واللي اثبتلي انا سكت ما قلت شي يوم سمعته الا والوالده تقولي ماكنه ينطق اسمه
مدري هل صار مع احد انو نغمت الزبرا تبعه شاذه عن باقي تغريد بني جنسه
عشان اقدر اثبت الشغله
علا فكره جوجو هذا ولد سداح ومربيه بعد وهو صغير بس هذا عايش داخل البيت من عرف الدنيا يعني ماسمع تغريد طيور غير الانثى اللي معه وبعد هي مربيها وهي فرخ
يعني ما يسمعون الا صوت اخواني واي واحد من اخواني بالعاده اذا قرب عند القفص ينادي جوجو هو على هالحال سنه
اتوقع لقط الاسم من كثر ما مر عليه

[beeshoo]

ماشاء الله ..
والله ماكنت اتوقع انه يتكلم ..
بانتظار الفديو

[A___L___X]

لا الاها الا الله اول مره اسمع ان الزبر يتكلم صور لنا فيديو حق نشوف

[m.n.a.n.g.h]

مسسسسسسسسسسستحيل
انه يتكلم بس نشوف يمكن الزيبرا لها قدره

[sdda7]

انا نفسي منب مستوعب
بس يمكن من تكرار الكلمه وهي على فكره سهله للنطق
وثاني شي انو ما سمع تغريد طيور غيره
وانا من زمان ملاحض ان صوته يختلف عن اصوات كل الزبرا اللي عندي
ادري ان الكلام هذا كله ما يثبت ان الطير يتكلم واكيد ما يتكلم بس يثبت ان الطير الاليف المتربي داخل العائله منذ الصغر يتطبع بطبايع العائله
تقول وشلون
اقول انت مثلا عندك طير اليف غير الببغا بقفص متربي داخل العايله من الصغر
انت كل يوم تمر من عند القفص تصفرله وتروح وكل يوم على ذا الموال خصوصا انه بالطريق تمر عليه صبح ومسا مع الوقت الطير اكيد بيتذكر التصفير وبيتخزن في ذاكرته
نعرف ان فيه انواع كثيره من الطيور غير الببغاوات تقدر تخليها تغرد تغريد معين مثل الكناري والحسون وغيره
وبكذا يمكن تعلم ان كلمة جوجو كلمت تودد وهذا اللي اتوقعه انا لانه اذا قرب عند الانثى بدال نغمت التزاوج المعروفه عند الزبرا يقول جووو جووو ولاحض نفس مطتي انا للكلمه وكذا انا متعود اناديه
طيب انا هنا اتوقع وماني متاكد واكيد ابي رايكم يهم مهما كان وياليت احد يجرب بعد يربي طير بنفس الحكايه ويعطيه اسم سهل للنطق ويجرب ودي اشوف النتايج عندكم عشان اقدر اقارن واللي عنده زبرا اليف ياليت يقارن صوت الزبرا اللي عنده عن غيرها هل تختلف اصواتها او لا

[الغضب]

انا مصدق ومو مصدق

انتظار الفيديو ..

ومشكووور

[عبود الكناري]

ما شاء الله أخوي

[عبود الكناري]

بإنتظار الفيديو

[ملك الزيبرا]

ماشاء تبارك الله

الله يبارك لك بحلالك

[!خالد!]

والله انا اصدق سدااااح مايكذب الرجاجيل إلا هو ارداهممممممممم

بس يمكن يصير يتكلم ليش لا

وانا انتضر الفديو امتحمس ابدرب اطيوري كذا

[sdda7]

والله انا اصدق سدااااح مايكذب الرجاجيل إلا هو ارداهممممممممم

بس يمكن يصير يتكلم ليش لا

وانا انتضر الفديو امتحمس ابدرب اطيوري كذا
دقق في الثانيه 11 اول ما يدخل العش
oQqzhk5HzWE
كل اللي عندهم زبرا وعرفو اصواتها راح يميزون الفرق
ممنوع النقل واسف على التاخير بس عشانه ما تعود على الكمره خايف منها وحاولت اجيبلكم شي واضح
واعذروني يقدر يقولها اوضح من كذا
بس اصبرولي الين القطها صح

[sdda7]

الله يهدي الاخوان ردو علي مشكورين بس توهقت ودي اكتب الموضوع من جديد عشان يصير الفديو مع الموضوع وياليت الاداره تقفل هذا الموضوع وموضوع تربيت وتدريب فرخ الزيرا بحيث يكون مثل الحمام وموضوع فديو مراحل نمو وتدريب فرخ الزبرا سداح عشان اقدر اسوي موضوع موحد عن الزبرا وارفق الفديوهات كلها مع بعض
ياليت يا اخوان تصجون الاداره بهاذا الشان
ابو وليد sdda7
مشكورين

[!خالد!]

