حاله غريبه للكاسكو .. !!

[Q8 Sailer]

السلام عليكم ورحمة الله وبركاته ..

اخواني اللي عنده أي تفسيره لهالحاله ياريته يفيدني ..

طبعا يا اخوان حق اللي عنده جواب اكيد .. يعني اللي يبي يألف من عنده يا ريت ان ما يرد ولا يألف ... :)
(لحد يزعل لكن ابي الجواب اليقين ...) :)

عندي الكاسكو لما يكون داخل القفص يخليني امسح على راسه .. ومايفكر ان يعضني واذا عضني عضني عضه خفيفه ..

يعني يعاملني باحترام وهدوء ..

لما اطلعه بره القفص .. مايخليني امسح على راسه دايما .. (مع ان اول ما دربته على المسح .. وان ما يعض بقوه .. كان عادي واهو من نفسه ينزل لي راسه وامسح عليه)

طيب ليش لما يكون داخل القفص عادي امسح عليه ولما يكون بره القفص ما يخليني وحتى عضته احيانا تكون قويه

هل لأن حس بالحريه ؟ وان لما يكون داخل القفص ما يحس بالحريه فيعاملني باحترام حتى يطلع من القفص ؟

ولما يطلع خلاص يكون خذه مراده ومايبي احد يلمس عليه أو يقرب منه !

للعلم الكاسكو غير محجل ويحب يلعب ويحب الازعاج ..

لكن ما يجعر من احد ...

هل من تفسير ؟ :)

بانتظاركم يا اخوان ..

[ابو محمــد]

طبعا يا اخوان حق اللي عنده جواب اكيد .. يعني اللي يبي يألف من عنده يا ريت ان ما يرد ولا يألف

هلا والله اخوي Q8 Sailer الله يهديك نحشت العالم احنا مو دكاتره لكن من تجارب مرت علينا وانا حبيت اقحم

نفسي بالموضوع.

نفس الحركه معي لكن مو ع طول واعتقد ان الشغله مزاجيه لا اكثر ولا اقل وانا نفسك استغربت من الحركه هذي.

لكن السؤال اللي يطرح نفسه انت دائما اذا طلع برى القفص والا احيانا؟

اذا دائما الطير لحد الان خايف منك ويبيله صبر,,,

اما اذا مره ومره اعتقد انه فيه مشكله نفسيه,,

حاول تغير المكان او تخليه ع الاستاند,,,>>>>>>>> (شكلك حاكره 24 ساعه في القفص)

[سكر]

ماقصر أبو محمد جزاه الله خير

وهو أعطاك الحل بغض النضر عن التفسير، لأن الحاله يبغالها فهم لبيئته وطريقة تعاملك معاه، وتختلف من حاله لحاله

غير جوه، من مكان و قفص واستاند وغيره

أنا اللي أبغى أعرفه مستوى ارتفاعه لما يكون فوق القفص بالنسبه لك
هل هو أعلى منك، أو انت أعلى؟

هل هو في ركن البيت أم في وسطه
وهل يوجد حيوانات أو طيور أخرى؟

أنتظر ردك حتى أحاول أفسر حالته ياقمر

تحياتي

[Q8 Sailer]

هلا وغلا .. اولا احب اشكركم .. :)

يا اخ ابو محمد لاتفهمني غلط لكن البعض منا يألف كلام ويقول سو وسو وهو مايدري شنو قاعد يقول .. :) على هالسبب قلت اللي يبي يألف لا يرد :) وان شاءالله ماتفهمني غلط واتمنى ما نحشت احد :))

ومشكوور يا اخ ابو محمد على التوضيح ..

بالنسبه لسؤالك .. انا مو دايما اطلعه .. لأن لاحظت عليه اذا اطلعه دايما يتماده الطير .. يعني ما يهتم وبس يبي يتناجر مع الكل .. لكن لما احكره داخل القفص يومين أو اكثر .. يحترم حاله ويصير عاقل .. :)

وشكرا لك يا اخوي على التوضيح والله يجزاك خير .. وللعلم ان الكاسكو مايخاف مني ويعرف ان انا مربيه ..
---------------------------------------------------

هلا اخوي سكر .. لك وحشه :)

بالنسبه للارتفاع يا اخوي سكر ..

انا اعلى منه .. أو تقدر تقول بالقفص انا اعلى منه ..
لكن على الاستاند ممكن يوصل لي الوجه .. يعني اقدر اقرب له وجهي من دون لا انزل نفسي أو ارفع نفسي ..

بالنسبه لمكانه ..

لسبب ضيق المكان ولأني ساكن في شقه .. فلا يوجد مكان اخليه فيه الا الممر .. بمعنى ان ما يقدر يشوفني لكن يسمعني واسمعه ..
لكن بنفس الوقت اكلمه وامسح على راسه من داخل القفص واضحك في وجهه ..
ولما احطه على الاستاند اخليه بالصاله ويكون قريب مني بمعنى ان يقدر يشوفني ويسمعني ..

