المساعد الشخصي الرقمي

مشاهدة النسخة كاملة : رايكم في أسعار الدجاج من المزارع المحليه

أزمرل إمبرطور الجمال
15-08-2009, 08:12 PM
بسم الله الرحمن الرحيم
السلام عليكم ورحمة الله وبركاتة

كيف الحال أخواني الكرام ؟!
عساكم على القوه ...

اخواني اليوم رحت العزب الي جنب عزبتنا يعني رحت المزارع المحلية الي جنب مزرعتنا و هيه مزارع حيوانات و نحن في الإمارات نسميها عزب و المزارع الي هيه خاصة بالزرع فقط المهم رحت و شفت أسعار الدجاج .. عندنا طبعا أرخص من السوق بوااايد

المهم و حصلت دجاج باكستاني 4 دجاجات و ديك بـ 200 درهم / ريال و طبعا الدجاج بالغ و منتج

و حصلت دجاج عماني / خيبر دجاجتين و ديك بـ 100 درهم / ريال و الدجاج منتج و صغير بالعمر و شفت إنتاجه ...

شو رايكم بالسعر مناسب ولا لا ؟!

لاني بعدني ما شريتهم بس قلت أشاوركم قبل ...

تحياتي لكم ^,^
المارد2009
15-08-2009, 11:24 PM
:D:D .! راعي صوغان !. :D:D

اخى الحقيقه ماعرف اسعار السوق بس المعروف ان المزارع اقل بكثير من السوق

لأسباب ماحينقل الحلال الىن السوق وقفتو فى السوق ورجعتو فيها مصاريف

لما اروح السوق ماعرف اشتري لوجود الشريطيه < السماسره>

اتوكل على الله واشتري ولوعندنا ماتئخرت ابد

الله يوفقك ويطرحلك البركه
alyassa
16-08-2009, 04:20 AM
اسعارهن وايد غالية شكل البنجالي او الباكستاني يريد يقص عليك سعر الحبة لا يتجاوز ال 10 درهم حاول تنزل السعر او شوف عزب اخرى تحياتي لك
أزمرل إمبرطور الجمال
16-08-2009, 02:21 PM
أخوي ها عندكم في عمان أما عندنا و الله مستحيل تحصل الدياي بسعر أول ...

البارحة من العزب الدياي العماني الفروية بـ 35 درهم

و الدياية البياضه بـ 50 درهم ها ارخص شي ..

و حصلت واحد يبع الدياية بـ 30 لكن بعدهن صغار ما بدن يبضن ..
فقاسه
21-08-2009, 06:56 PM
الله يخلي اسعار الخرج الدجاجه البلديه المنتجه 25_35ريال
aboooduae321
30-08-2009, 12:38 PM
هلا اخوي احمد شحالك ؟

اخوي توكل على الله و الله سعر ولا ااحلى وياريت تقولي اسم المنطقة لاني احتمال اشتري بيض للفقاسه

و بالنسبة للسعر حلو و مرخصلك احس عن سوق الشارقه هههه
! هاويه الطيور !
31-08-2009, 07:25 PM
ان شاء الله افادوك لاعضاء
بالتوفيق ،،
أزمرل إمبرطور الجمال
01-09-2009, 12:29 PM
أنا آسف جدا جدا على الغياب ... لاني فقدت عضويتي السابقة كنت على أمل اني أسترجعها ...

المهم أنا شريت دجاج الدجاجة الواحدة على 20 درهم / ريال ... و الدجاج بياض و خذيت 3 دجاجات و ديك وصار عندي أربع دجاجات و ديك ... و الأن وجدت دجاج كويتي و دجاج باكستاني و دجاج ألماني بياض .. و أفكر أنوع الدجاج الي عندي لكن من غير تهجين ... ^,^

مشكورين على المرور و الأسعار الآن نازلة لكل الحيوانات و الطيور