والله صادق اخوووووووووي

[sdda7]

والله صادق اخوووووووووي

شهاده اعتز فيها اخوي انتضر لين القطه وهو يكررها صح لانه قد قالها اوضح من كذا واجد وانشالله ما يسرق الموضوع زي موضوع سداح

[ملك الزيبرا]

سبحان الله

الله يحفظه من الحسد

[sdda7]

ابي الصدق يا اخوان لا احد يجامل للي يعرفون صوت الزيبرا هل تقدرون تميزرون وش يقول ولا لا ما ابي مجامله ابي الصدق عد المقطع مره وثنتين وثلاث واسمع زين
يمكن اكون غلطان ويمكن يكون معي حق انتم الحكم الان ولا راح يزعلني اي رد مهما كان يهمني اتاكد هو وازن نغمته على جوجو ولا لا

[sdda7]

الفرخ مات بعد ثلاث ساعات من نزلت المقطع اكله قطو داخل البيت وشلون وصلله مدري بس الاكيد عيييين والحمد لله والشكر على كل حال
يا خالد اذكر الله
حسبي الله عليك من ولد اذكر ربك اذا اعجبك شي

[loooov 2008]

مشاء الله مشاء الله
الله يحفظه من الحسد

[sdda7]

ماااااات اي يحفضه من الحسد اقوللك اكله قطو وهو في وسط القفص ودالخل البيت وسط الصاله وشلون مدري
ابنزل الفديو حسبي الله على هالنضول اللي جاب فيه العيد عين صلبي

[loooov 2008]

يا عمي هدي اعصابك
تعآل نقعد ونحسبهآ كيف قطو اكله وهو في القفص ؟؟؟؟؟
وهل اكالهم كلهم ولا بس سدح؟؟؟؟

[loooov 2008]

ان لله و إن اليه لراجعون
نسأل الله ان يجعلك من الصابرين وان يعوضك الله خيراً

[ملك الزيبرا]

الله يكون فى عونك وعون الوالده أطال الله بعمرها

وأنا قلت لك بردي السابق بعد تنزيللك للفيديو

الله يحفظه من الحسد

لأني أعرف عيون الناس حاره ومايذكرون أسم الله

على الشيء ويقولون ماشاء الله بل على العكس

يبدون يحسدون ويتمنون النعمه تزول عن أخيهم المسلم

الله يعوضك ويعوض والدتك خير عنه وإن شاء الله اللي أخذه يعطيك أحسن منه

[|| كــروآن ||]

يتكلّم ..........؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!1

[فيصل123]

حسبي الله ونعم الوكيل الله يرزقك احسن منة قولو امين

[forums]

الحمد لله ان طير الزيبرا كثير التفريخ وكلها كم شهر ويكون عندك 5 جوجو مو واحد

انت فنان ومربي محترف وتقدر تعوض بداله.

بجد ارشحك تكون مشرف للقسم.

[N32]

لا حول ولا قوة الا بالله

الله يعوضك خير

[رامبو خان]

الله يعوضك باللي احسن منه والحسد مشكله الشعب العربي والمشكله الكل يقدر يسوي ويبعدع لكن
الله يعوضك
لكن انا اشهد ان اللي جاب طيرك بندق

[يمكن اشتري]

السلام عليكم يا شباب لا جذبون الرجال توقعو كل شي يتكلم عادي

[*waleed*]

والله محد قالك تحط فيديو له , يعنى وشوله توري الناس , خلاص مو لازم ايش استفدت الحين

ترى العين ماترحم

الله يعوضك

[عمودي]

سبحان الله
أتمنى أشوف الفيديو

[عمودي]

الحمد لله على كل حال

[مـيـشو]

اخوي انا مقدر اكذبك وانا عندي مثلك بس موب يتكلم لان معه طيور حب من يومه صغير وصار يقلد تغريده

[طير الزيبرا]

فيه ناس كثيرة استغربو من هاذا الموضوع لاكن هاذي قدرة من الله الله يقدر يخليه ينطق احسن منكم
والي يشوف مثل هاذي المواضيع خلة هاذا دليل من عظمة الخالق سبحانة وتعالى

[ملكـ الهامسترات]

شدعوه

[g.s.990]

الله يعوضك احسن منة والله اني كنة مصدق قبل ما اشوف الفيديو ولانك ما شفتة خرب

لاني كا استغرب هذا الشي

وكمان قد شفة في اليوت يوب زبيرا يتكلم

لا حول ولا قوة الا بالله

اخي تقبل مروري

[الكناري المغرد]

ليه الببغاء يتكلم لانمااله احباال صوتيه

اماا الزيبراا يصفر و كل شي و النوع الافريقي للزيبرا يغرد