وبالنسبه لوجود طيور اخرى ..

عندي بلبل .. احيانا يغرد ... والكاسكو اخذ تغريد البلبل .. :) يعني قام يقلده ..

ي8
في شي توني اتذكره .. ان لما احط الكاسكو على الاستاند يكون هادي .. اما اذا كان داخل القفص يصفر وايد ووايد يخربط بالكلام ..

للعلم ان لايوجد في الشقه الا انا وزوجتي .. يعني لما نطلع تصير الشقه هاديه ...

وقبل مده سافرت .. وكان ريشه متنتف ...

وخليت الكاسكو ببيت احد من اهلي .. وعندهم جهال ويوميا تقريبا يقعدون وياه ويكلمونه ويلعبون معاه .. فلما رديت من السفر واخذته لقيت ريشه طالع عليه بنسبة 50 الى 70% تقريبا ...

فعرفت ان حاس في الوحده .. وفكرت اني اجيب له كاسكو ثاني .. !! فهل من نصائح ؟ :)



واسمحوا لي على الاطاله وبانتظاركم يا اخواني الكرام :) ..

[جداااوي]

هلا بيك اخوي
الصراحه الشباب ما قصرو معاك
اما بالنسبه للأرتفاع خليه بمستوى ارتفاعك وحاول انو تطول جلستك مع الطير لمده تقارب ساعتين يومين
وحاول انو تخلي قفصه بعيد عننه يعني يكون على الاستاند افضل
واللعب معاه عشان لا يحس بممل
اما العض خارج القفص هو مو متعود احد يلمسه وهو خارجه لازم انو تدربه عليه
انا كان عندي نفس المشكله
ودحين الحمدلله كل شي طبيعي
داخل وخارج القفص
تقبل مروري بدون مخالفات

[Q8 Sailer]

مشكوور اخوي .. والله يجزاك خير على النصايح :) ..

وان شاءالله بحاول ادربه اكثر :)

[سكر]

طيب ياقمر أبغاك تجرب طريقة معاه
طلعه فوق القفص مو الاستاند
وخليك جالس على كنبه مثلا" أو كرسي
واجلس امسح عليه وشوف كيف تقبله للوضع
أنتظر ردك بعد التجربه
وسامحني أنا داخل من الموبايل يادوب أكتب كلمتين
تحياتي

[Q8 Sailer]

هلا اخوي سكر .. :)

جربت الطريقه اللي قلتي لي عنها ..

اول ما طلعته من القفص مسحت عليه مده قصيره خلاني جان يوخر عني .. وبعدها رد مثل حالته الغريبه ان ماقام يخليني امسح عليه ..

امس كان بالقفص كل شوي امسح عليه ويستانس .. والحين لما طلعته من القفص اي امسح عليه خلاني شويه وبعدين مايبي كل ما بحط ايدي على راسه يرفع راسه أو يوجه منقاره حق ايدي ويطلع صوت مثل (نفخة هواء)
:)

بانتظارك يا اخوي الغالي . :)

[KING RSA]

::

اخوي بقولك تجربتي انآ وبآمكآآنك تستعملها او لا برآآحتك ..

جوع الطير بحدود المعقول ..

وطلعه برا القفص وعندك اكله المحبب بيدك من حب شمسي او فول سوداني ..

قرب له الاكل وحاول تمسح عليه

بعدها مسح عليه واعطيه وكذآآ ..



حتى الببغاء بدا يستوعب ان اذا مسحت عليه راحت تعطيه الاكل
بتشوفه يجي ليدك يبي ياكل ..

[Q8 Sailer]

فكره جميله ياخوي الكريم .. :)

للعلم ان انا كنت مدربه من قبل وكان عادي امسح على راسه بأي مكان داخل القفص أو خارجه ..

لكن مستغرب الحين منه ما يخليني امسح عليه خارج القفص لكن داخل القفص يخليني وهو بنفسه يجيب لي راسه علشان امسح عليه .. :)

[ابو محمــد]

طيب اذا عندك طفل جرب خله يمسح عليه وانت قاعد جنبه ورد لي خبر ضروري .

عشان احلل لك المشكله اوكييييه<<<<دكتور نفسي

[Q8 Sailer]

هلا اخوي ابو محمد . .

لا والله ماعندي طفل ..

لكن ان جي احد من اهلي ان شاءالله بخليه يمسح عليه .. :) ومشكور اخوي على الاهتمام ..

[beeshoo]

مثل ماقالك الاخ KING RSA

ترا حركة المكافأة مررره رهيبه و تمشيه على كيفك ..
في اي تدريب ..

حاولي تمسحي عليه حتى لو عضك او بعد عنك المهم امسحي عليه و كافئيه..

كرريها مرتين او ثلاث و كل فتره ووكل يوم عيدي نفس الحركة ..

و كافئيه بشي يحبه ..

و ماراح يعدي الأسبوع الا و هو ماشي تماام ان شاء الله ..

يلا الله يوفقك ,,

و قوليلنا ايش صار معاكي

[naasooh]

السلام عليكم ورحمة الله وبركاته ..

اخواني اللي عنده أي تفسيره لهالحاله ياريته يفيدني ..

طبعا يا اخوان حق اللي عنده جواب اكيد .. يعني اللي يبي يألف من عنده يا ريت ان ما يرد ولا يألف ... :)
(لحد يزعل لكن ابي الجواب اليقين ...) :)

عندي الكاسكو لما يكون داخل القفص يخليني امسح على راسه .. ومايفكر ان يعضني واذا عضني عضني عضه خفيفه ..

يعني يعاملني باحترام وهدوء ..

لما اطلعه بره القفص .. مايخليني امسح على راسه دايما .. (مع ان اول ما دربته على المسح .. وان ما يعض بقوه .. كان عادي واهو من نفسه ينزل لي راسه وامسح عليه)

طيب ليش لما يكون داخل القفص عادي امسح عليه ولما يكون بره القفص ما يخليني وحتى عضته احيانا تكون قويه

هل لأن حس بالحريه ؟ وان لما يكون داخل القفص ما يحس بالحريه فيعاملني باحترام حتى يطلع من القفص ؟

ولما يطلع خلاص يكون خذه مراده ومايبي احد يلمس عليه أو يقرب منه !

للعلم الكاسكو غير محجل ويحب يلعب ويحب الازعاج ..

لكن ما يجعر من احد ...

هل من تفسير ؟ :)

بانتظاركم يا اخوان ..


وعليكم السلام ورحمة الله وبركاته

Q8 Sailer
قريت الموضوع والردود
ورأي
أن الطير درجة ألأمان له أكبر داخل القفص حاليا مملكته
يعني
أهو داخل القفص أهوو المسيطر على الوضع وأنت حركتك محدوده عكسه أهو يقدر يبتعد عنك بأي وقت
غير
لما يكون خارج القفص راح تقل درجة ألأمان له
ويكون مترقب أي شئ
والطير ألى ألأن ما صار أليف 100% معناته للحين خايف منك

الطريقه

أمنع عنه الشئ ألي يحبه مثل الشمسي وعطه ألأكل المعتاد ما عدى الشمسي
طلعه برى القفص بالوقت ألي أنت موجود فيه بالشقه وأذا يعض وقت ردته قرب غطى القفص له أذا أمسكه رده داخل القفص
بعد يومين

جرب هالطريقه خلي الطير بنص ساعديك قريب للكوع بنفس حركة كأنك بتلم واحد وبأيدك أثنتين أمسح على كل جسمه
أهو ما هو عارف أي أيد بتمسح عليه مع وقت بسيط تلقاه يرضى أنك تمسح عليه وينزل راسه
وركز بالمسح على منطقة الراس
طبع هالطريقه وهو فوق القفص أو على ألأستاند

ولا تنسى المكافأه له أكرمه بعد التدريب
وأذا خايف من عضته أمسك الحبه بأطراف أظافر السبابه وألأبهام ووكله

[Q8 Sailer]

هلا اخوي ناسوه .. مشكور على الطريقه الجميله .. ان شاءالله بجربها معاه ..

وانت معاك حق الطير مو اليف 100%

فيه شراسه شويه ... يعني تلعب معاه وجذي عادي لكن بحدوده اهوا مايبي احد يتعداها :) ..

والله يجزاك الجنه .. :)

[سكر]

والله يا سيلر للأسف ما أعرف أشخص حالته

ومن قال لا أعلم فقد أفتى,,

لكن ربي يوفقك في انك تلقى جواب والشباب ان شاء الله ما بيقصرون معاك

أنا لو مكانك كل يوم أجرب شي, حتى أعرف السبب

يمكن السبب في خضوعه داخل القفص انه حركتك هادية معاة,, ولما تطلعه يشوف كل جسمك يتحرك أو تكون حركتك سريعه وتحسسه بالهجوم,,

ربي يوفقك

تحياتي

[Q8 Sailer]

والله يا سيلر للأسف ما أعرف أشخص حالته

ومن قال لا أعلم فقد أفتى,,

لكن ربي يوفقك في انك تلقى جواب والشباب ان شاء الله ما بيقصرون معاك

أنا لو مكانك كل يوم أجرب شي, حتى أعرف السبب

يمكن السبب في خضوعه داخل القفص انه حركتك هادية معاة,, ولما تطلعه يشوف كل جسمك يتحرك أو تكون حركتك سريعه وتحسسه بالهجوم,,

ربي يوفقك

تحياتي

حبيبي اخوي سكر ما قصرت والله وفيك الخير والله يجزاك خير .. :)
ان شاءالله بس افضى راح اجرب عليه جميع التجارب :) للعلم ان الكاسكو مايحب شي اسمه (قفص) يصير مجنون لما احطه داخل القفص يتحرك وايد ويصرخ صراخ مو طبيعي .. لما اطلعه يستانس ويهدي شوي :)